Mark 12:6 - Kwatay (Kuwaataay)

⁶ Náami bare an afeeneŋ taŋ aroŋo fu toko a ayino kaboñu; o aamo fu añi oone a ámaŋie u. Náami eeboño ti kaanu ni hikawo: «Boko kájeŋgin añi úuma.»

Mark 12:6 Iomraidhean Croise

Májiye 1:23

«Arijamatan i! Ásuŋgute éemeyiit u ániine kaharat; o kabaju añi ahaawa, abe n'aŋ'aruwooree Emanuwel» (aamo fu: «Atambatun n'úne»).

Májiye 11:27

Abe n'aane kéeyemie ku toko: —Faafam anaŋanaŋ buroon bu fe tu sumoŋiam. An ámeyiit íñj'eemo fu aañ, íñje eeemo u Añi u, bare Faaf u ámoomi. An yooŋ ámeyiit Faaf u aamo fu aañ, bare ímoomi, íñje Añi u; abe k'ijifane ku yooŋ kaanuku íiwufooriino kámoomi.

Májiye 17:5

Ondu ti báhamin bu, náami kaafor keejaaŋe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Te o ti hikawam hutoofe fu. Arijamatano jak!

Májiye 26:63

Bare Yesu n'akoowan kem. Náami asaraha ómbokun u eeeno: —Inuuri Atambatun eeemo u buroŋ, a̱sok uni man awe a̱amo fu *Afakana u, Añi ite Atambatun.

Májiye 3:17

Kaaji ni kíhaminn t'etiir bufor bu keene: —An onde aamo fu añi úuma i ímaŋie u. Te o ti hikawam hutoofe fu.

Mark 1:11

Kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Mark 12:5

N'aŋk'aboñ ake áhaajiyan. Ondu, ni kayoolo. N'aboñ bakaake úkaan. Bare ni kámiñ bokonde, bakaaku ni kayooliin.

Mark 12:7

Bare eroka i ni kaanoor toko: «Ondu aja fu bibin biŋeñeno n'etool i. Úyoolo, abe etool i n'eŋ'éyemi yite i úne!»

Mark 9:7

Kaafor ni kíŋaasin, abe ni kímifeniin. Kaaji ni kíhaminn ti kaafor ku iŋi keene: —An onde aamo fu Añi úuma i ímaŋie u. Arijamatano jak!

Hirim Heetoofe hu hi Luk akiñje hu 3:22

abe Búwejet Beenabe bu nu búwanein te o naane búnokoorum bite húleebaan. Abe kaaji ni kíhaminn t'etiir bufor bu keene: —Awe a̱amo fu añi úuma i ímaŋie u. T'awe ti hikawam hutoofe fu.

Hirim Heetoofe hu hi Luk akiñje hu 9:35

Kaaji ni kíhaminn ti kaafor ku iŋi keene: —An onde aamo fu Añi úuma i ijifane u. Arijamatano jak!

Saaŋ 1:14

Hirim hu ni hibin híyemi húŋgowulan, abe ni hikin n'uni. Hijakajak t'ésuk i híhabanein, abe nu huhooj bib nu múniyo mu. Irijukajuk kániku k'Atambatun Faaf u aa awun Añio afeeneŋ u.

Saaŋ 1:18

An ámusut kajuku Atambatun. Bare Añi afeeneŋ u, eeemo u yooŋ Atambatun, abe n'áhin ni Faaf u káakondin kifeeneŋ, áhinahin núumeyio.

Saaŋ 1:34

N'ijuk bondu ni ñíkinam féet, abe iisok bo: ániine ondu aamo fu Añi ite Atambatun.

Saaŋ 1:49

Natanayel n'aano: —Ámuse u, awe a̱amo fu Añi ite Atambatun, awe a̱amo fu Áyi ite Israyel!

Saaŋ 3:35

Faaf u ámaŋamaŋi Añi u, abe n'awuno sembe tu buroon bu fe.

Saaŋ 5:23

kaanuku man ésuk i fe ni kájeŋgin Añi u naane kájeŋgine i Faaf u. An éejeŋginut u Añi u, ájeŋginut yooŋ Faaf u éeboñino u.

Esuwif i 1:6

Bare kóyin k'áboñina ku Añi oone átiyar u t'etaam i, aanaan: «Emalaka íima fe kájiŋgitan hágilao.»

1 Saaŋ 4:9

Iye a Atambatun áwufoore fu naane ámaŋie i úne: áboñinoboñin Añio afeeneŋ u t'etaam ye, kaanuku núubaj te o buroŋ bu.

3 Saaŋ 1:1

Íñje faaf u íkiñjini fee awe Gáyiyus, áwiyam i ímaŋie-maŋie u.