Mateo 10:3 - Bab dummad Jesucristoba igar mesisad garda

³ degine, Felipe, Bartolomé, Tomás, Mateo, Roma-dummadga-mani-gaedgi-arbasad, degi, Santiago Alfeo-machi, degi, Lebeo, Tadeoye-nugbalid.

Kuna San Blas

³ Degine, Felipe, Bartolomé, Tomás. Deginbali, Mateo, Roma-dummadga-mani-gaedgi-arbasad. Jacobo, Alfeo-machid. Lebeo, Tadeoʼye nugbalid.

Mateo 10:3 Iomraidhean Croise

Mateo 18:17

“Ar amar-wagab be-gwenad be-itosulile, bela na Bab-Jesúsba-nanaimalad-danar-ambikunoni-damalad-abargi be ega ibmar soge, ar amar-abargi amba be-gwenad be-itosulile, dule-Bab-Dummad-wichurmaladyob be we-gwenad-daksunnoed, degine, Roma-dummadga-mani-gaedgi-arbamaladyob be we-dule-dakbaloed.

Mateo 27:56

Amar-omegan-abargi María-Magdalena, María, Santiago, degi, José e-nan, degine, Zebedeo-machimala-e-nan, gwichi-gusmarmogad.

Mateo 9:9

Jesús dule-nudaksadgi-gwichi nadgu, dule-wargwen-dakar, Mateo nugad. A-dulede Roma-dummadga-mani-galeged-neggi siid, mani gasiid. Jesús Mateose gote, ega sogde: —Anba be dage, an-sapinga guegar. Degi Mateo gwisgusgu, eba yog naar imaksad.

Marcos 15:40

Bannabasaar omeganmo Jesús-dakbuk-gusmarmogad. Amar-omegan-abargi gwichi-gusmogad: María-Magdalena, degi María, Santiago-bipigwad-e-nan, a, José-e-nanbalid, degi, Salomé, geb omegan-baiganmo.

Marcos 2:14

Degi Jesús nadgu, Leví-dakalid, Alfeo-machi, Roma-dummadga-mani-galeged-neggi sii, mani gasii. Jesús Levíse goted, ega sogded: —Anba be dage, an-sapinga guegar. Degi Leví gwisgusgu, eba yog naar imaksad e-sapinga guegar.

Marcos 3:18

Degine, Andrés, Felipe, Bartolomé, Mateo, Tomás, degi, Santiago, Alfeo-machi, aginbali, Tadeo, Simón, a-dule cananista-sordad,

Lucas 18:10

“Ibagwengi, machergan-warbo nadmalad Bab-Dummadse-goled-negse: Gwensak Fariseo, baiddina Roma-dummadga-mani-gaedgi-arbaed-dule.

Lucas 18:11

“Fariseo gwichi Bab Dummadse gorgwichid, na dukin weyob soggwichid: ‘Bab Dummad, dog-nuedye an bega soged, ar an dulemar-baidgii dasulid, an atursilisulid, igar-inikigwadbi aimarga an imaked, an ome-dikarba-yoledisulid, degine, we-dule-Roma-dummadga-mani-gaedgi-arbaed-daedyob an dasulid.

Lucas 18:13

“Ar dule-Roma-dummadga-mani-gaedgi-arbaeddi Bab Dummadse gorgwisgu, bannaba gwichi, nonose-bakar gwen onakbisur gwichid, na e-binasgar sarsogwis soggwisdo: ‘Bab Dummad wile be an-dake, an dule-iskudiid-duled.’

Lucas 19:2

Agi dakleargu, machered-wargwen, Zaqueo-nugad, Jericógi mai-gusad. Zaqueo dakleargu, dulemar-Roma-dummadga-mani-gaedgi-arbamalad-e-dummadid, degine, dule-mani-ibedbalid.

Lucas 5:27

Jesús dule-nudaksadgi-gwichi nadgu, agi dule-wargwen Roma-dummadga-mani-gaedgi-arbaed dakalid, Leví-nugad, mani-galeged-neggi sii, mani gasii. Jesús Levíse gote, ega sogded: —Anba be dage, an-sapinga guegar.

Juan 1:48

Natanael Jesúsga sogded: —¿Wede igi be an-wisi an deyobid? Jesús, abin-sogded: —Amba yo Felipe bese goleunni, deun sapi-higuera-urba amba be sigua, bato an be-daksad.

Juan 11:16

Degi Tomás, Dídimoye bimarbalid, e-sordamarga sogdesunnad: —Anmar Jesúsba namarmodo, adi anmar eba burgwemarmogagar.

Juan 14:22

Jesúsga Judas sogded (Judas-Iscariotesur): —Dummad, ¿igi nabir anmarse be magarogoe, ar dulemar-beba-naisurmaladsedi be magarogosulid?

Juan 14:5

Tomás Jesúsga sogded: —Dummad, ar anmar wichulid bia be nasokali, degite, ¿igi anmar wisguosunna, bia igar maid?

Juan 14:9

Jesús, abin-sogded: —Felipe, ar dikasurgus an bemar-abargi gudiidde, degite, ¿amba be aku an-dakde? Ar dule an-daksale, a-dule bato an-Bab-daksamodo. Degite, ¿ibiga be anse egissunna: Bab be anga oyoye?

Juan 21:2

Deun danar na gudimalad, Simón-Pedro, Tomás, Dídimoye-nugbalid, Natanael, Caná Galileagined, Zebedeo-machimala, degine, Jesús-sapingan-baigan-warbobar.

Gusmalad 1:13

Jerusalén-neggweburse dognonimargu, bia neggi aila-niba na ambikusmaladse nonimalad. A-neggi mamaimalad: Pedro, Juan, Santiago, Andrés, Felipe, Tomás, Bartolomé, Mateo, Santiago Alfeo-machi, Simón Zelote, degi, Judas, Santiago-e-mesad.

Gusmalad 12:17

Mer dulemar oimakegala, Pedro argangi emarse achasad, degi, geb amarga sogdesunnad, igi Dummad-Jesús ede eskaryagi-siid e-onosa. Degi Pedro sogdebalid: “Santiagoga bela bemar sogoye, degi, gwenadgan-baiganga sogmarbaloye.” A-sorba Pedro node-gusad, degi, neg-baidsik edi nadsunnad.

Gusmalad 15:13

Pablo, Bernabé-ebo bela ibmar sogsamargu, Santiago sogded: “Gwenadgan, nue be an-itomarmogo:

Gusmalad 21:18

A-banedgine, Pabloba anmar Santiagose ataknad-gusad. Agine, Bab-Jesúsba-nanaimalad-e-idumalad bela bukwa-gusmalad.

Gálatas 1:19

Agine, Bab-Jesús-nuggi-barmilearmalad baigan gwen an daksasulid, unnila Santiagobi an daksa, Bab-Jesús-e-urba.

Gálatas 2:9

Santiago, Cefas, Pedroye-nugbalid, degi, Juan, amar Bab-Jesúsba-nanaimalad-abargi buar-neg-ganikidyob gudidimarsoggu, amar an-daksamalad Bab Dummad nabir-angi-binsaedba E-gaya-burba-nuedgi sunmakega an-susad. Agala, anga, degi, Bernabéga e-argan gasmalad, a sogleged, anmar na-mesa arbamalad gumarye. Deyob imaksamalad, adi anmar Judiosurmalad-abargi arbaegar, ar emardi Judiomar-abargi arbamogagar.

Santiago 1:1

Andi Santiago, Bab-Dummad-e-mai, degine, Dummad-Jesucristo-e-maibar. Israel-dulemar-sogambe-gakabo we-napneggi aisakis-bukwadse nued-sogeye an sogsiid.

Judas 1:1

Judas, Jesucristo-e-mai, degine, Santiago-e-urba, bemarse garda narmaksiid, bemar gollesmaladse, Bab-Dummad-anmar-Babga-gumaidgi gwage-swilidik-gunonimaladse, degine, Jesucristogi-akanaid-ular anmar-egi-sabolenonimaladse.