Aposel 26:10 - Marik

¹⁰ Are aya Jerusalem an age afen. Pris odudug bun yoya ale fen, Negur nẽ tamo kayau musei kalabus bun anenẽdin. Idi laa bun dinenẽdin sain, ayag idi laa bun dinenẽdiyouf nigin yo aun.

Aposel 26:10 Iomraidhean Croise

Aposel 7:58

Idi taun tamal Stiwen dĩ de dirou dile, serẽ meein tulu difiyen. Age dife mog, Stiwen bou bun od dun idi, nedi kolos dinukaka ken, tamo gaũ yana Sol ĩ ye gariyan gõ difen.

Aposel 8:1

Sol ĩ Stiwen dukesiyouf nigin, idi geid waud tekelein. Naa anĩ bun, darau odug Jerusalem sios bun wõ yen. Age fe di, momoiya tamo kayau ganan firagagaũ dife, Judia ado Samaria distrik bun dilelen, aposel dogol Jerusalem difaren.

Aposel 8:3

Anĩ ere, Sol gariya ino, sios daũ fouf nigin age fen. Ĩ fõ bun fõ bun ile fen, momoiya tamo kayau geif fen, kalabus bun inenẽdin.

Aposel 9:21

Idi ganan ĩ karĩ difiyen idi terẽ de fen, to difen, “Im anĩ, Jerusalem oun Jesus yana diweignẽdig tamo kayau tadũ fedin anĩ sã de? Im anĩ, tamo kayau ifofã, pris odudug gedin irou ilauf nigin isin anĩ sã de?”

Aposel 9:26

Sain Sol Jerusalem ile fen, dõ fiya tar geid weim bagu difouf nigin age fen. Anĩ ere, idi Sol ĩ dõ fiya tamo taka wõ yen anĩ to momoi de fen, ganan ĩ nigin kumĩ den.

Aposel 9:32

Pita ĩ modoũ ganan iyokelen, agef fen, ĩ Lida tauneg Negur nẽ tamo kayau ki fediyouf nigin ilen.

Aposel 9:41

Age fe di, Pita kayau ima irou yalesnẽ di, ĩ fã ye ifaren. Age fel fen, Pita, momoiya tamo kayau ado kayau waab geid iweigneĩd fen, Dokas ĩ mata kel fã yel anĩ ifelnẽdin.

1 Korin 15:9

Ere nigin, aya aposel idi atun naal bagai, aya to biya nigin aposel yeya nigineg kisi feleya sã, ere nigin, aya Negur nẽ sios darau afenen.

Galesia 1:13

Aya kulu Juda neid momoiya bun abod ken, naig be afen are ã karĩ gen. Aya Negur nẽ sios darau fatuk bagai afen ken, daũ afalauf nigin age afen.

Efesus 1:1

Aya Pol, Negur nẽ oroya bunem, Kristus Jesus nẽ aposel wõ aun, Efesus Negur nẽ tamo kayau, Kristus Jesus el de dõ difedig anidi bun, pas enei atotof.

Kurõ Fesiya Od 17:6

Aya, kayau, Negur nẽ tamo kayau neid naudeid ado, idi Jesus nẽ od kurõ difesin anidi, nedi naudeid yokon, mala waĩ ye mog, ailen. Aya kayau anĩ ail fen, fatuk bagai terẽ aun.