SAN JUAN 13:5 - El Nuevo Testamento: Cuicateco de Teutila

⁵ Namin cheta̱h ye cu che rena̱no nun ye ta̱h ye, ne chih ye nune. Tuhme cana̱n rena̱no ye ca̱h ihyan apóstol yahn ye, ne renedin cuma ye nduco toalla me.

SAN JUAN 13:5 Iomraidhean Croise

SAN LUCAS 7:38

Chahn nda̱ te, ne chehntihya te na̱n Dihvo vo. A̱ma raco te, ne cana̱n te redeca̱hnda te ca̱h ye nduco nune ndutena̱n te. Rendedetih te nduco yudo tin te. Retena̱n te ca̱h ye, ne chacota̱hma te nuneda̱n me.

SAN LUCAS 7:44

Chaconan ye, ndihchero ye nda̱hta me, ne tuhme ra̱hn ye ri ye Simón: ―¿A chihque cuda̱do nduhca̱ che din nda̱hta tih ne? Chendá̱ chete vaque, ne hua te nune ca̱va che ntu cá̱h, ate nda̱hta tih ne, deca̱hnda te cá̱h nduco nune ndutena̱n te, ne ndedetih te nduco yudo tin te.

SAN JUAN 13:10

Ate ra̱hn Dihvo vo ri ye ihyan: ―Ihyan che a dave ye ne, a de ca̱h ye rendotenan che ntu. Nchuhn ne, a dave ne, andahre hua nducoya̱ca ne.

SAN JUAN 13:6

Cuahn che nda̱ ye na̱n va Simón Pedro ca̱va che na̱no ye ca̱h ye ne, ra̱hn ihyan min ri ye ihyan: ―Dihvé, ¿ta̱ca̱ che ndih na̱no ne cá̱h ne?

SAN JUAN 13:8

Ate ra̱hn Simón Pedro ri ye Dihvo vo: ―U ne, hua nda̱ ro che na̱no ne cá̱h. Ra̱hn Dihvo vo ri ye ihyan: ―Ndete che hua na̱nó cah ne, ametah din cuandé di va̱n ihyan yáhn.

SAN JUAN 19:34

Ate nde nduco nduh ne, ca̱h a̱ma sanda̱do la̱nza ticua ye nino van chete ye, ne quenda̱h yun ma̱n, nune ma̱n.

HECHOS 22:16

Ma̱n ne, ¿dehco che quenan rine? Cuenecuen, ne cuedenune di, cuah Dihvo vo Jesucristo ca̱va che nchahco Dendiohs nunde yehn.”

1 CORINTIOS 6:11

Na̱hn nchuhn ne, tihchan ne ro mena̱n. Ate ma̱n ne, numacuahn vederihquentiyon yahn Vaco Ndah yahn Dendiohs ne, a nchahco ye nunde yahn ne che cuande yahn Dihvo vo Jesucristo. A chedenune ne ma̱n, a nedin yahn ye nchuhn ma̱n.

EFESIOS 5:26

ca̱va che nchahco Dendiohs yuhn vo. Tihca̱ din ye ca̱va che ndo dave chedave yuhn vo ma̱n, chedenune vo nduhca̱ che va ca̱de na̱n Ndudo yahn Dendiohs ma̱n,

1 TIMOTEO 5:10

Ava̱ne ne, nahn che runeca̱de ndahte ye ma̱n, nta̱ve ye da̱ya ye ma̱n, nenevahnecun ye ihyan va̱co ye ma̱n, ndinan ye ihyan yahn Dendiohs numacuahn vedenecun ma̱n, nedin yahino ye ihyan che rechuhrihn ye ma̱n, nedin ye nducuahn che ndah ma̱n.

HEBREOS 10:22

chemin che nda̱hco vo chedave yuhn vo ta̱h Dendiohs. Hua dehve ra̱hco vo, te ritahno vo Dihvo vo Jesucristo numa ino vo. A nda̱co vo vederenchahco ca̱va nunde yuhn vo. A chedenune vo, ne ma̱n ne, anduhneca̱ ndete che a ndo dave vo nduco nune dave.

1 JUAN 1:7

Ate ndete che runeca̱de vatechico vo nduhca̱ che nahn Dendiohs ne, nda̱hca̱ cuahtenan vo nduco vih, ne nchahco ye nducuahn nunde yuhn vo, yahn che chih Da̱ya ye, Dihvo vo Jesucristo, chera yun yahn ye ca̱vo vo.

1 JUAN 5:6

A devano vo te Dihvo vo Jesucristo ne, Da̱ya Dendiohs ihyan, te tihca̱ ra̱hn Dendiohs cuahn che chedenune ye ma̱n, tihca̱ chihco ro ma̱n ye cuahn che chih ye, chera yun yahn ye ma̱n, tihca̱ rete Vaco Ndah yahn Dendiohs che recadino vo ma̱n, ne a devano vo te Vaco Ndah yahn Dendiohs ne, hua rihncheh.

APOCALIPSIS 1:5

Namin Dihvo vo Jesucristo, ihyan min che cua̱co nducuahn che rente ye ma̱n, che mena̱n vihca ntuche ye va̱n tena̱hn ma̱n, che tahque yudo vederihquentiyon yahn ye che co nducoya̱ca rey che vate ye iyehnse ma̱n, din yahino ye nchuhn, din ye che nda̱hca̱ cuahtenan ne. Ihyan min ne, yahino ye uvo, ne chih ye, chera yun ya̱hn ye ca̱vo vo. Ma̱n ne, anduhneca̱ ndete che nedin dave ye uvo nduco yun yahn ye che nchahco ye nunde yuhn vo.

APOCALIPSIS 7:14

Ndahconán yahn ye: ―Hua devanó, ate ra̱hcó te a devano ma̱n ne. Tuhme ra̱hn ye ri ye u: ―A ihyan sih che chuh ye vedeyah che chihnde iyehnse. Chitahno ye Dihvo vo Jesucristo, ihyan min che chih ye nduhca̱ a̱ma itecuche lihn che chi te vedino na̱n Dendiohs. A ndevahn ye. Anduhneca̱ ndete che na̱no ye tino yahn ye, ndo cua nduco yun yahn Dihvo vo.