Fílip 1:7 - Kwatay (Kuwaataay)

⁷ Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

Fílip 1:7 Iomraidhean Croise

Epotor i 20:23

Bifeeneŋ taŋ b'ímeyie fu: bo beemo fu ti hikinu-kinu fe, Búwejet Beenabe bu uŋu busokam kaanuku ekulu yendu ti kanahanam, ni sílaam.

Epotor i 21:33

Aseef ite esulaan i n'atof areeŋ Pool, n'ajoko, abe n'aane kakobo ni ñaasel ñúsuba. Ahaban, n'ákandijen ésuk i akina aamo fu aañ, ni naŋ n'áhine fu.

1 Korent 13:7

Kámaŋi an aŋ'áhin an u n'ámuñ tu doon areyi fe, n'áyilen abe n'ayakar ko kireyi fe, abe n'ájokumooro tu doon areyi fe.

1 Korent 9:23

Abe bondu fe iŋ'íhin bo kaanuku man Hirim Heetoofe hu ni hijamo, iibin ibaj húrub t'ebaj ite te ho.

2 Korent 3:2

Aruun kumuumuun ariemo fu eleetar ite uni yeekiñjee i tu suhol site s'uni, y'an fe ayino kámeyi, abe n'ajaŋga.

2 Korent 7:3

Isokut bondu kaanuku iitinanuun. Iheeka eeenuun írimaŋiuunmaŋi dómbombokun, abe humuum eket i eyinaat kákinineŋ n'iriraan kámaŋi koonuun.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 3:1

Iŋ'ite ho aamo fu iŋ'ilaw Atambatun, íñje Pool eekulee u aŋarkeyi naane iŋ'irok bija ti Yesu *Kiris kaanuku íiyokunanuun, aruun keenooto ku Esuwif.

Efees 4:1

Náami íñj'endu ti kalawuuun bonde, íñje eekulee u aŋarkeyi naane iŋ'irok bija t'Anahaan u: buroŋ boonuun bíyemi naane t'Atambatun ámaŋie du h'aruwuun hu.

Efees 6:20

Íñje an eeboñee kawaare Hirim honde Heetoofe hu, bija naane eemo ee t'ekulu i fe. Náami arilaw man n'iŋ'iwaare ho ni hikaw heeyaŋge naane iware i bo káhinu.

Fílip 1:12

Kújakuwe, ímaŋamaŋi árimeyi kaanuku beebajam bu bifitut Hirim Heetoofe hu, bare bíhinahin ni hihaŋ bija hágila.

Fílip 1:13

Esulaan i fe kiŋki kajukar enuuf ite *áyi ómbokun eeemo u Rom, ni bakaaku kareyi fe kabinabina kámeyi kaanuku íñj'endu t'ekulu i aŋarkeyi naane iŋ'irok bija ti *Kiris.

Fílip 1:14

Bakan keehooje-hooj ti *kéeyilene ku, hi kajame hu kaanuku íñj'endu t'ekulu i, kikawiin ni kihaŋ kayaŋgu t'Anahaan u, kasooñen ni kahaŋ káñiŋkaan ti kawaare kite ésuk i Hirim hite Atambatun ti kákoleyiit.

Fílip 1:5

iŋi naane áriyokunanam i ti kawaare kite Hirim Heetoofe hu, huta hu tu hunak h'arijame hu ho hítiyar bija yooŋ t'úmiye.

Fílip 2:22

Bare Timote, arijukajuk naane áwufoore i hinij hoone heejake hu, nu buŋ b'aroke fu n'íñje ti kawaare kite Hirim Heetoofe hu; arokarok n'íñje naane añi aa áyokunan faafo.

Fílip 4:14

Bare árihinahin áwari aa naane ariseeŋaam i ti sílaam súuma.

Fílip 4:15

Aruun bakate ku Fílip árimoomi bonde jak: h'inuute hu Maseduwan, kóyin k'ijabe ku kawaare Hirim Heetoofe hu, ti *kéeyilene ku fe, aruun unoonuun áriyokunanam fu ti bisawula búuma.

Fílip 4:3

Awe yooŋ eeemo u burok wane bifeeneŋ, waasi, á̱yokunan haare hondu t'ésubaiin, íñje ilawi. Ábuki uni íriyemie fu t'étuum i t'afeeneŋ kaanuku Hirim Heetoofe hu heejamo, uni Kilemoŋiin, ni bakaaku bákawiyam fe kiŋki karok n'íñje. Atambatun akiñjakiñj kuruwu kooniin ti kaawiit koone kite buroŋ bu.

Kolos 4:18

Kasaafu konde, íñje Pool inoŋke fu iikiñj ko n'emoŋiam. Atum'arifiil kaanuku íñj'endu t'ekulu i. Atambatun aja ásoniyanuun arireyi fe.

Kolos 4:3

Af'áriyemi ti kalawu, n'aŋ'arilaw n'uni man Atambatun n'awun uni bítim iriiwaare ésuk i hirim hoone, abe n'irisokiin yooŋ béenuusee bite bu *Kiris. Aŋarkeyi naane iwaarawaare béenuusee bondu híkinineŋe fu n'ikulee.

1 Tesalonik 5:5

Múniyo arireyi fe meejaaŋe míkiniuun, kaajiŋgan yooŋ kíkiniuun. Únooto bakan bakate káajiim, man yooŋ bakate t'ébaani.

2 Timote 1:8

Náami atum'aŋ'a̱fuño kawaare bite b'Anahaan ite úne. Atum'a̱fuñaam yooŋ íñj'eemo ee t'ekulu i uŋu hoone hu. Bare a̱maat yooŋ naane íñje ti sílaam su iŋ'ite Hirim Heetoofe hu; a̱maat ni sembe s'Atambatun awuni su.

2 Timote 2:9

Iŋi Hirim hondu Heetoofe hu h'ijuk fee sílaam su, abe n'ifaakee yooŋ ni ñaasel naane ánukenoora. Bare hirim hite Atambatun hifaakutee ni ñaasel.

Filemoŋ 1:13

Ímaŋamaŋi yéeni kajokio diye éeyemi kaagoroor n'íñje éeyokunanam h'eemo hee t'ekulu i iŋ'ite Hirim Heetoofe hu, ábuki awe a̱nooto diye.

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

1 Piyeer 4:13

Kikawuun kutoof kep aŋarkeyi naane aŋ'arimaat ti sílaam site *Kiris, man hunak h'ésuk i eja hu kajuku kániku koone, n'aritoofan árihabanein.

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

2 Piyeer 1:13

Ijukerajuker n'eene naane eemo i buroŋ, íñje kábaŋinanuun bo kaanuku man n'áriniyo.

1 Saaŋ 3:14

Úne úmoomi kaanuku únuutino t'eket i núuyooso tu buroŋ bu. Úmoomi bo aŋarkeyi naane úmaŋamaŋi bakati úne. An éemaŋiit at'o, an ondu aroŋa t'eket i.