Mark 16:1 - Kwatay (Kuwaataay)

¹ *H'erimaas ite Esuwif i eje hu ayak abin áami ehabanaa, Mari ite u Magdala, ni Salome, ni Mari íñaay ite Saak ni kajoohen mátiso kaanuku keebin keehundan ehunuŋ ite Yesu.

Mark 16:1 Iomraidhean Croise

Mark 14:3

Yesu n'áyemi Betani, t'enuuf ite Simoŋ éebajaanie u *yafot i. Ondu tu buñoofo bu, ake anaare n'áyoosein, o n'éndiis yeerokee nu bujuju bimbi kaane albaatar. Éndiis i ehoojahooj ni mátiso mite anukanuk ii kaane naar, abe iŋi miseer naane. N'awelej butum bite te yo, abe n'áyuus mátiso mu ti hikaw hite Yesu.

Mark 14:8

Anaare onde áhina doon d'áyinie du. Ahundana eniam hahiye bala ibin iwananee t'élum i.

Mark 15:40

N'abaj toko yooŋ bakaake haare kéesiiŋeina akambee iŋi káheelinn. Mari ite u Magdala ámoomi tu bokondu, ni Salome, ni Mari íñaay ite Soosiin ni Saak añi.

Mark 15:42

Kaanendan ku, Siseef ite ti hikinu hihi kaane Arimate n'áreeŋin. Boko kaamo fu *sifaaf site ejoonana i, abe aŋ'ájeŋginee naane. Ámoomi ti kanahan n'eyakar yómbokun Atambatun eesiiŋan *Jáyi joone. *Erimaas ite Esuwif i naane kuwaatu, boko ti bifare bite te yo. N'atuumen eeja ti *Pilat, abe n'alawo ehunuŋ ite Yesu kaanuku eeja eehok yo.

Mark 15:47

Mari ite u Magdala, ni Mari íñaay ite Soos ni kajuk t'ehunuŋ i ehokee du.

Mark 16:2

Hunak héeseina hu *t'erimaas ite Esuwif i, ni kaja t'élum i nu bújom bu, taanak tu ti kánuutina.

Mark 16:8

Haare hu ni kánuutin t'élum i abe ni katey, iŋi kakaro kábit, káajahalein naane. Kasokut an doon fe, ábuki kákolakoleyi. ___________________________________________ [Siferse su 9 bija 20 sunooto tu wuwiit wútiyar wu.]

Hirim Heetoofe hu hi Luk akiñje hu 23:54

Bondu fe t'ajuma i, abe erimaas yeeniin yeeyooso memee.

Hirim Heetoofe hu hi Luk akiñje hu 23:56

Kahaban, ni kabatuko ti hikinu hu, abe ni kafare éluuliin ni mátiso bija t'ehunuŋ i. *T'erimaas ite Esuwif i, ni kayih naane *t'Eluwa yite Moyis esoke du.

Hirim Heetoofe hu hi Luk akiñje hu 24:1

Hunak héeseina hu *t'erimaas ite Esuwif i, haare hu ni kasoŋk karito keeja t'élum i ni mátiso mi kafaree.

Saaŋ 19:25

Mari íñaay ite Yesu ámoomi t'asiiŋee kaagoroor n'ekuruwa i ti katibo du, akina n'at'o, ni Mari anaare Kilewopas, ni Mari ite u Magdala.

Saaŋ 19:31

*Erimaas ite Esuwif i n'éyemi naane kuwaatu, abe hunak hómbokun tu boko, ábuki hífimboorafimboor *n'efeet yeeniin ite Kánuutina ku Esipt. Makamu Esuwif i kámaŋiit kawasu sini su tu *bukuruwa bu t'erimaas yeeniin, ni kalaw *Pilat kaanuku man wuwot wute keetibee ku tu bukuruwa bu nu wurebejee, suhunuŋ su seenuutanee toko.