SAN JUAN 13:8 - El Nuevo Testamento: Cuicateco de Teutila

⁸ Ate ra̱hn Simón Pedro ri ye Dihvo vo: ―U ne, hua nda̱ ro che na̱no ne cá̱h. Ra̱hn Dihvo vo ri ye ihyan: ―Ndete che hua na̱nó cah ne, ametah din cuandé di va̱n ihyan yáhn.

SAN JUAN 13:8 Iomraidhean Croise

SAN MATEO 16:22

Tuhme quenda Pedro ihyan a̱ma la̱do, ne cana̱n riya̱hve ye ihyan, ne ra̱hn ye: ―Dihvé, hua nda̱hca̱ che ca̱hco menda̱hn ne ndih ca̱va che tihca̱ cuahno co ne.

SAN MATEO 21:29

Ndahconan se, ne ra̱hn se: “Hua cá̱hn.” Ate adive ne, nto ino se che tihca̱ ra̱hn se, ne cuahn se din se ntiyon che chihquentiyon chida se.

SAN MATEO 26:33

Tuhme ra̱hn Pedro ri ye Dihvo vo: ―Andahre nducoya̱ca ihyan sih ca̱hcoma̱n ye ndih, ate u ne, hua ca̱hcomá̱n ndih.

SAN MATEO 26:35

Ra̱hn Pedro ri ye Dihvo vo: ―Andahre quenan cuma che cóh da̱ma nduco ne, ate hua ca̱hmá che hua rendihché ndih. ―Atihnoca̱ ra̱hn nducoya̱ca ihyan apóstol chahn.

SAN JUAN 13:6

Cuahn che nda̱ ye na̱n va Simón Pedro ca̱va che na̱no ye ca̱h ye ne, ra̱hn ihyan min ri ye ihyan: ―Dihvé, ¿ta̱ca̱ che ndih na̱no ne cá̱h ne?

SAN JUAN 13:9

Ra̱hn Simón Pedro ri ye Dihvo vo: ―Dihvé, ndete che tihca̱ ne, cona̱no ne ndiyu dema̱n cá̱h, te namin cona̱no ne tá̱h ma̱n, tín ma̱n.

SAN JUAN 3:5

Ndahconan Dihvo vo, ne ra̱hn ye ri ye ihyan: ―Cua̱co rá̱hn rí ndih te ne, atena̱n ihyan che din Vaco Ndah yahn Dendiohs che ndacorun vederendedecadino yahn ye, ndo ye ihyan ra, cuedenune ye ne, atena̱n ihyan chahn che nedin yahn Dendiohs ihyan, ca̱hcantiyon ye ihyan.

HECHOS 22:16

Ma̱n ne, ¿dehco che quenan rine? Cuenecuen, ne cuedenune di, cuah Dihvo vo Jesucristo ca̱va che nchahco Dendiohs nunde yehn.”

1 CORINTIOS 6:11

Na̱hn nchuhn ne, tihchan ne ro mena̱n. Ate ma̱n ne, numacuahn vederihquentiyon yahn Vaco Ndah yahn Dendiohs ne, a nchahco ye nunde yahn ne che cuande yahn Dihvo vo Jesucristo. A chedenune ne ma̱n, a nedin yahn ye nchuhn ma̱n.

EFESIOS 5:26

ca̱va che nchahco Dendiohs yuhn vo. Tihca̱ din ye ca̱va che ndo dave chedave yuhn vo ma̱n, chedenune vo nduhca̱ che va ca̱de na̱n Ndudo yahn Dendiohs ma̱n,

COLOSENSES 2:18

Hua cuahnecun ne che cahncheh ihyan nchuhn, conun ye nchuhn che quendi ne yune yahn ye, din ca̱ ne che necun ne, te ihyan chahn ne, rendeva ye yavena̱n ángel ma̱n, rente ye dema̱n yahn dehtenduh che nde hua rendihche ye ma̱n, redin ya̱de ye, ndere rendonan ma̱n ye ihyan che a̱ma devano ye ma̱n,

COLOSENSES 2:23

Vederihquentiyon che tihca̱ rihco yudo se ne, rivahn che a̱ma devano se, rinan se ihyan chena̱hn ca̱va che tahque cotahno ye Dendiohs ma̱n, ca̱va che tahque cuahtenan cuma ye vedenecun ma̱n, ca̱va che tahque ca̱h rihn ma̱n ye ihyan ma̱n, ate hua richihve ca̱va che ca̱hco ta̱n che cuahtechica ye vedeyeno yahn ma̱n ye, cuahtendihco ye nunde.

HEBREOS 10:22

chemin che nda̱hco vo chedave yuhn vo ta̱h Dendiohs. Hua dehve ra̱hco vo, te ritahno vo Dihvo vo Jesucristo numa ino vo. A nda̱co vo vederenchahco ca̱va nunde yuhn vo. A chedenune vo, ne ma̱n ne, anduhneca̱ ndete che a ndo dave vo nduco nune dave.

APOCALIPSIS 1:5

Namin Dihvo vo Jesucristo, ihyan min che cua̱co nducuahn che rente ye ma̱n, che mena̱n vihca ntuche ye va̱n tena̱hn ma̱n, che tahque yudo vederihquentiyon yahn ye che co nducoya̱ca rey che vate ye iyehnse ma̱n, din yahino ye nchuhn, din ye che nda̱hca̱ cuahtenan ne. Ihyan min ne, yahino ye uvo, ne chih ye, chera yun ya̱hn ye ca̱vo vo. Ma̱n ne, anduhneca̱ ndete che nedin dave ye uvo nduco yun yahn ye che nchahco ye nunde yuhn vo.

APOCALIPSIS 7:14

Ndahconán yahn ye: ―Hua devanó, ate ra̱hcó te a devano ma̱n ne. Tuhme ra̱hn ye ri ye u: ―A ihyan sih che chuh ye vedeyah che chihnde iyehnse. Chitahno ye Dihvo vo Jesucristo, ihyan min che chih ye nduhca̱ a̱ma itecuche lihn che chi te vedino na̱n Dendiohs. A ndevahn ye. Anduhneca̱ ndete che na̱no ye tino yahn ye, ndo cua nduco yun yahn Dihvo vo.