Apocalipsis 5:11 - Culina Mádija11 Nadsapi qqui onaneje deni tojahicca huihuittari bicabote cahittarinihuaji Diocca dodosse tabaqqui memehuajicca huapima attideni omittajaro. Nahi huihuittari cahittarinihuajipi camittehe cajimanajarideni domo huahuajani, cacahuadedeni naco domo huahuajani nahi idedenihuaji Diocca dodosse tabaqqui qqui onabaqquiraha siba tahi. Faic an caibideilKulina New Testament Brazil11 Nezape qqui onanerre deni torrauicca uiuittari bicabote cauittariniuarri Deocca zozosse tabaqqui memeuarricca bazima attideni omittarraro. Naui uiuittari cauittariniuarripe camittehe carrimanarrarideni domo uauarrani, cacauadedeni naco domo uauarrani naui idedeniuarri Deocca zozosse tabaqqui memeuarricca qqui onabaqquiraha siba taui. Faic an caibideil |
Nadsapi memehuajicca madija huapima attideni mohuini omittaneje bica tajaro, pina hueni ssahaha canajarossa najaro. Mohuini onihi naqui pina ttottorode mohuini dacorajarossa najaro. Attidenipa: —¡Areroia, Ia Medsede Dio dacorabotepa deni tojahi! Jidapana huapima ecahuabaqquihijine pocca cacahuehe bacco tani.
Nani pocca huihuittari bicabote tadsajanimapi pina coridsa imenissa naraha ccara tajaro. Tocassiejeqquimera najaro, pina siba cristaossa najaro. Nahi Pohua huittarihi inoridsa naco camittaqquiri najarideni 4 quinaha huahueri nahuajanijari. Pohua baccohuaji, pohua idehuaji, pohua ppari nahatonihuaji, pohua ppari ssamohuaji naridsamanajari. Camittehe cajimanajari assiredenidsapi noccodeni ijiridsajaro. Pohuadeni tedsejema qquide nahatoqquiri, pohuadeni nattihuaji qquide nahatoqquiri najari.
Nadsapa deni tojahicca huihuittari bicabotedsa huittari canahihuaji qqui onanaja Edede Bedi Jeso pina inanadsoqque-manapojarissa naraha hua canajari. Pohuapa camittehe cajimanajarideni 4 quinajari, cacahuade 24 quinajari domodeni huahi nocconidsa huajari. Aja ori 7, nocco 7 najaripa Dio Corime 7 naha dsama huapimadsa qquide jahiridsahijine Dio dosse inabaqquijari.
Najaro papeo ididsapi camittehe cajimanajarideni 4 quinajari, cacahuadedeni 24 quinajari tedseje Edede Bedi pohua tocattahihuaji pohuadeni pitodsa jassi tajari. Pohuadenipa titire oni arpa cajimanajari. Pohuadeni dsepedsa tasao oro nahatoni bodidsa nahatohui majo bicabote caji naha dsojo dsojo tojidsamaneri najari. Majo bicabote tohuessidsa jami-mi canajaripa Diocca madija Pohuadsa huati huati totoquina nahicca ima.
Nahi deni tojahicca huihuittari bicabote cahittarini tadsajanima camittehe cajimanajarideni domo huahuajani, aja cacahuadedeni domo huahuajani, nahi idedenihuaji Diocca dodosse tabaqquideni huapima domo huahuajani najari. Najarideni huapimapa Diocca huihuittari tadsajanima pohuadeni pitodsa jassi tadsa tocattedsamanadsa assarideni namidsa bacco tadsapa Diodsa huatidsemanajari.