Lucas 9:20 - Bab dummad Jesucristoba igar mesisad garda

²⁰ Jesús na e-sapinganga sogded: —¿Bemardina, doaye annik sogmarmosunna? Geb degi Pedro, Jesús-abin sogded: —Be Cristo, Bab-Dummad-dule-wargwen-barmidagoye-sogsad-duled.

Kuna San Blas

²⁰ Jesús na e-sapinganga sogded: —Bemardina, ¿doaye an-annik sogmarmosunna? Geb degi, Pedro, Jesús-abin sogded: —Be Cristo, Bab-Dummad-dule-wargwen-barmidagoye-sogsad-dule.

Lucas 9:20 Iomraidhean Croise

Mateo 22:42

ega sogded: —¿Cristogi bemar igi binsamarsunna? ¿Wede Cristo doa-wagwa-sunna? Abin-sogdemar: —Rey-David-wagwa.

Mateo 26:63

Ar Jesúsdi bipisaar gwen abin-imaksasulid. Geb degi dule-irwa-Bab-Dummadse-gormalad-bur-dummad ega sogdesun: —Bab-Dummad-Dula-Maid-nuggi an bega soged, anmarga be soge, ¿ar be Cristo, Bab-Dummad-Machi-sunnadi?

Mateo 5:47

¿Ar be-gwenadganbi ega be soger, ‘Be nued sogeye,’ ar ibu baiganba bur-nued be imakmarsunna? Bur-nued be imaksuli. ¿Ar deyob dulemar-Bab-Dummad-wichurmalad imakmosursi? Eye, deyob imakmarmoga.

Marcos 14:61

Jesús bipisaar gwen abin-imaksasulid, degi, gwen akar sogsasurbalid. Dule-irwa-Bab-Dummadse-gormalad-bur-dummad Jesússe-ibmar-egichided, gannar ega sogded: —¿Ar be Cristo, Bab-Dummad-Bur-Odummolediid E-Machi-sunnadi?

Marcos 8:29

Jesús na e-sapinganga sogded: —¿Bemardina, doaye an-nik sogmarmosunna? Pedro, Jesús-abin sogded: —Be Mesías. (A sogleged, Bab Dummad epenne dule-wargwen barmidagoye-sogsad-duleye.)

Lucas 22:67

—¿Be Cristo, Bab-Dummad-dule-wargwen-barmidagoye-sogsad-dule? Be anmarga soge. Jesús, amar-abin sogded: —Ar an bemarga sogdele, be an-itossurmalaled.

Lucas 9:19

E-sapingan, abin-sogdemalad: —Gwenna-gwenna Juan-Bautistaye benik sogmalad. Baigandi sogmalad, be Bab-Dummad-gaya-burba-berbeged, Elías-nugadye. Agi baigan sogmarbalid, be Bab-Dummad-gaya-burba-berbeged-wargwen-epenne-gudigusad, gannar durgusye.

Juan 1:41

Andrésde e-ia-Simón-inse aminaded. Simón-amisgu, ega sogded: —Anmar Mesías-amismalad. (Mesías sogleged, Cristo.)

Juan 1:49

Natanael Jesúsga sogdesun: —Rabí, be Bab-Dummad-Machi, Israel-e-Rey-sunnadid, a-ular be an-wisid.

Juan 11:27

Marta, Jesús-abin sogded: —Dummad, eye, an bensuli, be Cristo, Bab-Dummad-Machi, we-napnegse be danikoye be sogles-gusadid.

Juan 20:31

Ar wemardi narmaklesad, adi bemar mer bengumalagar, we-Jesús, Bab-Dummad-dule-wargwen-barmidagoye-sogsad-dule-sunnadid, degine, we-Jesús, Bab-Dummad-Machi-sunnadbalid, adi bemar Jesúsgi-bensulidba burba-geg-bergued egi nikumalagar.

Juan 4:29

—Be dagmar, dule-wargwen bela-an-ibmar-imaksad-anga-sogsad be dakdamar, ¿abakalegi we-dule Cristo-sua?

Juan 4:42

A-ulale omega sokarmalad: —Anmar-Jesúsgi-bensulidi unnila be anmarga ibmar sogedginsulid. Ar anmar-sunnad itosmarmogad. Anmar nue-wisid, we-dule napneggi dule-iskubukmalad-abonoged-sunnadid, we-dule Bab-Dummad-dule-wargwen-barmiledagoye-sogsad-duled.

Juan 7:41

Baigandi sogmalad: —We, Cristo, Bab-Dummad-dule-wargwen-barmidagoye-sogsad-dule-sunnadid. Degine, baiganmo sogmarmogad: —¿Ar ade Galileagi Cristode danikosi? Suli, agi daniko suli.

Gusmalad 17:3

Amarga Bab-Jesús-igar nue osanalodii-gusad, igi Cristogi Bab Dummad epenne sogsa-gusa, yoedse dule-wargwen an bega barmidagoye. A-dulegi bato Bab-Dummad-Gardagi sognaid: “We Cristo nue-wileger-gebed, degi, burgwisad-sorba gannar durgubalir-gebed, ar bato deyob ega igar maid.” Degi, Pablo emarga sogdii-guarbalid: “We-Jesúsgi an bega sunmakedi, we Cristo-sunnaddo.”

Gusmalad 8:36

Degi, igarba nadapmargu, dii-nai dakarmalad. Agi Etiopía-dule Felipega sogdesun: —Dii be dake. Degisoggu, ¿Bab-Jesús-digi-ogleged-igargi geg an oglege?

Gusmalad 9:22

Ar Saulodi aka-bur-bule Bab-Jesús-igargi sunmakdigualid, nue-ise-oyodiguarsunnad, Jesús, we Cristo-sunnadye, Bab-Dummad-dule-wargwen-barmidagoye-sogsad-duleye. Degisoggu, Damascogi Judiomar-bukwadi geg Pablo-abin imakgusmarsunnad.

1 Juan 5:1

Ar bela-dulemar-bensurmalad, we-Jesús, Bab-Dummad-dule-wargwen-barmidagoye-sogsad-duleye, we-a-dulemar Bab Dummadgi burbar gwalulesmalad. Ar dulemar bela Bab-Dummad-sabmalad, Bab-Dummad-mimmigan-sabgubaloed.