SAN JUAN 21:3 - El Nuevo Testamento: Cuicateco de Teutila

³ Ra̱hn Simón Pedro ri ye ihyan chahn: ―Cá̱hn cotá̱h ya̱hca. Ra̱hn ihyan chahn ri ye ihyan: ―Namin nuhn ne, ca̱hn nuhn nduco ne. Tuhme cuahn ye, ne chahtenun ye a̱ma ba̱rco che va na̱n vine me, ate numa ya̱n min ne, nde a̱ma ya̱hca hua cheta̱h ye.

SAN JUAN 21:3 Iomraidhean Croise

SAN LUCAS 5:5

Ndahconan Simón yahn ye: ―Ihyan Ricuahn, a numa ya̱n din nuhn ntiyon, ne nde a̱ma ya̱hca hua cheta̱h nuhn. Ate nducote a ndih che rihquentiyon ne ne, cuíh ya̱na.

SAN JUAN 21:4

Cuahn che a cochi ri dave ne, nda̱ Dihvo vo chihto vine me, ate ihyan apóstol chahn ne, hua nchana̱n ye che ihyan min.

HECHOS 18:3

ne nducote da̱ma ntiyon yahn ihyan chahn nduco ye, che renda̱hyon ye tino tu ca̱va che co vah tino ne, quenan ye nduco ihyan chahn, din ye ntiyon nduco vih.

HECHOS 20:34

Má̱n redín ntiyon ca̱va che nda̱ca che rechuhnún nduco ihyan che rinduco ye u. A ma̱n nchuhn devano ne.

1 CORINTIOS 3:7

Ntiyon yahn nuhn ne, nduhca̱ ntiyon che redin ihyan viya̱ta. Na̱hn cua̱n ne, riquenda̱h yahn a̱ma ihyan che retuhdo ye ndute nda̱ta, ne riquenda̱h yahn ta̱ma ye che ri ye nune va̱n. Ate a Dendiohs che redin ye che rihta. Nducote tihca̱ ne, tumacadino vo che anduhneca̱ ndete che hua rigonun chihve ntiyon yahn a̱ma ta̱ma ye, che retuhdo ye ndute nda̱ta ma̱n, che ri ye nune va̱n ma̱n, te atena̱n Dendiohs che redin ye che rihta.

1 CORINTIOS 9:6

U nduco Bernabé ne, namin chenan cuma nuhn vederihquentiyon min, nde hua redin fuerza che din nuhn ta̱ma na̱n ntiyon ca̱va che nda̱ca che chuhnun nuhn.

1 TESALONICENSES 2:9

Dihno nuhn, namin a devano nchuhn nduhca̱ che chuhrihn nuhn, din nuhn ntiyon nde ro nde ra̱hn ca̱va che nda̱ca che chuhnun nuhn. Tihca̱ din nuhn numacuahn ro che chahtenan nuhn ya̱n va̱co nchuhn, cahndudo nuhn ndudo ndah yahn Dendiohs, te hua nahn denduh nuhn nde a̱ma cha nchuhn.