Mateo 9:2 - Bab dummad Jesucristoba igar mesisad garda

² Agi dule-wargwen, bela-abgan-burgwar-nikad ese dule-megedgi-mai senonimalad. Ar Jesús dule-senonimalad-dakdegu, egi gwen bensulid, dule-abgan-burgwaledga sogded: —An-ai, gandik na be san-sae, na be-iskudii-gusad, be nugussun.

Kuna San Blas

² Agi dule-wargwen, bela-abagan-burgwar-nikad ese dule-megedgi-mai senonimalad. Ar Jesús dule-senonimalad-egi-gwen-bensuli-dakdegu, dule-abagan-burgwaledga sogded: —An-ai, gandik na be imako. Be-isgued an bega elisun.

Mateo 9:2 Iomraidhean Croise

Mateo 14:27

Degisoggu, a-ular Jesús yog e-sapinganse gotesun, ega sogdesun: —¡Be gandik imakmar, ani an gudii, mer be dobgumar!

Mateo 4:24

Jesús dulemar-nudakdiidba, bela Siria-yalase e-nug dunguded. A-ular dulemar bela ibmar-naibi-itodimalad, galagwensuli-gegudimalad, abgan-nunmakdimalad, niasamalad, suu-itodimalad, abgan-burgwarmalad, Jesússe senonimalad. Bela Jesús amar-nudaksad.

Mateo 6:12

Anmar-begi-iskusad anmarga be osulo, igi dulemar anmargi nosale, anmargi nossulidyob anmar dakdamogadyob.

Mateo 8:10

Jesús weyob Roma-sorda-dummad ega soge itoargu, geger-ito naded, geb degi dulemar-e-sorba-duurmakdanimaladga sogdesun: “Napira an bemarga soged, Israel-dulemargi weyob dule nue an-bensulid an dakdisulid.

Mateo 8:16

A-ibagi neg-mutikudgu, dulemar bukidar ese niaburba-nikmalad senonimalad. Jesús unnila e-sunmakedgi niaburbamar-onosad, degi, bela dulemar-uelemalad-nudaksabalid.

Mateo 9:22

Ar Jesús aibiris imaksagu, ome-gwichi dakdegu, ega sogded: —Omegwa, mer be dobgu. Ar be nue an-bengussursoggu, be nugussun. Ar agine, ome yog nuguar naded.

Mateo 9:5

An dule-bonigwaledga sog-dibe: ‘Be-iskunaid an bega osulos.’ Ar igi an sogbarsun-dibe: ‘Be nugu, be gwisgu, be nae.’ Degite, ¿igid bur-baisursunna imaklesunna? Suli, ebobela baisursunna imaklesuli. Ar dule sunna an nudakele, soglebardo, sunna dule-iskued an elibarye.

Mateo 9:6

Degisoggu, ani Dule-Machi, dule-bonigwaled an nudakoed, adi bemar wisguegar, igi dule-bonigwaled sunna an nudake, debayobi we-napneggi dule-gwage-iskunaid sunna nudaked an nikbalid. Degi Jesús dule-abgan-burgwar-nikadga sogdesun: —Be gwisgu, be-egi-maid na be sede, be-negse na be nasun.

Marcos 1:32

Neg-sedodgu, dad-argwated-sorba Jesússega dule-uelemalad, degine, nia-nikmaladse-bakar ese senonimalad.

Marcos 10:49

Degi Jesús gwisgusgu, sogded: —Ese gornamar. Geb Bartimeose gochamalad, ega sogdemalad: —Bartimeo, be gandik sae, be gwisgu, Jesús bese goled.

Marcos 5:34

Jesús omega sogdesunnad: —Omegwa, be nue an-bengussursoggu, be nugussun. Be gwage-bogidikidgi be-negse be nasun, degine, be-bonigan bela bei bergussun.

Marcos 6:50

Bela daksamarsoggu, egi gwakidmalad. Degisoggu, Jesús yog e-sapinganse golar imaksad, ega sogded: —Mer dobgumar, gandik samar, ani an gudiid.

Juan 16:33

Ar we-ibmargi an bemarga sunmaksamalad, adi angi ulubgi bogidik-itoleged bemar itomalagar. We-napneggi bemar naibi itomaloed, degi-inigwele, be gandik imakmar, ar bato we-napneg-ibmar-iskanagi an nakwisad.”

Juan 2:25

Jesús dule-ega-ibmar-soged gwen abessulid, ar wisid dulemar ulubgi igi binsamala.

Juan 21:5

Jesús amarga sogded: —Sapingan, ¿bemar ua-wis-gasmala? Abin-sogdemalad: —Suli.

Gusmalad 14:9

A-dulede Pablo-sunmaked itosii-gusmogad. Pablo, dule-geg-nanaed nue-nuu dakdegu, mag daksad, we-dule sunna nudaklegega nue bensulid.

Gusmalad 19:12

Degisoggu, dulemar Pablo-e-muswe, degi, e-sadergi mor-nagumaladse-bakar, uelemaladse ses-damalad. Ar ade dule-geguedi amar-ebusale, yog nuguar nad-damalad, degi, niaburba-nikale, yog egi noar-nad-dabalid.

Gusmalad 23:11

A-mutikidgine, Bab-Jesús Pablose na magarosad, ega sokalid: “Pablo, gatik na san be ganna sao, mer galakuo, igi an-nuggi wegi Jerusaléngi be sunmaksa, deyob Romagi an-nuggi be sunmakbaloed.”

Romanos 5:11

Deginbali, unnila degisulid, anmar amba Bab Dummadgi anmar-Dummad-Jesucristobali weligwar itomarbalid, ar ade Jesucristobali anmar Bab-Dummad-ebo igar-nabosad.

Santiago 2:18

Sunna dule-wargwen sogdagoed: “Suli, degisur, gwensakdi ulubgi Jesúsgi bensulid, baiddi, ibmar-nuegan-imakdimogad, ebobela igar-nueganbido.” Andi an sogdo, degisurye. Ar be ibmar-imaksulidgi anga be oyogena, be Jesúsgi bensulid. Andi an ibmar-imakdiidgi an bega oyogodo, an Jesúsgi bensulid.