Apocalipsis 6:1 - Culina Mádija

¹ Ocattoma cananeje papeo pico naqquini nepi tamaroni 7 najaro tahidecca Edede Bedi ssoja ijidsani qqui onade. Nadsapa camittehe cajimanajarideni 4 quinajari ojaria jadsirema huahua nahi omittade. Pohua atti mohuini pina ttottorode mohuinissa nadsa: —Nija, ahuaji ticcajonaji −najari.

Kulina New Testament Brazil

¹ Ocattoma cananerre papeo pico naqquini nepi tamaroni 7 narraro taidecca Eueue Bedi itaboni qqui onade. Nazapa camittehe carrimanarrarideni 4 quenarrari orraria rrazirema uaua naui omittade. Poua atti mouini pina ttottorode mouinissa naza: —Nirra, arriuarri ticcarronarri −narrari.

Apocalipsis 6:1 Iomraidhean Croise

Huano 1:29

Nani Betaniadsa imadiccadsapi najaro huada ssiajadsa Huano Jeso ccajonahi qqui tadsa iadsa huati tajaride: —¡Qqui tiquinajo! ¡Ajajaripa Diocca daniji madija huapimadsa! Pohuapa Diocca Edede Bedi bicabote Diodsa da da inajarissa najari. Nidsa dsoqquedsapa pohuana madija huapimacca imasiri inanamossinitohui −nade.

Tahimarideni 4:20

Naraha iapi Dio Attidsara dissessera inanitohui. Dio Atti ecomanijinepi jipepera inani. Aji ia qqui inajaro, ia imittajaro maride inebo-jeranitohui −quinajari Pedrodeni.

Apocalipsis 11:19

Nadsama memehuajicca Diodsa dada toqquimacca noccobiji tohuabajaro. Najaro bodidsapi Moisesicca madija Dio Pohua tedseje jehe canirejaricca baho cahato najaro. Nadsapi ssiehe canaridsajaro, mohuini imeni tomohuiridsajaro. Ttottorode ttororo canaridsajaro, nami naqui dsadsa najaro. Passo ccara tojani naqui jadsirema catojaridsajaro.

Apocalipsis 13:8

Ajijaro namidsa madiridsamanajarideni camittehe cajimana-dsanapohuijinecca papeodsa onideni dsodo nani nohuerajaripa bani siri jidsabotedsara huatidseridsa-manajari. Najaro papeo dsodo nanipi dsama nahatoponidsama Edede Bedi Jeso pohuana ecahuajaro. Pohuana camittehe issiajanicca icajiridsanijine dsoqquejari.

Apocalipsis 14:2

Nadsapi memehuaji mohuini bica tehe omittajaro. Pina hueni huapima ssahaha canajarossa najaro. Pina ttottorode dacorabote mohuinissa najaro. Pina titirededeni huapi taha tire tire quinajari mohuissa najari.

Apocalipsis 19:6

Nadsapi memehuajicca madija huapima attideni mohuini omittaneje bica tajaro, pina hueni ssahaha canajarossa najaro. Mohuini onihi naqui pina ttottorode mohuini dacorajarossa najaro. Attidenipa: —¡Areroia, Ia Medsede Dio dacorabotepa deni tojahi! Jidapana huapima ecahuabaqquihijine pocca cacahuehe bacco tani.

Apocalipsis 4:8

Aja 4 quinajaridenipa eppedeni 6 naha cajiridsamanajari. Assiredenidsa noccodeni ijiridsajaro. Eppedeni bodihuaji naqui noccodeni ijiridsajaro. Nadsama pohuadenipa ssiajama jijiri, dsomema jijiri dsadsanapomana najari. Pohuadeni attipa: —Ia Medsede Diopa bicabote. Bodi ssiaja tahi, huire tahi ojarihi. Pohuana dacorabote ojarihi. Pohuapa nadsama madipojari. Madihipaja nahi. Nidsa ccajonahitohui −quiquinanajari.

Apocalipsis 5:1

Nadsapa deni tojahicca huihuittari bicabotedsa huittari canahihuaji qqui onaneje pohua dsepe nahatoniccadsa papeo pico naqquini dsojo tojidsajari. Bodihuaji dsodo, huapihuaji dsodo najaro. Nepi tamaroni 7 nehe cajijaro.

Apocalipsis 5:12

Najaridenipa jiri jiri quinadsa attideni mohui taha ajama quinajari: —Edede Bedi dsoqquepojaripa deni tojajari. Pohuana huapimadsa dosse dosse nahi pajirahi, bica tahi. Dsama huapimacca biquehe pohuadsa tojanijine bica tani. Pohuana bodi nahato tahi ojari nahi. Pocca dacorehe deni tojani bica tani. Huapima attidenipa: “Tiana icca Tamine deni tojahicca. Ticca deni tojehe nema dsanapona” quinana, inajaro. Pohuadsa etidsedsa: Tiana bica tinani, deni tijani, inanijine bica tani −quinade.

Apocalipsis 5:8

Najaro papeo ididsapi camittehe cajimanajarideni 4 quinajari, cacahuadedeni 24 quinajari tedseje Edede Bedi pohua tocattahihuaji pohuadeni pitodsa jassi tajari. Pohuadenipa titire oni arpa cajimanajari. Pohuadeni dsepedsa tasao oro nahatoni bodidsa nahatohui majo bicabote caji naha dsojo dsojo tojidsamaneri najari. Majo bicabote tohuessidsa jami-mi canajaripa Diocca madija Pohuadsa huati huati totoquina nahicca ima.

Apocalipsis 6:3

Nadsapa papeo nepi tamaroni dsotodecca Edede Bedi ssoja ijidsajaro. Nanaja camittehe cajimanajarideni ohuaha huahua nahi omittade: —Nija, ahuaji ticcajonaji −najari.

Apocalipsis 6:5

Nadsapa papeo nepi tamaroni onihi 3ʼcca Edede Bedi ssoja ijidsajaro. Nanaja camittehe cajimanajarideni ohuaha huahua nahi omittade: —Nija, ahuaji ticcajonaji −najari. Nanaja bojo sohuehi qquenahi qqui onajari. Najari bojodsa huittarijaripa ccanajani nanattome cajide.

Apocalipsis 6:7

Nadsapa papeo nepi tamaroni onihi 4ʼcca Edede Bedi ssoja ijidsajaro. Nanaja camittehe cajimanajarideni ohuaha huahua nahi omittade: —Nija, ahuaji ticcajonaji −najari.

Apocalipsis 8:1

Papeo pico naqquini nepi tamaroni 7 najaro jicarinicca Edede Bedi ssoja ijidsadsapi memehuaji madimanajarideni huapima maji ojaria tocadidire najari. (Caria attidsapi: media hora, quinajari.)