SAN JUAN 19:9 - El Nuevo Testamento: Cuicateco de Teutila

⁹ Ndaconan ndonda̱ se chete pala̱cio yahn se, ne tumerune se Dihvo vo: ―¿Ti ya̱n va̱co ne ne? Ate Dihvo vo ne, nde hua ndahconan ye yahn se.

SAN JUAN 19:9 Iomraidhean Croise

SAN MATEO 26:63

Ate Dihvo vo ne, nde a̱ma hua ra̱hn ye. Tuhme ra̱hn chidocuya̱n ndina̱n me ri ye ihyan: ―Numacuahn vederihquentiyon yahn Dendiohs che va ye vahchetero ne, ricá di che ca̱hma cuaque co nuhn ndete che di che Da̱ya Dendiohs, ihyan min che a va ca̱de che chi ye ndedevahn ye ihyan iyehnse.

SAN MATEO 27:27

Quenda sanda̱do chahn Dihvo vo chete pala̱cio, ne nedin da̱ma se nducoya̱ca combiero yahn se na̱n ye.

SAN LUCAS 23:9

A̱ma ndeh na̱n che tumerune se, ate nde hua ndahconan Dihvo vo.

SAN JUAN 18:28

Tuhme quenda sa̱hn ndina̱n chahn Dihvo vo, chica se va̱co Caifás, ne nda̱ se nduco ye na̱n pala̱cio yahn gobernador. Ura min ne, a chi dave. Sa̱hn chahn ne, hua chenda̱ se chete pala̱cio me, te ra̱hco se te ca̱hnda yahn se, ne hua co conduco se, ro yudo me.

SAN JUAN 18:33

Ndaconan ndonda̱ Pila̱to chete pala̱cio, ne cah se Dihvo vo, tumerune se ihyan: ―¿A ndih che Rey yahn ihyan nación yahn Israel ne?

SAN JUAN 18:34

Ra̱hn Dihvo vo ri ye sa̱hn: ―¿A che rendedecadine man che tihca̱ retumerone, o a ihyan ra̱hn ye ri ye di ne?

SAN JUAN 18:37

Ra̱hn Pila̱to ri se ihyan: ―¿A Rey ndih tuhme ne? Ndahconan ye, ne ra̱hn ye ri ye sa̱hn: ―Rey u, nduhca̱ che rahn. U ne, ndá̱ iyehnse cuh, chihndeyá̱n, ca̱va che cuahndudó ndudo cua̱co. Nducoya̱ca ihyan che renevahnecun ye ndudo cua̱co ne, rihcovan ye che rahndudó.

SAN JUAN 19:10

Tuhme ra̱hn se ri se ihyan: ―¿Dehco che hua rendahconan ne yáhn? ¿A hua devano ne te va vederihquentiyon yáhn? Co nda̱hcó libre ndih ndete che náhn. Namin co ca̱hcantiyón che conan ya̱h ne.

SAN JUAN 19:8

Cuahn chihnevan Pila̱to che tihca̱ ra̱hn sa̱hn chahn ne, nde tahque dihya se chi.

SAN JUAN 8:14

Ndahconan ye, ne ra̱hn ye ri ye sa̱hn: ―Ndudo che renté ne, cua̱co, andahre ra̱hn nchuhn che rendonan má̱n u, te u ne, devanó ti chicá ma̱n, ti ná̱hn ma̱n. Ate nchuhn ne, hua devano ne ti chicá nde huane ti ná̱hn.

FILIPENSES 1:28

Hua din va̱h ne sa̱hn che rendihche ta̱n se nchuhn na̱n ntiyon min, te nduco chemin ne, rihnde ro te sa̱hn chahn ne, conda se, ne nchuhn ne, ndedevahn Dendiohs nchuhn.