SAN JUAN 13:6 - El Nuevo Testamento: Cuicateco de Teutila

⁶ Cuahn che nda̱ ye na̱n va Simón Pedro ca̱va che na̱no ye ca̱h ye ne, ra̱hn ihyan min ri ye ihyan: ―Dihvé, ¿ta̱ca̱ che ndih na̱no ne cá̱h ne?

SAN JUAN 13:6 Iomraidhean Croise

SAN LUCAS 5:8

Cuahn che ndihchero Simón che tihca̱ chi ne, chehntihya ye na̱n Dihvo vo, ne ra̱hn ye: ―Dihvé, u ne, ndiyu ihyan che co cochí na̱n ne, te u ne, ihyan nunde u.

SAN JUAN 1:27

A va ye nde ro che metah cuhnde iyehnse, ne a va ca̱de che chi ye tah cuahn adive che co u. U ne, nde hua rigonun chihvé ca̱va che có mare a̱ma sa̱hn deca̱hya yahn ye.

SAN JUAN 13:5

Namin cheta̱h ye cu che rena̱no nun ye ta̱h ye, ne chih ye nune. Tuhme cana̱n rena̱no ye ca̱h ihyan apóstol yahn ye, ne renedin cuma ye nduco toalla me.

SAN JUAN 13:7

Ndahconan Dihvo vo, ne ra̱hn ye ri ye ihyan: ―Ma̱n ne, hua renehn deh conahn che tihca̱ redín, ate adive ne, conehn.