SAN JUAN 5:7 - El Nuevo Testamento: Cuicateco de Teutila

⁷ Ndaconan se yahn ye: ―Ta̱ca̱ hua. Nahn che ndoyáhn, ate metah duh ihyan che quenda ye u va̱n nune ura che nuhn. Queri a̱ma yune che redín fuerza, nahn conda̱ va̱n nune ne, ta̱ma ca ihyan rechuhnan ye u, renda̱ ye.

SAN JUAN 5:7 Iomraidhean Croise

SAN JUAN 5:2

A̱ma chendevah yahn chete che ndacoriya ya̱n min ne, duche Chendevah yahn Itecuche. Nino chendevah min ne, va a̱ma tanque nune che duche Betesda, che deva̱co hebreo. Chihto tanque me ne, chendihco uhn corredor,

SAN JUAN 5:3

ne min chenun a̱ma ya̱hn ihyan che ve na̱n ye ma̱n, ihyan che neneva doh ca̱h ye ma̱n, ihyan che ndi cheche ye ma̱n, chenan rino ye ura che nuhn nune me.

SAN JUAN 5:4

Yahn quenun riya a̱ma ángel, rendahcheta̱hn ye nune me, ne ihyan che conun conda̱ ye va̱n nune me ura che cuihno ndahcheta̱hn ne, ndoyahn ye, adecodehno che ndi yahn ye.

SAN JUAN 5:6

Nda̱ Dihvo vo min, ne ndihchero ye sa̱hn. Checadino ye che a ra̱hn cuahn ndi cheche se, ne tumerune ye sa̱hn: ―¿A nehn che ndoyehn ne?

ROMANOS 5:6

Cuahn che ametah vedechahtino che nda̱ca ihyan vederenchahco ca̱va nunde yahn ye ne, ro min niyon chih Dihvo vo Jesucristo ca̱va nducoya̱ca ihyan nunde, nduhca̱ che a chihco ca̱de Dendiohs.

1 CORINTIOS 9:24

A devano nchuhn nduhca̱ che rano ihyan ca̱de. Ya̱hn ye rano ye nduco vih, ate a̱ma no ye richa ye, ndonda̱ ta̱h ye premio yahn ye. Nduhca̱ ihyan che tahque dito chano ye ne, tihca̱ cuiquendi nchuhn numa ino ne, dinahn ne vederihquentiyon yahn Dihvo vo Jesucristo nde nda̱ ro che nda̱hco menun Dendiohs yahn ne.