Aposel 5:36 - Marik

³⁶ Kulu sain taka bun, Teudas ĩ yogo anĩ tamo odug ye fen, wõ yen, age fe di, fo handred tamo age fiya dõ difiyen, anĩ ere, ĩ dukesi di, yogon dõ fiya tar ganan firagagaũ dife, ege sa kelen.

Aposel 5:36 Iomraidhean Croise

Matyu 24:24

Fau idegẽya Kristus, idegẽya profet ado wõ de fen, idi kisi falauf are, Negur igirnẽdin anidig didegnẽdiyouf nigin uris odug memelik ado difelnẽdiyouf.

Matyu 24:26

“Anĩ nigin, takam ã irokeneĩf, ‘Kristus ĩ your, gerere tuan,’ ã to ulagauf, ‘Kristus ĩ yeir, aab namen,’ ã anĩ to momoi ge.

Matyu 24:5

Ere nigin, musei aya yanau nem disi dirõf, ‘Aya Kristus,’ age de fen, idi tamo kayau musei didegnẽdiyouf.

Aposel 21:38

Õ Isip tamal sã de? Kulu gawaman kiwai wene ken, gerere tuan fo tausen kiwai tamo uyu urou ulen anĩ.”

Aposel 5:35

Age dife di, ĩ idi irokenẽdin, “Israel tamo, ã tamo eneidi ereb naig wiyẽdigou fenẽ are, ã kisi el ge waleg le fen, ago gouf.

Aposel 8:9

Tamo taka yana Simon dedig an ibodon, ĩ taun anĩ bun idegẽya kosẽ inodidig, anĩ bunem Samaria tamo kayau ganan terẽ fiyẽdidig. Ĩ yogo nigin anĩ, aya tamo odug yedig.

Galesia 2:6

Idi sios bun yeneid ado anidi–idi naig be fediya are aya bun fire to ailedig, Negur ĩ tetenem lo fiya bunem to es fedig–tamo sios bun yeneid ado anidi neu od anĩ taka to tobol difen.

Galesia 6:3

Taka ĩ aya odug ye fen, ĩ yana sã ege ibodõf are, ĩ yogo idegnek.

2 Pita 2:18

Idi yana yaleseya od kaũ sã wogõ de fen, tamo kayau idi kũ fenẽya bun dibodok anidi bun tamal, mogo diyawof anidi, bouwa nẽ oroya, noli nigin kisi fãya bunem didĩ difedidig.

2 Pita 2:2

Musei dogo neid tobonuneid sane dõ de fen, momoi nẽ naab are naabura gudũ difouf.

Jud 1:16

Tamo eneidi are nauseir temeleid fen, taka nẽ kũ fenẽya dimirẽdig. Idi dogo neid oroya sane dõ difedig. Idi dogo yeneid dales fen, dogo neid biya fiya nigin, tunĩ meleid yaleya bun biya biya le fen, wogõ dedig.

Kurõ Fesiya Od 17:3

Age ye fen, engel ĩ Awa Uur bunem aya gerere tuan yale irouleyan. An aya, kayau, gaar kuĩ giriya, bouwa bun kono fiya yeneid barikã, mudur sewen ado, karat ten anĩ teten ibod mog, ailen.

Kurõ Fesiya Od 17:5

Waa nẽ yana are, yogon dama bun ditoton: BABILON ODUG KAYAU BOUWEID NA SUR FIYA ADO TENEBUR NINIR IBODOK ANIDI NEID SINA.