Apocalipsis 7:10 - Culina Mádija

¹⁰ Attideni mohui tadsa huahua quinade: —Icca Dio deni tojajaripa pocca huihuittaridsa huittarijari. Najaripa ia Tonassiajade. Edede Bedijine naqui icassiejerajaro −quinade.

Kulina New Testament Brazil

¹⁰ Attideni moui taza uaua quenade: —Icca Deo deni torrarraripa pocca uiuittariza uittarirrari. Narraripa ia Tonassiuauade. Eueue Bedirrine naqui icassiuauerarraro −quenade.

Apocalipsis 7:10 Iomraidhean Croise

Roca 3:6

Jehe, ia Medsedetohui tinajoramanadsa pohua ccajonadsapa pohuajine madija huapimadsa Diocca daniji tossiejehecca ahuato tanijine” nanaja nahitohui dsama huamonihuaji madijaripa −napohui nade Dio Atti Isahiajine dsodo nanidsa.

Huano 1:29

Nani Betaniadsa imadiccadsapi najaro huada ssiajadsa Huano Jeso ccajonahi qqui tadsa iadsa huati tajaride: —¡Qqui tiquinajo! ¡Ajajaripa Diocca daniji madija huapimadsa! Pohuapa Diocca Edede Bedi bicabote Diodsa da da inajarissa najari. Nidsa dsoqquedsapa pohuana madija huapimacca imasiri inanamossinitohui −nade.

Huano 1:36

Nahidsana Jeso toqqueqquimahi Huano qqui tadsa pohuadenidsa huati tajaride: —¡Qqui tiquinajo! ¡Ajajaripa Diocca daniji madija huapimadsa! Pohuapa Diocca Edede Bedi Diodsa da da inajarissa naraha icca imasiri manaconi tojahijine Dio iadsa eccorajari −nade Huano iadsa.

Huano 4:22

—Samaritano tiadenipi Diodsa tetetidsemana naraha, najaro imapi ssamoqquiri tiquinani. Naraha jodiodeni iana pajissa Diodsa ehetidse najaro. Ia jodiodenidsa tossiejehe ccajonapojarona madija huapimadsa tojaribaqquijaro.

Epesodeniza 2:8

Abi Diopa titohuideni huati cahanari canajaria tiadeni tonassiajabaqquijari. —Jesocristo pajissa itohui dsoqquejari −tiquinadsapi tiadenidsa tossiejehe inanajaro. Tijinedeni jerani. Abi Dio tohuini nadsa manaconi jirehe tiadenidsa inanajaro.

Apocalipsis 12:10

Nadsapi memehuaji tohuatti mohuini omittajaro attipa: —Jidapanana ia Medsede ia tonassiajabaqquihicca ima bacco tani. Jidapanana Diocca dacorehe, pocca cacahuehe iadsa ahuato tani. Dio pocca Cristo-Mesia pohua dosse dosse nahicca ima bacco tani. Ajana, imecotedeni tahimari pohuama huatijide rabote Satanapa coro inaronajari. Dsome, ssiaja, dsome, ssiaja icca Abi Dio tedsejema imecotedenicca ima huati huati nanaja naraha jidapapi pocca ima jicani.

Apocalipsis 19:1

Nadsapi Babironia diji tehe jicani nattinipi memehuaji madija huapima attideni mohui tehe omittajaro. Pohuadeni attipa: —¡Areroia, ia Medsede Diopa bica tahi! Pohuapa tossiejehe jinede. Ima huapimadsa deni tojajari. Pohuana denima dacorahi ojarijari.

Apocalipsis 21:5

Nadsapa aja Deni tojahicca huihuittaridsa huittari canajari Attipa: —Ohuapi huapima dsati onanaridsahi −nade. Pohua Atti onihi naqui: —Ajijaro ima dsodo taji. Ajijaro imapi pajissa. Imapi pina ajijarossa nehe tojanitohui −nade.

Apocalipsis 22:3

Najaro odsa pananihuajipi tabaccorehe nohue, Diocca najidsohue naqui nohueranitohui. Nanidsapi Dio, Edede Bedi pohuadeni pamahacca huihuittari cahittarinitohui. Diocca medse huapima pohuadeni pamahadsa huatidsemanahitohui, jiri jiri quiquinanahitohui.

Apocalipsis 4:6

Nani pocca huihuittari bicabote tadsajanimapi pina coridsa imenissa naraha ccara tajaro. Tocassiejeqquimera najaro, pina siba cristaossa najaro. Nahi Pohua huittarihi inoridsa naco camittaqquiri najarideni 4 quinaha huahueri nahuajanijari. Pohua baccohuaji, pohua idehuaji, pohua ppari nahatonihuaji, pohua ppari ssamohuaji naridsamanajari. Camittehe cajimanajari assiredenidsapi noccodeni ijiridsajaro. Pohuadeni tedsejema qquide nahatoqquiri, pohuadeni nattihuaji qquide nahatoqquiri najari.

Apocalipsis 5:7

Nadsapa Edede Bedipa papeo pico naqquini idinijine deni tojahicca huihuittari bicabotehuaji toccajari. Nahidsa huittarijari dsepe nahatoniccadsa papeo dsojo ijidsajaro idijaro.