Filemoŋ 1:17 - Kwatay (Kuwaataay)

¹⁷ Makamu a̱jokamjok naane áwiyi, a̱joko yooŋ áwariee anokoor naane íñje ibine t'awe.

Filemoŋ 1:17 Iomraidhean Croise

Májiye 10:40

—An af'ajokuun áwariee, íñje a ajoke fu áwariee; abe an eejokam áwariee, an éeboñinam u a ajoke fu áwariee.

Májiye 18:5

Abe an af'ajok áwariee añi naane onde uŋu húuma hu, íñje humuumam a ajoke fu áwariee.

Májiye 25:40

Áyi u kásafiniin aaniin: «Iisokuun bifeeneŋ bu: híhinin fe h'árihine bo ake ti keehaŋe ku káteti tu bokonde keeemo ku naane bakat'am, íñje árihine fu bo.»

Epotor i 16:15

H'aamo hu áyilena, n'abostee, akina ni bakate ku tu boko, abe n'alaw uni aane: —Makamu arijukajuk kaanuku nu múniyo íyilenayilen t'Anahaan u, aribin kame ariiwanan t'íñje. N'anoŋkooran uni iriieno hee.

2 Korent 8:23

N'afin áami Tit, uni if'iriboor, abe aŋ'arok n'íñje bija t'aruun. Bakati úne bakaaku kéeriboorina ku ne o, kéeyilene ku káboñiniin fu, abe iŋi karok bija ti kánikan kite *Kiris.

Efees 3:6

Béenuusee bondu iye i bije fu: makamu keenooto ku Esuwif káyilenayilen ti Hirim Heetoofe hu, boko yooŋ kabaju húrub t'ebaj y'Atambatun anaŋe i bija t'Esuwif i. Káhinahin t'afeeneŋ n'Esuwif i, abe boko yooŋ kamaatu ti b'Atambatun aane bu o káhinu bija ti bakan koone tu huruwu hite Yesu Kiris.

Fílip 1:7

Ajakeejak naane ibaje ee biyinoor bonde beejake bee bija t'aruun arireyi fe, ábuki ímaŋiuunmaŋi t'eholam. Múniyo áriyokunanamyokunan tu burok bonde b'Atambatun asaanam bu ti kajaku koone. Árihinahin bo h'eemo hee t'ekulu i. T'ikuloorutee yooŋ, hih'ísafin kiŋki kásokum Hirim Heetoofe hu, hih'iwaare ésuk i eeeniin hite nu múniyo, áriyokunanamyokunan yooŋ.

1 Timote 6:2

Búsukateen bu keeemo ku kéekiniiin ku káyilenayilen ti Kiris, kawarutiin kaheebu, ábuki boko bakatiiin ti bítim bu. Bare kawarawar karoku bija tu boko ahaŋee, ábuki kiŋki káñjeriŋ ii n'ésuwa yeeniin, bokondu bakan kéeyilene, abe kámaŋieemaŋi. Bonde b'a̱waare fu kaliiken ésuk i, abe n'á̱haminiin bo ayanee.

Filemoŋ 1:10

íñj'endu ti kalawii bike bija t'Onesim. Ijokojok naane añiam diye t'ekulu i, ábuki ajoka bítim bite Kiris.

Filemoŋ 1:12

Íibatikannio hahiyu, bare anokooreenokoor kite eholam y'isaani fii.

Filemoŋ 1:18

Arko atinatin t'awe, man yooŋ ákookii doon, a̱sokam bo, íñje n'iŋ'ijaami.

Esuwif i 3:1

Kújakuwe, iŋ'ite ho aamo fu aruun keenabe ku, aruun k'Atambatun aruwe ku, arijondoman ti Yesu. Akina a Atambatun aboñe fu éeyemi *asaraha ómbokun u. Íriyilenayilen bondu, abe bo b'if'iriwaare.

Esuwif i 3:14

Uf'újok alit tip t'eyakar y'úbaje i huta h'újabe hu káyilen ku bija yooŋ tu hunak hiraanu hu, n'uŋ'úbaj húrub ti *Kiris.

Saak 2:5

Kújakuwe, aruun k'ímaŋie-maŋie ku, arijamatan: keebajut kíiit kereŋ k'Atambatun ajifane fu kaanuku kéeyilen te o, káyilen kooniin kéeyemi ebaj yeeniin, abe ni kabaj Jáyi j'aane ju o kawunu kéemaŋio ku?

1 Piyeer 5:1

Hahiye *sifaaf soonuun k'ijonde fu. Íñje humuumam faaf naane aruun; ijukajuk ni ñíkinam *Kiris o ti sílaam su, abe íñje kabaju yooŋ húrub ti kániku keeja ku káwufooree memee. Bonde b'ilaw fu n'aruun:

1 Saaŋ 1:3

B'irijame bu abe n'irijuk, iriisokuun bo yooŋ kaanuku man n'árihin n'uni t'afeeneŋ, naane írihine i t'afeeneŋ n'Atambatun Faaf u, n'Añio Yesu *Kiris.