Hebru 1:6 - Jamaw ta Marbinto: Kabarre ta Gala ɗo bi ka Iisa Masi iŋ daŋla

⁶ Kar gay, Roŋ ka Buŋdi, ŋaar di kaaco ka gamin okin̰co. Wiktin taat Buŋ rakiy n̰aamin̰ Roŋji ɗo duniiner, ŋa kaawtu aman : « Ɗubal ku Buŋdi okin̰co yaa abdiyin̰ji. »

Hebru 1:6 Iomraidhean Croise

Matiye 24:14

Kabarre ta Gala ta *Meennaw ta Buŋdi-at, ŋu asa gaarin ɗo duniin okintiti nam gee ku ay darre yaa dorinti. Kar kat duniin yaa gaaseŋ kate. »

Yaaya 1:14

Gem kaak ŋu koliy Kaaw-ak gintu gemo ho ŋa astu goye iŋ ginte. Gi talit *darjiney taat ŋa gastu min Tacco Buŋ. Darjiney-at, taar ko ta Roŋji ka daŋgiro. Iŋ barkiney, ŋa elgiy gee ho ŋa gaariico seen ta Buŋdi.

Yaaya 1:18

Ginno waan kaak talig Buŋ. Illa Roŋji ka daŋgiro, ŋaar kaak goy sawa iŋ Buŋ-ak di, gaarteŋga.

Yaaya 3:16

Ka seener, Buŋ elig gee ku duniiner okin̰co nam ŋa tabiriig Roŋji kaak daŋgiro a ay gem kaak aamin loci idiyɗo maala, kar gay, ŋaa gase goye ka gaasɗo.

Roomen 8:29

Asaan ŋuur kuuk Buŋ doɓig min awalle-ak, ŋa ic ko niyine a ŋaa ginin̰co ŋuu kuuniye ar Roŋji. Paa kat, Roŋji-ak yaa gine aawco ka siŋta dakina.

Koloosiyen 1:15

Waan bal talin̰ Buŋ ƴiriy rakki. Kar Iisa kat ar ŋaara ho ŋa gaarteŋga. Min gamin okin̰co kuuk Buŋ kilgiytu, ŋaar di awalle ho ŋa pakgigu.

Koloosiyen 1:18

Ŋaar di goy kaaco ka gee okin̰co kuuk aamin loci. Iŋ ŋaar di, goye ka marbinto teestu. Ŋa nooy awalle min gee kuuk nooy min ɗo muuti. Ampaa kat, ŋa ogiriico ɗo gamin okin̰co.

Hebru 1:5

Ka seener, ƴiriy rakki, Buŋ bal kaawe ɗo rakki min ɗubilji aman : « Kiŋke-aŋ ko Roŋdu, min ƴiriyta-aŋ, ŋuu ibine kadar nun ko takko. » Ho ŋa bal kaawe tak-tak ɗo bi ka rakki minninco aman : « Nun, naa gine Tacco kan̰ji ho ŋaar gay yaa gine Roŋdu kanto. »

Hebru 10:5

Ɗo saan taar-an ko, wiktin taat Iisa Masi rakiy ase ɗo duniiner, ŋa kaawiiji ɗo Buŋdi aman : « Ki bal rake a ŋuun̰ gine satkine wala ŋuun̰ iye bere, kar gay, ki pinig zir.

1 Piyer 3:22

Min ŋa nooye, ŋa coontu ka samaaner ho ŋa goytu ɗo meeday ta Buŋdi. Ɗo wer-ak, ŋa hokumiyaag *ɗubal ku Buŋdi. Ŋa hokumiyaag oki gamin kuuk gin izinne ho iŋ kuuk gin gudurre kuwa ho gee talgigɗo.

1 Yaaya 4:9

Ampaa ko, Buŋ gaartu kadar ŋa elgiite : ŋa n̰aamiig Roŋji ka daŋgiro ɗo duniiner a ŋaate bere goye ka taɓ.

Apokalips 1:5

Ho nu barkiyaako oki pey iŋ siŋ ku Iisa Masi kaak meen̰ji saadin kaak taɓ, kaak nooy awalle min ɗo gee kuuk mate, ho kaak goy kaaco ka sultinnay ku duniiner. Ɗo ŋaar kaak elgiite ho jilinte min ɗo zunuubinnite iŋ *satkin ta baariy,