Hibru 1:6 - Marik

⁶ Takag, Negur ĩ yogon kesu matu tenebur ein irou isif sain bun, ĩ baban irok, “Negur nẽ engel ganan ĩ seli dalouf.”

Hibru 1:6 Iomraidhean Croise

Matyu 24:14

Saa tano nẽ biya od enĩ wogõ difediyouf anim, teneub ganan bun tamo kayau wedereid irou fen, uris gen ifenẽdiyouf, anĩ gama idikeleya isiyouf.

Jon 1:14

Od anĩ tamo wõ ye fen, ada atun ibodon. Ada yogon fula fiya medeĩya tailen, fula fiya medeĩya are Naal Tekelei Yogo Dogol nẽ, ĩ Tama bun tamal wau ifenẽya ado momoi barikã isin.

Jon 1:18

Taka nem Negur to bagai ilen, anĩ ere, Negur Naal Tekelei Yogo Dogol, ĩ Tama wagen ibod ken, ĩ nigin yaor fen.

Jon 3:16

“Negur, tamo kayau teneub enei bun ganan nigin fatuk wau laa fen nigin, yogon Naal tekelei bagai anĩ ifenẽdin, are taka ĩ, ĩ nigin momoi youf are, to fõ yalauf, mata faimud ibodkeleya adouf nigin age fen.

Rom 8:29

Idi Negurem mogo kelein anidi, Negur idi yogo Naal gen wowã douf nigineg mogo igirnẽdin, are yogon Naal, tura tar musei atun, kesu matu wõ youf nigin age fen.

Kolosi 1:15

Kristus ĩ, Negur ada to tailef anĩ nẽ malakanon, ĩ Negur nẽ kesu matu, ereb ereb inodin ganan anĩ nẽ mudur inenen.

Kolosi 1:18

Ĩ bouwa are sios, ĩ yogo anĩ nẽ mudur. Ĩ gariya, tamo gare den bun tamal uyulil kel fã yen, are ereb ereb ganan bun ĩ mudur ibodõf nigin age fen.

Hibru 1:5

Ere nigin, Negur ĩ yogon engel taka to eig ye irokenen, “Õ neu Kesu, gama aya õ Tamã wõ aul.” Takag, Negur ĩ engel taka nigin to eig ye iron, “Aya yogon Tama abodõf, ĩ neu Kesu ibodõf.”

Hibru 10:5

Anĩ nigin, Kristus tenebur isi fen, iron: “Õ sesewi fiya ado ofa to oroyon, anĩ ere, õ aya nigin bouwa taka dodok won.

1 Pita 3:22

Jesus Kristus ĩ saa ilun isel fen, Negur ima biyalẽ ibodok, age fe di, engel, yeneid adodo ado, megeir ganan ĩ farumen dibodok.

1 Jon 4:9

Negur nẽ wau laa fiya eig fe ifelnadan. Ĩ yogon Naal tekelei bagai, ada ĩ bunem mata tabodõf nigin, tenebur sur fen.

Kurõ Fesiya Od 1:5

Jesus Kristus ĩ Negur nẽ od el fe dõf wogõ yedig, ĩ tamo gare den bun tamal uyulil kel turĩ fiyen, tenebur king ganan neid mudur ĩ bunem, wau ifenẽya ado wau inosiya ã bun isif. Jesus ĩ ada nigin wau laaf fen, yogon naud bunem, ada neda mosor bun tamal yalelnadan.