Aposel 13:23 - Marik

²³ “Negur ĩ age afouf yen kilei, Dawid nẽ ibor nẽ tubu tar bun tamal, kel yaleya tamo Jesus Israel ifenẽdin.

Aposel 13:23 Iomraidhean Croise

Matyu 1:1

Jesus Kristus wõ yen, anĩ nẽ ibor gĩ isin, Ĩ Dawid tubu, Abraham nẽ ibor.

Matyu 1:21

Kayau anĩ kesu monog gõ fouf, õ yana ũ Jesus wouf, ere nigin, yogon tamo kayau mosor bun temeleid kel gei fouf.”

Matyu 21:9

Tamo kayau uyu dilen ado, dume dõ difen diweig diron, “Hosiana, Dawid Naal bun!” “Odug yana bunem isif, ĩ el fiya ado!” “Hosiana, saa ilun bagai!”

Matyu 22:42

“Kristus nigin ã kisi ai gef? Ai nẽ naal anĩ Kristus?” Idi aiten dalen, “Dawid naal.”

Luk 1:69

Ĩ yogon kabĩ tamo Dawid nẽ fõ bun, isennadaya megeir ado yalesel ifaref,

Jon 4:42

Idi kayau anĩ dirokenen, “Amã ogon od bun dogol to momoi mauf, ere nigin, amã mug karĩ mau fen, amã keleĩ, tamo enei momoi bagai teneub ganan enei nẽ Isennẽya.”

Jon 7:42

Kristus Dawid nẽ ibor bunem, Betlehem taun Dawid ibodon nẽ anenem isiyouf, anĩ Negur nẽ Itotoya to irok de?”

Aposel 13:32

“Amã biya od ã marokeneik, Negur tubumã tar age afouf fiyẽdin are,

Aposel 2:30

Anĩ ere, ĩ profet taka, anĩ nigin, ĩ keleĩ, Negur wau kuturol fen, Dawid yogon ibor nẽ tubu tar bun tamal taka, yogon king nẽ sia bun inenẽf nigin irokenen.

Aposel 3:26

Negur yogon kabĩ tamo yalesne ken, ãgenei sane bun tamal, ã mugu mugu ganan falei ge di, el yeĩf nigin, ã bun ket Jesus sur fen.”

Aposel 4:12

Taka bun tamo kel gei fiya to ibodok, ere nigin, ada kel gei fadauf nigin, saa farumen yana taka to tamo ifenẽdin.”

Rom 1:3

are yogon Naal, neda Odug Jesus Kristus nigin, ĩ tamo nẽ ibor bun are, Dawid nẽ ibor bun wõ yen,

Rom 11:26

Age dife di, Israel ganan kel gei fediyouf, are Negur nẽ Itotoya bun ibodok kilei, “Kel yaleya tamo Saion bun tamal isiyouf, ĩ Jakop bun tamal Negur nẽ od dõ fiya sã nẽ tobonunã anĩ yalelauf.

Taitus 1:4

Taitus, neu kesu bagai, ada momoiya tekelei ado õ bun pas enei atotof: Negur Tamada ado Kristus Jesus neda Isennadaya neid wau ifenẽya ado wau inosiya õ bun ibodõf.

2 Pita 1:1

Aya Simon Pita, Jesus Kristus nẽ ferfer fen aposel, idi neda Negur ado Isennadaya, Jesus Kristus nẽ madur bagai bunem momoiya meli bagai neda gen dalen anidi bun, pas enei atotof.

2 Pita 1:11

Ago ge di, ã, neda Odug fen Isennadaya, Jesus Kristus nẽ tano mata gai ibodkeleya bun, ileya nigin lakĩ fiya taka to ibodõf.

2 Pita 2:20

Idi, neda Odug ado Isennadaya, Jesus Kristus kelei ken, tenebur nẽ sane bun tamal soso dife di, baban tenebur nẽ sanem fili feid fen, wal fediyouf are, idi gariya bun sane dibodon anĩ wal fiya, idikeleya bun sane bagai dibodõf.

2 Pita 3:18

Anĩ ere, neda Odug ado Isennadaya, Jesus Kristus nẽ wau ifenẽya ado keleĩ bun, odugouf. Ĩ bun fula fiya medeĩya gama ado faimud ibodkalauf! Momoi.

2 Pita 3:2

Aya, od profet fateul kulu wogõ den ado, ĩtãfiya neda Odug ado Isennadaya, ãgenei aposel bunem ifenein anĩ, ã karĩ walagauf nigin orouf.

1 Jon 4:14

Ada tail fen, kurõ tafeis, Dei, yogon Naal tenebur enei nẽ kel yaleya tamo wõ youf nigin sur fen, taudig.

Jud 1:25

ada Isennadaya Negur tekelei dogol ĩ anĩ bun, fula fiya medeĩya, totol, megeir ado, yana odug, neda Odug Jesus Kristus bunem, kulu, gama ado, faimud ibodkalauf! Momoi.

Kurõ Fesiya Od 22:16

“Aya, Jesus, ayam kurõ fesiya od enei sios nigin afeneĩf nigin, ã bun neu engel sur afen. Aya Dawid nẽ Warumutei ado Ibor, Bonimei nẽ Barisa medeĩya.”