Filipai 1:1 - Marik

¹ Pol ado Timoti, Kristus Jesus nẽ ferfer, Filipai oun Kristus Jesus bun Negur nẽ tamo kayau ganan ado, uyu iroudiya ado uyu iroudiya farumen sios kabĩ daledig anidi bun pas enei matotof.

Filipai 1:1 Iomraidhean Croise

Mak 13:34

Are tamo fõ itor ileya gen. Ĩ yogon fõ itor ken, lo difouf nigin yogon ferfer imeid bun inon, idi mugu mugu kabĩ fire fire ifenẽdin. Agef fen, ĩ tamo bobog bun anĩ mala inof ibodõf nigin irokenen.

Jon 12:26

Taka ĩ aya arunau yalef, ĩ aya dõ fiyauf bagai. Aya abodok nẽ an, neu kabĩ tamo ĩg an ibodõf. Taka ĩ arunau yalef, neu Dei ĩ yana yalesauf.

Aposel 1:20

Pita wogõ tobol fe, irokeneg iron, “Buk Sam bun eig ye itoton, “‘Yogon modoũ are fonou inouf, an taka nem to ibodõf,’ takag, “‘Taka nem ĩ fotokar yogon kabĩ yalouf.’

Aposel 20:28

à aug nigin ado, sipsip ganan Awa Uur Fateulem lo wedigouf nigin imeĩ bun inon anĩ nigin, meleĩ adouf. Negur nẽ sios, ĩ yogon naud bunem na yalen anĩ nẽ sipsip lo fiya tamo ubodõgouf.

Aposel 9:13

Ananias solof iron, “Odug, aya tamo enĩ nẽ od, Jerusalem oun ogon tamo kayau fateul daig fiyẽdin, are museim mogo dirokana di, karĩ aun.

Rom 1:1

Aya Pol, Kristus Jesus nẽ ferfer, aposel wõ auf nigin iweigna fen, Negur nẽ biya od wogõ auf nigin igirnan.

Rom 1:7

Tamo kayau ganan Rom taun ubodõgef, Negur ã nigin wau laaf fen, tamo kayau fateul wõ gouf nigin iweignein, ã bun pas enei atotof. Wau ifenẽya ado wau inosiya, neda Tamada Negur ado Odug Jesus Kristus bunem, ã bun isiyouf.

1 Korin 16:10

Timoti isiyouf are, ĩ ã geid ibodõf bun, ĩ ereb taka nigin to kumĩ youf nigin lo welegei, ere nigin, ĩ aya gen Odug nẽ kabĩ faali fef.

2 Korin 1:1

Pol, Negur nẽ oroya bunem Kristus Jesus nẽ aposel wõ aun, neda turada Timoti ado, pas enei Negur nẽ sios Korin bun ado, tamo kayau fateul ganan Akaia provins bun dibodok bun matotof.

Galesia 1:10

Aya tamo nẽ yo ya yaleya nigin age afef de, Negur nẽ yo ya yaleya nigin age afef? Aya tamo waud al fouf nigin age afef de? Aya fau tamo waud al fouf nigin age afouf are, aya Kristus nẽ ferfer sã.

Galesia 3:26

à ganan, Kristus Jesus nigin momoiya bunem, Negur gere tar ubodõgef,

Galesia 3:28

à gama, Juda tamo be Grik tamo, ferfer be kafĩ fiya sã, monog be gober to ufaregef, ere nigin, Kristus Jesus bun ã ganan tekelei ufaregef.

Efesus 1:1

Aya Pol, Negur nẽ oroya bunem, Kristus Jesus nẽ aposel wõ aun, Efesus Negur nẽ tamo kayau, Kristus Jesus el de dõ difedig anidi bun, pas enei atotof.

Efesus 1:15

Age fiya nigin, aya Odug Jesus nigin ãgenei momoiya ado, Negur nẽ tamo kayau ganan nigin ãgenei wauĩ laa fiya anĩ karĩ au fen,

Efesus 6:24

Idi, neda Odug Jesus Kristus nigin waud laaf fen, waud laa fiya anĩ to folõ difeledig anidi ganan bun, wau ifenẽya ibodõf.

Filipai 2:19

Odug Jesus bun, aya Timoti ã bun kaisã bagai sur fiya nigin, wau isef, are aya ã nigin od ale fen, ayag wau al fouf nigin age afef.

Filipai 2:5

Ãgenei tobonuneĩ, Kristus Jesus nẽ ado tekelei youf:

Filipai 3:12

Aya enei ganan mogo alen be, kisi feleya bagai wõ aun gen to kisi afef, anĩ ere, aya, ereb aya yaleya nigin Kristus Jesus igirnan anĩ, yaleya nigin totol bagai gudu rauf.

Filipai 3:3

Ere nigin, ada anĩ mulũ telen, ada anĩ Negur nẽ Awa Uur bunem Negur yana talesedig, ada anĩ Kristus Jesus nigin yanada talesedig, age ta fen, ada bouwa nẽ oroya nigin to momoi taudig.

Filipai 3:8

Anĩ dogol sã, neu Odug Kristus Jesus nigin keleĩya anĩ, ereb ereb ganan wal feid fen, odug bagai nigin, aya ereb ereb ganan are ege auf. Aya ĩ nigin ereb ereb ganan ator ken, sisik gen kisi afef, are aya Kristus anĩ ale fen,

1 Tesalonika 1:1

Pol, Sailas, Timoti, amã, Tesalonika sios Tamada Negur, Odug Jesus Kristus ado bun ufaregef ã bun, pas enei matotof: Wau ifenẽya wau inosiya ado ã bun ibodõf.

1 Tesalonika 2:2

à keleĩ, amã Filipai taun oun darau ado kono fiya malen, anĩ ere, neda Negur nẽ isennẽya bunem amã totol mano fen, naabura gudũ fiya totol ibod mog, in biya od wogõ mayein.

2 Tesalonika 1:1

Pol, Sailas, Timoti weim, Tesalonika sios, Tamada Negur, Odug Jesus Kristus ado bun ufaregef ã bun, pas enei matotof:

2 Tesalonika 1:10

Naa anĩ bun, ĩ isi, yogon fateul tamo kayau bun tamal, fula fiya medeĩya yale di, ĩ nigin momoi den anidi ganan, ĩ nigin meleid yũ yalouf. Are ã gediyouf, ere nigin, ã nemã od nigin momoi gen.

1 Timoti 1:2

Timoti, momoiya bun neu kesu bagai, bun pas enei atotof. Tamada Negur ado neda Odug Kristus Jesus neid wau ifenẽya, wau yũya ado, wau inosiya, õ bun ibodõf.

1 Timoti 3:8

Uyu iroudiya farumen kabĩ tamo anidi, areg age fiya, tamo idi karĩ difiyẽdidig, idi baleid to kara urudig, aai fatuk to dõdig, idegẽya bunem safina to daledig.

Taitus 1:1

Aya Pol, Negur nẽ ferfer, Jesus Kristus nẽ aposel, Negur igirnẽdin neid momoiya nigin ado, momoi nẽ keleĩ uyu irou di, idi fateul bagai dibodõf nigin, igirnan,

Taitus 1:7

Sios lo fiya tamo ĩ, Negur nẽ kabĩ ifenẽya nigin, ĩ bouwa od sã, to aya dogol yedig, kaisã to name isedig, aai fatuk to yõdig, to kusĩ yedig, idegẽya bunem safina to yaledig.

Filemon 1:1

Aya, Pol, Kristus Jesus nẽ kalabus tamo, neda turada Timoti ado, oboida ado kabĩ turada Filemon gein,

Hibru 13:23

Neda turada Timoti, kalabus bun tamal ulõ yesin anĩ, ã keleĩ youf nigin aya orouf. Ĩ kaisã wõ youf are, amã urom ã mailiyeĩf nigin masiyouf.

Jems 1:1

Aya Jems, Negur ado Odug Jesus Kristus neid ferfer, Israel neid ibor tuwelf tenebur ein firagagaũ difen bun pas enei atotof. Aan yeya.

1 Pita 2:25

à sipsip gen fõ yeleyan ulegen, anĩ ere, gama ã sipsip marau, ãgenei meleĩkanon nẽ lo fiya tamo bun keg usigen.

2 Pita 1:1

Aya Simon Pita, Jesus Kristus nẽ ferfer fen aposel, idi neda Negur ado Isennadaya, Jesus Kristus nẽ madur bagai bunem momoiya meli bagai neda gen dalen anidi bun, pas enei atotof.

Jud 1:1

Aya Jud, Jesus Kristus nẽ ferfer fen, Jems ne tura, idi Negurem iweignẽdin, Tamada Negur idi nigin wau laa fe di, Jesus Kristus kulatun fedidig anidi bun, pas enei atotof.

Kurõ Fesiya Od 1:1

Jesus Kristus nẽ kurõ fesiya od, are ereb kaisã bagai wõ youf anĩ, Negurem yogon ferfer ifelnẽdiyouf nigin Jesus ifenen. Jesus ĩ, yogon ferfer Jon od anĩ keleĩ youf nigin, yogon engel Jon bun sur fen.

Kurõ Fesiya Od 1:20

Barisa sewen aya imau biyalẽ ulen ado, lam nẽ gol tutur sewen ulen anĩ nẽ waa nẽ gariya, are eig fiya: Barisa sewen are sios sewen neid engel, lam nẽ tutur sewen are sios sewen.

Kurõ Fesiya Od 19:10

Age fe di, aya ĩ yana alesauf nigin, ye gariyan kubũ aun. Anĩ ere, ĩ aya irokanan, “To ago! Aya, õ ado, ogon turã tar idi Jesus nẽ wogõya kafĩ difel dirouf anidi geid, ada in ferfer. Negur yana wales! Ere nigin, Jesus nigin wogõya are, profet od wogõya nẽ uur anĩ.”

Kurõ Fesiya Od 2:12

“Pergamum sios nẽ engel bun utot: Od enei are, ĩ dimig bala waila si sitakã ado nẽ od.

Kurõ Fesiya Od 2:8

“Smerna sios nẽ engel bun utot: Od enei are, ĩ gariya ado idikeleya, ĩ laaf fen, baban mata fã yen nẽ od.

Kurõ Fesiya Od 22:9

Anĩ ere, ĩ aya irokanan, “To ago! Aya, õ, ogon turã tar profet ado, idi buk enei nẽ od dõ difef anidi ganan geid, ada in ferfer. Negur yana wales!”