SAN LUCAS 1:6 - El Nuevo Testamento: Cuicateco de Teutila

⁶ Nduh che o ye ne, ndah ihyan ye, ne redinahn ye nducuahn che rihquentiyon Dihvo vo Dendiohs.

SAN LUCAS 1:6 Iomraidhean Croise

SAN LUCAS 1:7

Ate metah da̱ya ye, te Elisabet ne, hua renda̱ca da̱ya ye. Ava̱ne ne, nduh che o ye ne, a ndico ye.

SAN LUCAS 16:15

Tuhme ra̱hn ye ri ye sa̱hn: ―Nchuhn ne, redin ca̱ ne che ndah ihyan ne na̱n ihyan. Ate Dendiohs ne, a devano ye duh ihyan nchuhn. Va deh che a̱ma richihve che ra̱hco ihyan, ate na̱n Dendiohs ne, hua richihve.

SAN LUCAS 2:25

Ro min ne, min ya̱n Jerusalén va a̱ma ihyan che duche ye Simeón. Ihyan min ne, ndah ihyan ye na̱n Dendiohs, ne quenun Vaco Ndah yahn Dendiohs ihyan. Quenan rino ye ro che ndedevahn Dendiohs ihyan nación yahn Israel.

HECHOS 2:25

Hua co che conan ye ta̱h vederih cuahn da̱ma, te a yahn ye che dirun David tuhca̱: Dihvé, cuahn da̱ma rendihché ndih che nduco ne u. Quenan ne la̱do ta̱h cua̱có, ca̱va che hua dihya nun inó co.

HECHOS 23:1

Ndihchero Pa̱blo nducoya̱ca sa̱hn ndina̱n chahn, ne ra̱hn ye: ―Nchuhn, dihnó, u ne, dave yavená̱n na̱n Dendiohs nde meniyon.

HECHOS 24:16

Chemin che a̱ma rihcó cuda̱do ro ro ca̱va che dave yavená̱n na̱n Dendiohs ma̱n, na̱n ihyan ma̱n.

HECHOS 8:21

Di ne, nde hua co conen na̱n ntiyon cuh, te hua ndah chedave yehn na̱n Dendiohs.

ROMANOS 8:4

Tihca̱ din ye ca̱va che, uvo che a chihcoma̱n vo vedeyeno yahn ma̱n vo, runeca̱de vatechico vo nduhca̱ che nahn Vaco Ndah yahn Dendiohs ne, co dinahn vo che rihquentiyon ley min.

1 CORINTIOS 11:2

Dihnó, a̱ma yenó che cuahn da̱ma reneca̱hco nchuhn u, ne redinahn ne nducuahn che chicuáhn nchuhn.

2 CORINTIOS 1:12

Yeno nuhn che hua o na̱n o chende nuhn ma̱n, che runeca̱de chahtechica nuhn na̱n ihyan nunde ma̱n, mena̱n vihca na̱n nchuhn ma̱n. Chi chahtechica nuhn tihca̱, te chinan Dendiohs nuhn. Ndiyu nduco vededevano yahn ma̱n nuhn che tihca̱ din nuhn, te a Dendiohs che chinan ye nuhn.

FILIPENSES 2:15

ca̱va che dave yavena̱n ne na̱n nducoya̱ca ihyan, te da̱ya Dendiohs nchuhn, ne nahn che runeca̱de cuahtechica ne, cua cuande ihyan nunde. Nduhca̱ iyon che chenan na̱n ro che diya̱hn ro na̱n che a̱ma man ne, tihchan nchuhn va̱n ihyan nunde,

COLOSENSES 1:22

Ate ma̱n che ndo Dihvo vo Jesucristo nduhca̱ ihyan iyehnse, chih ye ne, ndo ya̱n Dendiohs nduco ne, nchahco ye yahn ne, nedin yahn ye nchuhn.

1 TESALONICENSES 3:13

Namin nahn nuhn che din ye che quendi nchuhn cotahno ne ihyan numa ino ne, ca̱va che nda̱ ro che nda̱ ye nduco ihyan yahn ye ne, dave yavena̱n ne na̱n Chido vo Dendiohs.

2 PEDRO 3:14

Dihnó che yahinó nchuhn, chemin che numanahn che chenan rino ne che conahn dehtenduh chemin chan ne, codin nun ino ne, runeca̱de cuahtechica ne, ne vatema̱n ino ne cuahn che nda̱ Dihvo vo Jesucristo. Cuedevano ne te nducote quenan cuma ca ye vedechahtino nduco vo ne, a ndero ndi che ndedevahn ye uvo. Yahn chemin ne, dihno vo Pa̱blo che yahino vo ihyan ne, a dirun ye yahn nchuhn, numacuahn vededevano che ca̱h Dendiohs ihyan,

1 JUAN 2:29

Nducote a devano ne che a̱ma ndah ihyan Dihvo vo Jesucristo ne, cuedevano ne te nducoya̱ca ihyan che redin ye che ndah ne, a nedin yahn ye ihyan.

1 JUAN 2:3

Ndete che redinahn vo vederihquentiyon yahn ye ne, a devano cua̱co vo che ritahno vo ihyan.

1 JUAN 3:7

Da̱yá, cuihco nchuhn cuda̱do che hua cahncheh nde a̱ma ihyan nchuhn. Cuedevano ne te ihyan che runeca̱de rahtechica ye ne, ndah ihyan ye nduhca̱ Dihvo vo Jesucristo,