Hebru 4:3 - Jamaw ta Marbinto: Kabarre ta Gala ɗo bi ka Iisa Masi iŋ daŋla

³ Kar ginte kuuk aamin gay, gii un̰je ɗo jamiyner-ata. Ɗo bi ka jamiyner-at, Buŋ kaaw aman : « Iŋ adir ka nige-ak, nu togiltu aman : ‟ Ŋu un̰jaaɗo tak-tak ɗo wer ka jamiyner kaak nu siyiico ! ” » Kar sando, min Buŋ gaasiit riyoy ta kiliiginer, wer ka jamiyner-ak, ŋaar goy ko.

Hebru 4:3 Iomraidhean Croise

Matiye 13:35

Ansii ko, ta kuuniytu iŋ kaaw taat nabiin̰ce kaawtu awalle aman : « Naa pile bir iŋ dele ka daŋlal. Naa imile baaco ta gamin kuuk goy cigile min kilgiye ka duniiner. »

Matiye 25:34

Kar nun kaak sultan, naaco kaawe ɗo kuuk ɗo meedar aman : « Kuŋ kuuk Tanni barkiyiŋko-aŋ, asoŋ ho un̰joŋ ɗo Meennaw taat Buŋ siytu loko min kilgiye ka duniiner.

Epeeziyen 1:4

Awalle, min Buŋ bal kilgiyin̰ misa kiɗa, ŋa doɓinte asaan ginte n̰um ko iŋ ŋaara. Ampaa ko, gi goyiy *cawar, bal zunuubinna ɗo uŋji. Ɗo bi ka ele kaak ŋa elgiite,

Hebru 3:11

Ansii ko, iŋ adir ka nige-ak, nu togiltu aman : ‟ Ŋu un̰jaaɗo tak-tak ɗo wer ka jamiyner kaak nu siyiico ! ” »

Hebru 3:14

Ka seener, ya gi oba tirit yoo gaasuwa ɗo imaan taat gi gastu, ŋaar-ak, gi geen̰ji ku Iisa Masi ko.

Hebru 9:26

Yampa, ta-aŋ ŋa taaɓiy taaɓin ta muuti dees dakina min kilgiye ka duniiner. Ya taɓ gay, ɗo wiktin ta ba aaro, ŋa bayin mena rakki di a ŋaa sooyin̰ zunuubinna ku geemir iŋ satkiney.

1 Piyer 1:20

Min Buŋ bal kilgiyin misa duniine, ŋa doɓig ɗo saan taar-ata, ho ɗo menaw-aŋ, ɗo wiktin taat duniin gaay gaase, ŋa gaarig ɗo saan taŋko.