SAN JUAN 3:11 - El Nuevo Testamento: Cuicateco de Teutila

¹¹ Cua̱co rá̱hn rí ndih te nuhn ne, ra̱hn nuhn ri nuhn nchuhn yahn dehtenduh che devano nuhn ma̱n, che a ntihche nuhn ma̱n, ate nchuhn ne, hua ritahno ne.

SAN JUAN 3:11 Iomraidhean Croise

SAN MATEO 11:27

Tuhme rá̱hn Dihvo vo ri ye ihyan che chenun ye min: ―Chidá ne, nda̱hco ye vederihquentiyon tá̱h che ca̱hcantiyón nducuahn dehtenduh. Nde a̱ma ihyan hua rendihche ye u, te atena̱n Chidá che rendihche ye u. Namin nde a̱ma ihyan hua rendihche ye Chidá, te atena̱n u, nduco ihyan che má̱n ricuáhn ihyan ta̱ca̱ ye, che rendihche nuhn ihyan.

SAN MATEO 23:37

Nchuhn ihyan ya̱n Jerusalén che rihno ne ihyan profeta ma̱n, reca̱h ne tu ihyan che redechuh Dendiohs rahndudo ye ye ndudo yahn ye va̱n ne ma̱n, a̱ma ndeh yune ndá̱ che nahn nedin da̱má nchuhn, dín cuda̱do nchuhn nduhca̱ che redin chaco tuh cuda̱do da̱ya te ma̱n reche te, ate hua nevahnecun ne.

SAN LUCAS 10:22

Tuhme ra̱hn ye ri ye ihyan che nduco ye: ―Chidá ne, nda̱hco ye nducuahn dehtenduh tá̱h. Nde a̱ma ihyan hua rendihche ye duh che Da̱ya Dendiohs. Ate Chidá ne, rendihche ye u, te u che Da̱ya ye. Nde a̱ma ihyan hua rendihche ye Chidá, atena̱n u, Da̱ya ye ma̱n, ihyan che tenda̱hnún ihyan ma̱n, rendihche nuhn ihyan.

SAN JUAN 1:11

Nda̱ ye muhn iyehnse cuh che dendah ma̱n ye, ate ihyan nación yahn ye ne, chaconda̱h veda̱me ye ihyan.

SAN JUAN 1:18

Nde a̱ma ihyan, hua ndihche ye Dendiohs Chida. Ate Dihvo vo Jesucristo, ihyan min che Da̱ya ma̱n ye, che a̱ma yahino ye ne, a ihyan min che chicuahn ye uvo ta̱ca̱ ye.

SAN JUAN 12:49

Tihca̱, te Dendiohs Chida, ihyan min che dechuh ye u ne, a ndudo che rihquentiyon ye che renté ma̱n, che rahndudó ma̱n, ndiyu dehtenduh che ri yeno má̱n.

SAN JUAN 14:24

Ihyan che hua yahino ye u ne, hua redinahn ye che rihquentiyón. Ndudo che ricuáhn nchuhn ne, a ndudo yahn Chidá, ihyan min che dechuh ye u, ndiyu ndudo yahn má̱n.

SAN JUAN 3:12

Nducote hua ritahno nchuhn che renté nduco ne yahn dehtenduh che ri iyehnse ne, tahque hua cotahno ne ndete che nté nduco ne yahn vahchetero.

SAN JUAN 3:13

’Nde a̱ma ihyan iyehnse ne, hua nahn ye vahchetero, ca̱va che co nte ye yahn. Atena̱n u che rinducó nducoya̱ca ihyan, te min chicá, ne min va che ndaconán.

SAN JUAN 3:3

Tuhme ra̱hn Dihvo vo ri ye ihyan: ―Cua̱co rá̱hn rí ndih te ca̱va che nedin yahn Dendiohs ihyan, ca̱hcantiyon ye ihyan ne, va che cuahteya̱n ye quenuma ra.

SAN JUAN 3:5

Ndahconan Dihvo vo, ne ra̱hn ye ri ye ihyan: ―Cua̱co rá̱hn rí ndih te ne, atena̱n ihyan che din Vaco Ndah yahn Dendiohs che ndacorun vederendedecadino yahn ye, ndo ye ihyan ra, cuedenune ye ne, atena̱n ihyan chahn che nedin yahn Dendiohs ihyan, ca̱hcantiyon ye ihyan.

SAN JUAN 5:43

U ne, ma̱n Chidá dechuh ye u, ne nchuhn ne, raconda̱h veda̱me ne u. Ate ndete che nda̱ ta̱ma sa̱hn che ricuahn se vededevano yahn ma̱n se ne, sa̱hn min che cua̱co nevahnecun ne sa̱hn.

SAN JUAN 7:16

Ra̱hn Dihvo vo ri ye sa̱hn: ―Che ricuáhn ne, ndiyu che cuande yahn má̱n, te che cuande yahn Dendiohs, ihyan min che dechuh ye u.

SAN JUAN 8:14

Ndahconan ye, ne ra̱hn ye ri ye sa̱hn: ―Ndudo che renté ne, cua̱co, andahre ra̱hn nchuhn che rendonan má̱n u, te u ne, devanó ti chicá ma̱n, ti ná̱hn ma̱n. Ate nchuhn ne, hua devano ne ti chicá nde huane ti ná̱hn.

SAN JUAN 8:26

A̱ma ndeh na̱n dehtenduh va che có nchuhn ma̱n, nevíh nunde yahn ne va̱cona̱n ne ma̱n. Ihyan che dechuh ye u ne, riquenda̱h cua̱co che ra̱hn ye. Me u ne, a ndudo yahn ye che ricuáhn ihyan iyehnse.

SAN JUAN 8:38

U ne, ricuáhn nchuhn ndudo che rete cuande Chidá u, ne nchuhn ne, redin ne dehtenduh che nahn chida ne.

HECHOS 22:18

Ndihcheró Dihvo vo Jesucristo, ne ra̱hn ye ri ye u: “Cuique muhn ya̱n Jerusalén tenun tenun no, te muhn ne, hua tumaca̱h ihyan che cuahndode ndudo yáhn.”

2 CORINTIOS 4:4

Hua ritahno ye, te a chihncheh chundah ihyan, din se che hua co conahn ye vederihquentiyon chahte yahn ndudo ndah yahn Dihvo vo Jesucristo, ihyan min che ndihchero ihyan iyehnse ihyan, tumacadino ye ta̱ca̱ Dendiohs.

APOCALIPSIS 1:5

Namin Dihvo vo Jesucristo, ihyan min che cua̱co nducuahn che rente ye ma̱n, che mena̱n vihca ntuche ye va̱n tena̱hn ma̱n, che tahque yudo vederihquentiyon yahn ye che co nducoya̱ca rey che vate ye iyehnse ma̱n, din yahino ye nchuhn, din ye che nda̱hca̱ cuahtenan ne. Ihyan min ne, yahino ye uvo, ne chih ye, chera yun ya̱hn ye ca̱vo vo. Ma̱n ne, anduhneca̱ ndete che nedin dave ye uvo nduco yun yahn ye che nchahco ye nunde yuhn vo.

APOCALIPSIS 3:14

’Namin codiron yahn sa̱hn che rahndudo se ndudo yahn Dendiohs che quenan se ya̱co che va ya̱n Laodicea: “Tuhca̱ ra̱hn Ihyan che devano cua̱co ye ma̱n, che ra̱hn ye ndudo cua̱co ma̱n, ihyan min che nduco Dendiohs dendah ye nducuahn: