Apocalipsis 10:1 - Culina Mádija

¹ Nadsapa memehuaji qqui onanaja Diocca dodosse dacorabote ohuaha meme essenima quejemaha ccaronajari. Pohua tatidsa meme janoni porimacossanissa najaro cajijari. Panopa pina maji ssiejenessa najari. Issopa pina dsippo jororoni pamajarossa najaro.

Kulina New Testament Brazil

¹ Nazapa memeuarri qqui onanarra Deocca zozosse dacorabote ouaha meme essenima carrimaha ccaronarrari. Poua tatiza meme rranoni porimacossanissa narraro carrirrari. Panopa pina marri ssiuerrenessa narrari. Issopa pina zippo rrororoni pamarrarossa narraro.

Apocalipsis 10:1 Iomraidhean Croise

Mateo 17:2

Nahidsa qqui toquinanaja Jeso pano todsibehijaro pina maji ssiejenessa najari. Pocca etero naqui tonopojaro pina ssiaja tajarossa najaro.

Roca 21:27

Nadsana ohuapi Madija Bedi ojajaroa meme essenima oquejemehe occaronapomani madija huapima qqui toquinahitohui. Occa dacorehe, occa deni tojehe ahuato tanitohui.

Tahimarideni 26:13

Jehe, nadsama tamine Aquiripa, najaro ima tiadsa huati onana. Ohuapi jahui occajaro... maji itetepidsa Damasco bacco onabote naraha memehuajicca ssiajani dacorehe amadsati ohuadsa bacco naronadsapi ohuinori nemanehedsa, aja ohuadsa jai tojajarideni inorideni nemanehedsa naqui ssiajahuajaniridsa nade. Majipa dsibehi taraha ajamani. Aji ohua qqui onajarona denima dacorajaro.

Apocalipsis 1:7

¡Ticattomama canaji! Jesocristo meme essenima ccaronahi qqui tiquinahitohui. Madija huapima qqui toquinahitohui. Aja Jesocristo pohua nanadsoqquededeni naco qqui toquinahitohui. Dsama huapimacca madijapa pohuatohui oji oji quinahitohui. Jehe, pajissa nema nana.

Apocalipsis 18:1

Ima qqui onapojaro jicadsapi Diocca dodosse ohuaha memehuaji ccaronahi qqui onajari. Dossehe dacoranicca cajijari. Pohua dsibehinejinepi nami huapima tossiajabaqquijaro.

Apocalipsis 18:21

Nadsapa Diocca dodosse dacorabotepa siba imeni idimacossa najaro. Najaro sibapi imenibote pina aroso jidsadsa trigo ririassa najaro. Najaro siba imeni passo imenidsa coro idsippadsa pohua attipa: —Babironia tiapi odsa panani deni tijaniccaraha ajijaro sibassa tanitohui. Paji amossi taridsapi tia qqui quinapoma-jeranitohui −najari.

Apocalipsis 20:1

Nadsapa qqui onapomanaja Diocca dodosse nami odini huaji tanicca pipicoma ccaronajari. Cadena imehibote naco pohua dsepedsa dsojo inaronajari.

Apocalipsis 4:3

Aja huittarijaripa ohuadsa ahuato tajari. Pohuapa dsibehi tajari. Dsibehine pina siba huatini ccara tanicca dsibehinissa najari. Pina diamante dsibehinissa, pina robi dsibehinissa najari. Pohua huittarihi tetepidsa naqui meme janoni porimacossani qqui onajaro. Janonipi pina siba esemeraoda dsibehinissa najaro.

Apocalipsis 5:2

Diocca dodosse dacorabote ojaria qqui onajari. Pohua atti mohui tadsa huati tajari: —¿Nejecojarina ima jijirade bicabote deni tojajari? Najarina papeo pico naqquini nepi nacossaridsani ssoja ijidsadsa inahabanijine bica tahi −nahi omittade.

Apocalipsis 8:13

Dsotode meme napicossanidsa ssibiri potajari toccahi qqui onajari. Toccadsa atti mohui tahi omittajaro. Pohua atti ajama najari: —¡A, jaho! Namicca madijapa tohuati nahanaqquiri nahitohui. Nidsa Diocca dodosse tabaqqui ohuahadeni 3 quinajari jei jei quinadsapa ima denima oppina tanicca tojanitohui −nade ssibiri potajari.