Apocalipsis 11:8 - Culina Mádija

⁸ Nadsapa ia Medsede ahua porimacossanidsa coba idsanamanadsa dsoqquehicca odsa pananicca jahuidsa assiredeni pparahi codahitohui. Najaro odsa panani oninipi Jerosare naraha onini ponimacca hua quinajarona: Imasiri sseqquiri najaridenicca odsa panani Sodoma, quiquinanajari. Onini onihi naqui: Diodsa iboqquiri najaridenicca dsama Ejito, quiquinanajari.

Kulina New Testament Brazil

⁸ Nazapa ia Zozossede Zeso aua porimacossaniza coba izanemanaza zoqqueuicca oza pananicca rrauiza assiredeni pparaui codauitoui. Narraro oza panani oninipe Zerozare naraha onini ponimacca ua iquenarrarona: Uimasiri sseqquiri narraridenicca oza panani Sodoma, quequenanarrari. Onini onihi naqui: Deoza iboqquiri narraridenicca zama Ezito, quequenanarrari.

Apocalipsis 11:8 Iomraidhean Croise

Mateo 10:15

—Jehe, pajissara tiadenidsa huati onana: Nidsaranibote madija huapimacca ima Dio icattemanijinecca huada bacco tadsa Dio pocca najidsohue tojadsapi najaridenidsapa denima oppina tanitohui. Ajina maittaccadsama odsa panani Sodomacca madija, odsa panani onihi Comoracca madija, nahihuaji madija madiridsamanajarideni naco tabaccoraqquiri nadsapa Diojine jicaridsapojaripaja. Naraha pohuadenipa nidsa dsama jicadsapi poccadeni imasiri manaconipa najidsohue oppina tajaro pohuadenidsa ssonarinitohui. Naraha ohuattidsa jiperaqquiri najaridenidsana najidsohue denima oppina tanicca ssonarinitohui −nade Jeso.

Tahimarideni 9:4

Nadsapa Saoro tohuedimajari. Namidsa ponadsa atti mittajari: —Saoro, Saoro ¿nejecotohui occa madija nanajidso taridsajaro? Aja occa madija nanajidso taridsajaropi pina ohua nanajidso taridsajarossa najaro −najari.

Ebreodenidsa 13:12

Dsotode naqui pina najarossa inanamanajaro. Jeso naco odsa panani Jerosare amossinihuaji iaqquenamanadsa ahua porimacossanidsa coba idsanamanadsa ocasserani ahuajari. Pohua emene toccajaropi madija pohuadsa toquejenajari imarideni inahirejaro.

Ebreodenidsa 6:6

Naraha Dio inebomanadsapa pina Diocca daniji ttai ttai inanamanajarossa najaro. Pina Dio Bedi ahua porimacossanidsa coba idsanamana-pomajarissa najari. Pohuadenijine jehe quina-jarajarideni Jeso jaja icanaqquimanajari. Madija nama quinajaripa Diodsa toquejenani-pomahijine ssamo tani.

2 Pedoro 2:6

Dsotode odsa panani Sodoma, Comoradsa madimanajarideni naco Dio inajicajari. Najaro ima tojadsapi Rotena Dio inassiajajari. Madija huapimapa pohuadeni tohuini quinahicca tabaccorehedsa madimanaraha Rotepa Diodsa madihissa tajari. Madijadenicca tabaccorehe pohuadsa ocassera taraha nama naha madijari. Poccadeni tabaccorehe qqui tajari, mittajari dsadsanapo nadsapa bodi oji naha madijari. Nadsapa najarideni naco Dio inajidso-baqquijari. Poccadeni odsa panani Sodoma, Comora naqui huapima madijama Diojine diji tocanirehissa tadsapa ononedenira tojajaro. Diojine nema najaropi dsotodedenicca tabaccorehedsa madimanajarideni bodideni huatoma-manahijine. —Pajissa, Diopa imasiri tonanamanajarideni inajidsobaqqui tahi. Iadsa naco nama narana −quinahijine, onajaro.

Jodacca 1:7

Najaro imassa najaro naqui odsa panani Sodomacca madija, Comoracca madija, nahi huajira tanicca odsa panani bedeni caji taridsajarocca madija huapimapa tabaccoraqquiri najari. Huananehe onihi onihidsa disseraqquiri najari. Huananehe jidsa, oppina tanicca naqui inanamanajaro. Nama quinadsapa Diojine jororoni jicaquera taniccahuaji madimanajari. Poccadeni imadsapi dsotodedenicca bodideni huatoma-manahijine. —Paji, iadsa naco nama narana −quinahijine, onajaro.

Apocalipsis 11:13

Naneje amadsati namidsadsa imeni tojadsapi odsa panani mota barari-ridsadsapi catojaridsajaro. Najarojine madija 7 mil (7,000) quinaha jicajari. Nadsapa tocassiejerajaridenia cappinamanadsa: —Memehuaji madijaripa Dio dacorahi, deni tojahi −quinajari.

Apocalipsis 11:9

Nahidsa huada 3 denima huada arobeni assiredeni codajari qquide madija jahijonana canahitohui. Madija panahicca ohuaha ohuaha naridsamanajarideni mota, madija huapideni onihi onihi cajiridsamanajarideni mota, tohuatti onihi onihi cajiridsamanajarideni mota, dsama onihi onihidsa madiridsamanajarideni mota jahijonana canahitohui. Najarideni huapimapa ppa idsabaqquimana-jarahijine eccoccobaqqui-manahitohui.

Apocalipsis 14:20

Nadsapa odsa panani huapihuaji uva ttai ttai nadsa ppejene toccajari. Najari ppejene toccajaripa madija emenedeni uva ttaittaidsa qquenajaro. Pina hueni tocadsajajarissa najaro. Bojo huahi dequeraraha ajaridsa bacco tajaro. (Najaropi 1 metro y medio.) Emenedeni toccabaqquini huaji tani. Nattome inadsapi 300 kilometrossa nehe tojajaro.

Apocalipsis 14:8

Dsotode Diocca dodosse ohuaha toccamissajari. Pohua attipa: —¡Odsa panani deni tojanicca Babironiapi jicani, jicani! −najari. —Najaro odsa pananicca madijajinepi dsama huapimacca madija Diodsa huatideni ajamamanadsa Babironiadenicca huananehedsa toquejenaridsajari. Babironiadenipa Diodsa iboqquiri nadsa poccadeni ibohuepi dsama huapimacca madijadsa dsapa taridsajaro. Pina noccodeni janoqquiri nahijine dsedse coma tanicca da icanabaqquijarissa najaro −najari.

Apocalipsis 16:19

Nadsapi namidsadsa dacorajarojine odsa panani deni tojanicca Babironia nocconidsa huacca nadsapi arobeni 3 nehe tojajaro. Dsama onihi onihi naridsajarocca odsa panani naqui tohuedimaridsajaro. Diopa Babironiacca ima huati ajama-jaradsa pocca najidsohue dacorajaro ponidsa inanajaro. Pocca huadie poni dse inanajarossa najaro.

Apocalipsis 17:1

Nadsapa Diocca dodosse tabaqqui 7 quinajari tasao cajimanajarideni ojariapa ohuahuaji ccajonadsa huati tajari: —Nija, ticcajonaji. Tiadsa ima ahuato onanana −najari. —Aji amoneje passo tetepidsa huittarijaropi huananari. Ponicca imasiri manaconi Dio inajidsonicca ima qqui tinanijine −najari.

Apocalipsis 17:18

Nadsama amoneje huananari qqui tinajaropi odsa panani imenicca ima. Najaro odsa pananipi dsama onihi onihi naridsajarocca taminedenidsa dossede tojajaro −najari Diocca dodosse ohuadsa.

Apocalipsis 17:5

Assarinicca dsodo nanipi imittanijine ssamo inaccani. Najaropi ajima najaro: Odsa panani imeni Babironiapi huananehe jinede. Ponicca marinajajine ibohue, tabaccorehe tojaridsadsapi dsama huapimadsa ima tohuajari nadsi tehe tojaridsajaro.

Apocalipsis 18:10

Pohuadenipa Babironiadsa najidsohue ssonarijaro noppineni cappinamanadsapa huajima cattomama canahitohui. Pohuadeni attipa: —¡Jaho! Babironia tiapi icca odsa panani deni tojanicca dacorabote tijaraha amadsati ticca imasiri manaconi najidsohue tiadsa bacco tajaro −quinahitohui.

Apocalipsis 18:18

Babironia diji tani esseni toccamacossani qqui toquinadsa johua johua quinahitohui. Pohuadeni attipa: —¡Odsa panani deni tojanicca najarossa najaro nohuerani, nohuerani! −quinahitohui.

Apocalipsis 18:2

Nadsapa pohua atti mohui dacoradsa huahua najari: —¡Babironia jicani, jicani! −najari. —Babironia odsa panani deni tojanicca jicani. Jidapapa Babironiadsa Satanacca dodosse tabaqqui tocorimedenira madimanahi. Abaridsa, mori, eppe cajihi oppina tahicca huapima madimanahi. Bani siri huadi tahicca naco madimanahi.

Apocalipsis 18:21

Nadsapa Diocca dodosse dacorabotepa siba imeni idimacossa najaro. Najaro sibapi imenibote pina aroso jidsadsa trigo ririassa najaro. Najaro siba imeni passo imenidsa coro idsippadsa pohua attipa: —Babironia tiapi odsa panani deni tijaniccaraha ajijaro sibassa tanitohui. Paji amossi taridsapi tia qqui quinapoma-jeranitohui −najari.

Apocalipsis 18:24

Jehe, najaro odsa pananidsapi Dio Atti cacomeraqquiri najarideni inajicaridsamanajari. Diocca madija toquejenajarideni naco inajicaridsamanajari. Aja dsama huapimacca madija ijinedeni ahuamanadsa emenedeni toccaridsajarojine Babironiadsa Diocca najidsohue ssonarijaro.