SAN JUAN 7:18 - El Nuevo Testamento: Cuicateco de Teutila

¹⁸ Ihyan che ricuahn ye vededevano yahn ma̱n ye ne, che nahn ye ne, che ndeva ihyan yavena̱n ye. Ate ihyan che ricuahn ye ca̱va che quenda̱h yavena̱n ihyan che dechuh ye ihyan ne, ricuahn ye numa cua̱co.

SAN JUAN 7:18 Iomraidhean Croise

SAN MATEO 6:9

Chemin che cova̱h nchuhn tuhca̱: Chida nuhn che va ne vahchetero, Rica nuhn ndih che din ne che ndeva nducoya̱ca ihyan yavena̱n ne, co devano ye che metah nde a̱ma nunde na̱n ne.

SAN JUAN 11:4

Cuahn che chihnevan Dihvo vo ne, ra̱hn ye: ―Cah min ne, andahre din che coh ye, ate chemin ne, ca̱va che cuhnde ro vederihquentiyon chahte yahn Dendiohs, ne ndeva ihyan yavena̱n ye ma̱n, ndeva ye yavena̱n u che Da̱ya ye ma̱n.

SAN JUAN 12:28

Chidá, ca̱hmá có ihyan: “Vá vedeyeno che dináhn nducuahn che chihquentiyon ne, ca̱va che quenda̱h yavena̱n ne.” Tuhme chenun a̱ma ndudo che chica vahchetero, che ra̱hn: ―A dín che quenda̱h yavená̱n. Ma̱n ne, dín che quenda̱h yavená̱n ta̱ma yune.

SAN JUAN 12:43

Hua chihco ro se che ritahno se Dihvo vo, te tahque renan ino se che quenda̱h yavena̱n se na̱n ihyan iyehnse che co na̱n Dendiohs.

SAN JUAN 5:41

’U ne, hua rendotenán che ndeva nchuhn yavená̱n.

SAN JUAN 8:54

Ra̱hn Dihvo vo ri ye sa̱hn: ―Ndete che rendonan má̱n u ne, nde hua cochihve yáhn. Chidá, ihyan min che ra̱hn nchuhn che Dendiohs yahn ne ne, a ihyan min che rendeva ye yavená̱n.

1 TESALONICENSES 2:6

Andahre nuhn ne, nduhca̱ intiyahn che dechuh Dihvo vo Jesucristo, ate hua renuhn nuhn che ndeva ihyan yavena̱n nuhn.

1 PEDRO 4:11

Nchuhn che chenan cuma ne vederihquentiyon che cuahndudo ne Ndudo yahn Dendiohs ne, cuahndudo ne Ndudo yahn ye nduhca̱ che redin yahn. Nchuhn che chenan cuma ne vederihquentiyon che conan ne ihyan chena̱hn ne, cuinan ne ihyan numacuahn vederihquentiyon yahn Dendiohs. Na̱n nducuahn ntiyon che redin ne yahn che ritahno ne Dihvo vo Jesucristo ne, codin nun ino ne che quenda̱h yavena̱n Dendiohs. Dihvo vo ne, quenan cuma ye vederihquentiyon chahte numacuahn ro, ne redin yahn che ndeva vo yavena̱n ye cuahn da̱ma. Tihca̱ co.

1 JUAN 2:29

Nducote a devano ne che a̱ma ndah ihyan Dihvo vo Jesucristo ne, cuedevano ne te nducoya̱ca ihyan che redin ye che ndah ne, a nedin yahn ye ihyan.