SAN JUAN 12:6 - El Nuevo Testamento: Cuicateco de Teutila

⁶ Judas ne, ndiyu che yahino se ihyan cheva̱h che tihca̱ ra̱hn se, te yahn che duco se. Nducote sa̱hn min ndi se tesorero va̱n ihyan apóstol chahn ne, renda̱ca yune che reduco se.

SAN JUAN 12:6 Iomraidhean Croise

SAN MATEO 21:13

ne ra̱hn ye ri ye sa̱hn: ―Na̱n ndudo yahn Dendiohs ne, ndirun tuhca̱: “Ya̱co yáhn ne, ca̱va che cuahtenun ihyan cova̱h ye”, ate nchuhn ne, nedin ne anduhneca̱ vah na̱n che rendo da̱ma sa̱hn duco.

SAN LUCAS 8:3

Namin nduco Jua̱na, nda̱hta yahn Chuza, a̱ma sa̱hn ndina̱n yahn rey Herodes. Nduco Susa̱na ma̱n, nduco ya̱hn ca nda̱hta che chinan ye Dihvo vo nduco tume yahn ye ma̱n.

SAN JUAN 10:13

Rano se, te ndiyu dihve itecuche sa̱hn, ne hua redin se cuda̱do ite numa ino se.

SAN JUAN 12:5

―Nuneda̱n tih ne, rigonun chihve tenduh ino ciento tume diya̱hngua, ¿ta̱ca̱ che hua ndihcue ta̱hn tih, nda̱ca che conan te ihyan cheva̱h?

SAN JUAN 13:29

Nducote sa̱hn min ndi se tesorero yahn ihyan chahn ne, chemin che na̱hn ye ne, ndedecadino ye, te co ra̱hn Dihvo vo nduco se che cua se dehtenduh che nahn yahn vihco, o che ca̱h se tume ihyan cheva̱h.

GALATAS 2:10

Atena̱n che chica ye nuhn ne, che din nuhn cuande ca̱va ihyan cheva̱h che vate ye min. Chemin ne, numacuahn vedeyeno dináhn.

1 TESALONICENSES 5:22

Hua nevahnecun ne nde a̱ma na̱n dehtenduh che chihnga̱.

SANTIAGO 2:2

Da̱ma no cuendevahnecun ne nducoya̱ca ihyan che renda̱ ye va̱n ne. Cuahn che nda̱ a̱ma ihyan che quenun ye tino ndah ma̱n, chenun ta̱h chineta̱h diyahngua̱n ma̱n ne, cuendevahnecun ne ihyan, dechuh ne ihyan, cuhnde ye da̱ma nduco ihyan chena̱hn. Namin cuahn che nda̱ a̱ma ihyan cheva̱h ne, cuendevahnecun ne ihyan, dechuh ne ihyan, cuhnde ye da̱ma nduco ihyan chena̱hn,

SANTIAGO 2:6

Ate ndete che nda̱hchenan nchuhn ihyan cheva̱h ne, din ne che co cuihna̱n ye. Cuededevano ne te nde hua redin yahn che tahque nevahnecun ne ihyan cuihca che co ihyan cheva̱h, te a ihyan cuihca che rendinun rendina̱hno ye nchuhn, ne cuahn che rahtendihco ne yahn ye ne, rica nunde ye yahn ne na̱n intiyahn.