Apocalipsis 4:11 - Culina Mádija

¹¹ —Ia Medsede icca Dio, Tiadsa etidseni bica tani. Tiana dsama huapimadsa cajiridsajaripa tinahatoridsajari. Tia tohuini tadsa tijine huapima nahatoridsajari. Najarojine madija huapima tiadsa: “Bica tinani, deni tijani” quinahijine bica tani, inajaro −quinade.

Kulina New Testament Brazil

¹¹ —Ia Zozossede icca Deo, Tiaza etizeni bica tani. Tiana zama bazimaza carririzarraripa tinauatorizarrari. Tia touini teza tirrine bazima nauatorizarrari. Narrarorrine madirra bazima tiaza: “Bica tinani, deni tirrani” quenauiuarrine bica tani, inarraro −quenade.

Apocalipsis 4:11 Iomraidhean Croise

Tahimarideni 14:15

—¿Nejecotohui ticcadeni ima iadsa nema tinanamanajaro? ¡Iapi madija, aji tiadenissa inani! Tiadenidsa ima bicani icassiejeranijinecca huatide icadajonajaro. Aji ponima iadsa: “Ia cacahuade Seo, Hermese” titiquina najaropi ¡tinebomanaji! Ticcadeni dio pohuamaccadsa: “Ia cacahuade” titiquina najaropi tinebomanaji. Dio camitta tajaridsara pajissa tiquinaji. Pohuana huapima inahatoridsajaro. Meme inahato, dsama inahato, passo imeni inahato najaro. Meme abari inahato, dsama abari inahato, passo abari inahato, ia huapima naqui ia tonahatobaqquijari.

Tahimarideni 17:24

—Ajijaro dsamapi Dio inahatojaro. Aja huapima caji taridsajari naco Dio inahatoridsajari. Pohua inahatoridsajaripa Dio Pohuana huapima ecahuajaro. Meme ecahua, nami ecahua najaro. Diopa madijacca nahatonijidsa madiridsa-jarahi. Pina odsadsa, siba nahatonidsa, Diopa nama nahidsa madiridsa-jarahi.

Romanodenidsa 11:36

Memecca, namicca huapima aniridsajaripa Dio inahatoridsajari. Pocca dacorehedsa huapima ecahuaridsajari. Huapima aniridsajaridsa Diocca deni tojehe ahuato tajaro. Nadsapi Pohuadsa: —Tiapi deni tijani, denima bica tinani. Aja Tiassa najari ohuahapa nohuerahi −ihidsanapo nana. Pajissa nema nana.

Epesodeniza 3:9

Dio ia Nahatode Pohuajine maittaccadsama pocca ima bicani najoraporaha ahuatora tapoccade. Jidapana najaro ima tohuatodsapi madija huapima mittamanahijine maride ohua cadossejari.

Ebreodenidsa 1:10

Pohua Bedi tahimari denima huati tadsa naco ajama najari: —Jehe ohua Medsede, tiapi ajijaro dsama nohueraccadsama timadipojaro. Tiana nami tinahato, meme tinahato najarode.

Ebreodenidsa 1:2

Naraha jidapana dsama jicanicca tohuajiradsa iadsa huati tahijinepa Pohua Bedi dosse inaronajaride. Najarina iadsa Imehi Atti huati huati ihiqquima najarode. Jehe, Pohua Bedipa tahide Imehi tedseje meme, nami, huapima aniridsajaricca inahatomanapojari. Nadsama Diopa Pohua Bedina cacahuade inanajari. Huapima jinede tojajaripaja.

Apocalipsis 1:6

Pohuajine pocca cacahuanijidsa iquejenajaro. Pohuajine pocca Abi Diodsa idsepe ijijaro. Diodsa dada toqquimade, huahuati toqquimade iquejenajaro. Nadsapi Jesocristodsa ehetidse nana. ¡Pohuapa bica tahi, deni tojahi! Pocca nahatonaja huapima ecahuadsanaponijine pocca deni tojehe pajiranissa tajaro. Apaja pohuapa nama dsanapohuitohui, inana, onajaro. Pajissa nema nana.

Apocalipsis 10:6

—Aji huati onajaropi Dio Pohua onima pajissara huati onajaro. Diopa nadsama madijonajari. Meme inahato, nami inahato, passo imeni inahato najaro. Aja Dio Pohua inahatoridsajarodsa madiridsamanajari naco Dio Pohua inahatoridsajari. Ohuattipi pajissa. Ima jicanijinepi najo-jeranitohui.

Apocalipsis 14:7

Nadsapa pohua atti mohui tadsa huati tajari: —Dio noppine ticappinamanaji. Diodsa: “Tiana deni tijani” tiquinaji. Dsama huapimacca madijacca imasiri manaconi najidsohuepi Dio Pohuajine tojabote nani. Pohuana meme inahato, nami inahato, passo imeni inahato, passo sibadsa qquenanicca inahato naridsajaro. Pohuadsara tetidsemanaji −najari.

Apocalipsis 19:1

Nadsapi Babironia diji tehe jicani nattinipi memehuaji madija huapima attideni mohui tehe omittajaro. Pohuadeni attipa: —¡Areroia, ia Medsede Diopa bica tahi! Pohuapa tossiejehe jinede. Ima huapimadsa deni tojajari. Pohuana denima dacorahi ojarijari.

Apocalipsis 5:12

Najaridenipa jiri jiri quinadsa attideni mohui taha ajama quinajari: —Edede Bedi dsoqquepojaripa deni tojajari. Pohuana huapimadsa dosse dosse nahi pajirahi, bica tahi. Dsama huapimacca biquehe pohuadsa tojanijine bica tani. Pohuana bodi nahato tahi ojari nahi. Pocca dacorehe deni tojani bica tani. Huapima attidenipa: “Tiana icca Tamine deni tojahicca. Ticca deni tojehe nema dsanapona” quinana, inajaro. Pohuadsa etidsedsa: Tiana bica tinani, deni tijani, inanijine bica tani −quinade.

Apocalipsis 5:2

Diocca dodosse dacorabote ojaria qqui onajari. Pohua atti mohui tadsa huati tajari: —¿Nejecojarina ima jijirade bicabote deni tojajari? Najarina papeo pico naqquini nepi nacossaridsani ssoja ijidsadsa inahabanijine bica tahi −nahi omittade.

Apocalipsis 5:9

Pohuadenipa ajie dsati jiri icanamanadsapi ajama quinajari: —Tiana bicabote deni tijani ojari tajaro. Papeo pico naqquini tidijaro bica tani. Nepi tamaroni 7 nehe cajiraha ssoja tijidsanijine bica tani. Tiana tia inanadsoqque-manadsa temene toccajarodsa Diodsa toquejenahijine mitta tinabaqquijaride. Aja madija dsama onihi onihidsa madiridsamanajarideni mota, tohuatti onihi onihi cajiridsamanajarideni mota, huapideni onihi onihi cajiridsamanajarideni mota tijine Diodsa toquejenaridsajari.