SAN JUAN 4:10 - El Nuevo Testamento: Cuicateco de Teutila

¹⁰ Tuhme ra̱hn Dihvo vo ri ye ta̱hn: ―Nde hua renehn yahn vedeyahino yahn Dendiohs, nde hua devene duh u che ricá nune di, te ndete che devene ne, man caque nune u, nune min che vedevihche yahn ihyan iyehnse.

SAN JUAN 4:10 Iomraidhean Croise

SAN LUCAS 11:13

Andahre duhtuno ihyan nchuhn, ate devano ca̱h ne dehtenduh che ndah da̱ya ne. ¿A ndiyu tahque nun te Chida nchuhn che va ye vahchetero Vaco Ndah yahn ye nchuhn cuahn che ca̱ca ne?

SAN JUAN 16:3

Tihca̱ din se, te hua rendihche se Chidá ma̱n, u ma̱n.

SAN JUAN 17:3

Atena̱n ndih che Dendiohs, ne ihyan che nevahnecun ye ndih ma̱n, u che dechuh ne ma̱n ne, atena̱n ihyan chahn che cuahtenan ye vahchetero numacuahn ro.

SAN JUAN 3:16

’Tihca̱, te a̱ma yahino Dendiohs ihyan iyehnse, ne andahre a̱ma ndiya̱hn ra Da̱ya ye, ate chihco menda̱hn ye ihyan, ca̱va che nducoya̱ca ihyan che cotahno ye ihyan min ne, ndevahn ye, cuahtenan ye vahchetero numacuahn ro.

SAN JUAN 4:14

Ate ihyan che cuh ye nune che cá̱h ne, ametah ndaconan co ya̱ca ye, te nune min ne, hua nda̱ ro che tihnan, ne din che cuahtenan ye vahchetero numacuahn ro.

SAN JUAN 6:35

Ra̱hn Dihvo vo ri ye ihyan chahn: ―A u che anduhneca̱ pa̱n ca̱va ihyan che ritahno ye u, te rendedeváhn ihyan, ne cuahtenan ye vahchetero. Che reh ihyan ma̱n, che rih ye ma̱n ne, hua retumanan ihyan cuahn da̱ma. Ate vedeyahino yáhn ca̱va ihyan che ritahno ye u, ne hua nda̱ ro che cuihno.

HECHOS 9:11

Tuhme ra̱hn Dihvo vo ri ye ihyan: ―Cuehn cuahn yune che duche Yune Cua̱co, ne min ndeva̱co Judas, cuiquerone ca̱va a̱ma sa̱hn ya̱n Tarso che duche se Saulo. Min quenun se, reva̱h se.

ROMANOS 8:32

Ihyan min ne, andahre a̱ma yahino ye Da̱ya ye, ate chihco menda̱hn ye ihyan, chih ye ca̱va nducoya̱co vo. Nducote tihca̱ din ye ca̱vo vo ne, nde tahque nun din ye dehtenduh chena̱hn ca̱vo vo.

1 CORINTIOS 1:30

A Dendiohs che din ye che ritahno vo Dihvo vo Jesucristo. A ca̱va ihyan min che din ye che chenan cuma vo vededevano ma̱n, nchahco ye nunde yuhn vo ma̱n, nedin yahn ye uvo ma̱n, ndedevahn ye uvo ma̱n.

1 CORINTIOS 10:4

Namin adecotino che chahtechica ye nduco vih ne, chih ye nune che quenda̱h na̱n ya̱va me che ca̱h Dendiohs ihyan. Ya̱va min ne, anduhneca̱ Dihvo vo Jesucristo.

2 CORINTIOS 9:15

Nundihve cuahn Dendiohs che a̱ma chahte vedeyahino yahn ye ca̱vo vo, che nde hua retumacadino ma̱n vo, dechuh ye Dihvo vo Jesucristo, ndedevahn ye uvo.

EFESIOS 2:8

Din ye che chitahno vo ihyan min, ndedevahn ye uvo numacuahn vedeyahino yahn ye. A yahn vedeyahino yahn ma̱n ye din ye che chitahno vo, ndiyu yahn vederendedecadino yahn ma̱n vo ma̱n,

HEBREOS 6:4

Ihyan che a chenahn ye vederihquentiyon yahn Dendiohs ma̱n, ndudo ndah yahn ye ma̱n ne, tumacadino ye vedeyahino yahn ye ma̱n, vederihquentiyon yahn Vaco Ndah yahn ye ma̱n, vederihquentiyon che cuahtenan ihyan vahchetero ma̱n. Ndete che cuaconda̱h veda̱me ye Dendiohs ne, a̱ma yune denda ye, te anduhneca̱ che ndaconan nahn ya̱h ye Dihvo vo Jesucristo, din duche yahn ye ihyan na̱n nducoya̱ca ihyan.

1 JUAN 5:20

Namin a devano vo che Dihvo vo Jesucristo, Da̱ya Dendiohs ne, nda̱ ye iyehnse, chicuahn ye uvo, tihyon yune ye uvo che cotahno vo a̱ma no Dendiohs, ihyan min che va ye vahchetero. Uvo ne, ndichahtino vo ihyan. Namin ndichahtino vo Da̱ya ye, che ma̱n ye dechuh ye. Chemin che cuahtenan vo vahchetero numacuahn ro.

APOCALIPSIS 21:6

Ra̱hn ye ta̱ma yune ri ye u: ―Nducuahn ndudo che chihcoca̱dé ne, a chinahn. U ne, vá numacuahn ro. U dendáh nducuahn che va. Hua nda̱ ro che cuihno vederihquentiyon yáhn. Ihyan che renda̱ yahn ye che nevahnecun ye u, ne hua nda̱cada̱ma ye u che Dendiohs yahn ye ne, numacuahn vedeyeno ndevá ihyan, nedin da̱yá ihyan, cuahtenan ye vahchetero numacuahn ro. Chemin ne, anduhneca̱ a̱ma vedecuihca ca̱va ye.

APOCALIPSIS 22:17

Nahn Vaco Ndah yahn Dendiohs ma̱n, ihyan yahn Dihvo vo Jesucristo ma̱n, ihyan che cahnevan ye ndudo chetuhchan ma̱n, che ndaconan chi tun Dihvo vo. Me ihyan che nahn cuahtenan ye vahchetero ne, atena̱n che nevahnecun ye Dihvo vo Jesucristo conahn nduco ye.

APOCALIPSIS 7:17

te nduhca̱ che redin ihyan cuda̱do itecuche yahn ye, riquenda ye ite, rih te nune ne, tihca̱ din Dihvo vo Jesucristo cuda̱do ihyan chahn, ndeva ye ihyan, cuahtenan ye vahchetero numacuahn ro. Ihyan chahn ne, din Dendiohs che a̱ma co yeno ye, ametah ndaconan cadino ye deh che vedera̱n ma̱n, deh che cuaco ye ma̱n.