APOCALIPSIS 4:1 - El Nuevo Testamento: Cuicateco de Teutila

¹ Chihno min ne, ndihcheró va̱n ya̱hnde yáhn a̱ma chendevah che quendah vahchetero. Tuhme ángel che ra̱hn ye nducó mena̱n me ne, ra̱hn tun ye. A̱ma yudo ndudo ye anduhneca̱ a̱ma trompeta cuahn che retive ihyan. Ra̱hn ye: ―Cochi muhn, ne nahmé di dehtenduh che va che co.

APOCALIPSIS 4:1 Iomraidhean Croise

SAN MATEO 3:16

Chihno chedenune Dihvo vo ne, ndiquenda̱ ye va̱n nune. Ura min ndihchero ye Vaco Ndah yahn Dendiohs che chica vahchetero. Deca̱ ro icui deca̱ ro, ne chiya, quenun ihyan.

SAN MARCOS 1:10

Cuahn che a ndiquenda̱h Dihvo vo va̱n nune ne, ndihchero ye che ndondah vahchetero, ne nduhca̱ che ro a̱ma icui ne, tihca̱ chi ro Vaco Ndah yahn Dendiohs, chiya, quenun ihyan.

SAN LUCAS 3:21

Cuahn che chihno chedenune a̱ma ya̱hn ihyan nación yahn Israel ne, nda̱ Dihvo vo, chedenune ye. Chihno min ne, nahmin che reva̱h ye ne, ndondah vahchetero.

SAN JUAN 16:13

A Vaco Ndah yahn Dendiohs che reca̱h duto ndudo yahn ndudo ndah yahn ye. Cuahn che nda̱ ne, te cuande nchuhn yahn ndudo min. Ndiyu tin dema̱n che tihca̱ din, te a Dendiohs che rihquentiyon che tihca̱ din. Namin te cuande nchuhn nde yahn dehtenduh che coma̱n cochi che co.

HECHOS 10:11

Ndihchero ye na̱n ro a̱ma che deca̱ ro a̱ma tino chahte tihca̱ ro che nechiche nduh che cun esquina yahn, ne cochahn cua̱hn ndiya̱hn nino na̱n ye.

HECHOS 7:56

Tuhme ra̱hn ye: ―¡Condihche nchuhn! ¡Quendah vahchetero! ¡Nga̱ Ihyan min che rinduco ye nducoya̱ca ihyan, nti ye la̱do ta̱h cua̱co Dendiohs!

APOCALIPSIS 1:10

A̱ma ro yahn Dihvo vo ne, quenun Vaco Ndah yahn Dendiohs u, ne chihneván a̱ma ndudo cua̱hn veda̱mé, che a̱ma dito ra̱hn, nduhca̱ che rah trompeta.

APOCALIPSIS 1:12

Ndaconán che nahn ndihcheró duh che ra̱hn nducó, ne cuahn che ndaconán ne, ndihcheró ndache candelero diya̱hngua̱n.

APOCALIPSIS 1:19

Codiron yahn dehtenduh che rendihchero che va ma̱n ro cuh ma̱n, che cuhnde adive ma̱n.

APOCALIPSIS 11:12

Cahnevan ihyan chahn a̱ma ndudo che ca̱ca na̱n ro, a̱ma dito ca̱hma nduco ye: ―Cochi nchuhn. Tuhme nducoya̱ca ihyan che hua ri rendihche ye ihyan chahn ne, ndihchero ye che nda̱ ye vahchetero va̱n man.

APOCALIPSIS 11:19

Tuhme vahchetero na̱n che va Dendiohs ne, ndihcheró yave na̱n che quenun ndah ndudo che ca̱h ye che ndedevahn ye ihyan yahn ye. Ura min a̱ma nuhn ya̱hn ma̱n, a̱ma chiya cuah ma̱n, a̱ma chine da̱ve ma̱n, a̱ma chera yun ma̱n.

APOCALIPSIS 16:17

Cuahn ta̱ma ángel na̱n che chi ndache ye, nda̱hco ya ye cuh yahn ye deva̱n yuhne, ne chihneván a̱ma ndudo che chica vahchetero na̱n va ihyan ndina̱n me. A̱ma dito ra̱hn tuhca̱: ―A chinahn vedeyah che nda nduh che ndache ángel chahn.

APOCALIPSIS 19:11

Chihno min ne, ndihcheró che quendah vahchetero, ne chihnde ro a̱ma caba̱llo cua. Ihyan che quendudo ye ite ne, duche ye Ihyan Che Redinahn Ye Ndudo Yahn Ye ma̱n, Ihyan Che Numa Cua̱co Quechica Ye ma̱n. Ihyan min ne, retecheca̱de ye numa cua̱co, renda̱hco ndiya ye ihyan che rendihche ta̱n ye Dendiohs.

APOCALIPSIS 22:6

Tuhme ra̱hn ángel me ri ye u: ―Cua̱co nducuahn che ndihchero ma̱n, chihneven ma̱n, ne redin yahn che cochahtino ihyan. Dihvo vo Dendiohs, ihyan min che reca̱h ye ndudo yahn ye che rahndudo ihyan ne, a ma̱n ye dechuh ye ángel yahn ye, ca̱h ye, checadino ihyan yahn ye yahn dehtenduh che a nun va che conahn.