Hebru 1:8 - Jamaw ta Marbinto: Kabarre ta Gala ɗo bi ka Iisa Masi iŋ daŋla

⁸ Kar ɗo Roŋji gay, ŋa kaawji aman : « Kiŋ kaak Buŋ, ki goy doo ka sees ka sultan. Ki hokumiyaag gee iŋ botol.

Hebru 1:8 Iomraidhean Croise

Matiye 1:23

« Cokiyoŋ ! Gemso taat bal aawe mitko asa ice adi ho taa wee mico. Ya ta wee, mic-ak, ŋuu kolin̰ ‟ Emanuweel ”. » Siŋ-ak ɗiya aman : « Buŋ goy iŋ ginte. »

Kabarre ta Gala ta Luk 1:75

Ampaa ko, gii gine sellen̰ ho *cawar ɗo uŋji, ɗo menuwte kuuk ŋa beriite ɗo duniiner. »

Yaaya 10:30

Nunu iŋ Tanni, nin rakki di. »

Yaaya 10:33

Yuudinna ɗiyiiji aman : « Ni diyaacinno ɗo bi ka maan kaak samaane ki gintu. Ni rakiin̰ dee-ak, asaan ki niga bin̰ iŋ Buŋ. Kiŋ kat gem di, kar ki gina zin̰ ar Buŋ ! »

Yaaya 20:28

Tooma telkiiji aman : « Kiŋke Rabbiner ho Buŋdu ! »

Roomen 9:5

Aginiyco kuuk aginda, ŋuur min gee ku Israyeel, ho Masi oki, ween̰ji, ŋa min gee-aku. Ŋaar goy kaaco ka gamin okin̰co. Ŋa Buŋ kaak ŋuu ozilin̰ elgin iŋ elgina ! *Aamin.

1 Korentiyen 15:25

Asaan Iisa Masi yaa tee Meennuwiy nam ƴiriy taat Buŋ yaaco nosire ɗo adiney okin̰co, ŋuu gine wer ka lee asin̰ji.

1 Timote 3:16

Nu kaawaako, seen ta imaante taat awalle cigile, taar dakina ! Diŋ gay Buŋ bayinta : Iisa Masi ic zi ka gemor ho ŋa bayintu ɗo duniiner. Ruwwin ta Buŋdi gaarig kadar ŋa sellen̰ ɗo uŋji ka Buŋdi. Ŋaar kaak *ɗubal ku Buŋdi taltu. Gee kaaw ɗo bi kan̰ji ɗo gee ku duniiner okin̰co. Ɗo kiɗ okin̰ji, gee dakina aamintu loci ho kuwa ka samaaner, Buŋ cooniig ɗo *darjiney.

2 Piyer 1:11

Iŋ taar-an ko, Buŋ yaako pile botol kuu un̰je ɗo Meennaw ta Rabbinte Iisa Masi Gay Jilinte. Ɗo wer-ak, gii goyeŋ ko tak-tak.

1 Yaaya 5:20

Gi iban kadar Roŋ ka Buŋdi, ŋaar as ɗo duniiner a ŋaate gaarin̰ gamin-aŋku. Ampaa ko, diŋ, gi ibingig Buŋ ka seener. Gi n̰um ko iŋ Buŋ, asaan iŋ Roŋji Iisa Masi sa, gi n̰ume. Ŋaar Buŋ ka seener ho ŋa beraate goye ka gaasɗo.