Lucas 9:56 - Bab dummad Jesucristoba igar mesisad garda

⁵⁶ Ar ani Dule-Machi, nonigua, dulemar-san-burba-oyogguegala an nonisulid, an nonikid, dulemar-san-burba-abonogegar. Geb degi Jesús na e-sapinganmala neggwebur-baidse nadmarsunnad.

Kuna San Blas

⁵⁶ Ar ani Dule-Machi, nonigua, dulemar-san-burba-obelogega an nonisulid. An nonikid, dulemar-san-burba-abonogegar. Geb degi, Jesús na e-sapinganmala neggwebur-baidse nadmarsunnad.

Lucas 9:56 Iomraidhean Croise

Romanos 12:21

Ibmar-iskana mer begi nakwed be sae, ibmar-nued-saedgi ibmar-iskanagi nakwed be imake.

Mateo 20:28

“Ar ani Dule-Machi, we-napnegse an nonigu, mai-nikuega an nonisulid, maiyob dulemar-bendakega an nonikid, degine, an na-san-burba-ukegar, adi dule-iskudimalad-anar an burgwegar.”

Juan 3:17

Ar Bab Dummad we-napnegse na E-Machi-barmiargu, dulemar-we-napneggi-bukmalad sabsur-odurdakega barmiarsulid. Na E-Machi-barmialid, adi dulemar-we-napneggi-bukmalad na E-Machigi abonolemalagar.

Juan 10:10

“Dule-atursaed danikile, sibad-wawaad-atursaegalad, oburgwegalad, degine, osulogega unnila nonidamalad. Andi an nonigua, burba-dula-gudigued ukega an nonikid, degine, bela ulubgi yeer-itodii guegar.

Lucas 19:10

Ar ade, ani Dule-Machi, dulemar-yoggusmalad amiega, degi, dulemar-iskuedgi-abonogega an nonikid.

Mateo 18:10

Jesús sogdebar: “Nue be salakarmar, mer ibgwensur we-burwigana be dakmalo, ar napira an bemarga soged, ar nibneggi e-angermar an-Bab-nibneggi-maid-walik gudigumalad.

1 Timoteo 1:15

We gaya-burba-napiragwadid, bela dulemar bensulidgi abingae-wilubbid: “Cristo-Jesús we-napnegse nonikid, bela dulemar-iskudimalad-abonogegar.” Ar an bur-bule dulemarba iskusad-duled.

Juan 12:47

“Ar dule an-gaya-burba-itogedi, ar aba dasulile, ani an sogosulid, be dummad-nosye. Ar we-napnegse an nonigua, dulemarga sogega an nonisulid, be nue iskusmarye. Ar an nonikidi, dulemar-abonogegalad.

Lucas 23:34

Degi Jesús sogded: —Bab Dummad, wemar iskunaisuliyob be dakoed, ar wichurmalad ibu imaknanai. Degi, suar-ibgan Jesús-morgi dodoarmalad, wilubdaknai-guarmalad, igid-mor emargadga guo-dibeye. A-sorba Jesús-mor mimmismarsunnad.

Lucas 22:51

Geb degi Jesús ega sogded: —Mer ese be bar achae. ¡Be indake! Jesús dule-uaya ebusgu, dule-onudaksad.

Mateo 5:39

Ar andi an sogdo: Dule-iskana-abin mer be gwisgu. Bur be imakdo, dule-wargwen be-wagar-nuedsikid bei bibyosale, baid-wagar ega be oyobardo.

Lucas 9:55

Geb degi Jesús amar-warbogwadsik atakdegu, amarga sabsur ibmar sogded: —Ar bemar na be wichurmardo igi-daed-burba be nikmala.

Lucas 9:57

Jesús na e-sapinganmala nadgua, dule-wargwen igarba ega sokalid: —Dummad, ar bia be naoe, an beba naiguoed.

Mateo 18:11

Ar ani, Dule-Machi, an nonigu, dulemar-yoggus-gudimalad abonogega an nonikid.