Lucas 5:32 - Bab dummad Jesucristoba igar mesisad garda

³² Deyobi, ar we-napnegse an nonigu, dulemar-nuegan-na-iskudisur-itomaladse golega an nonisulid. An nonikidi, dulemar-iskudii-na-itomaladse golega, adi na e-iskuedga bukib binsamalagar, mer bar iskumalagar.

Kuna San Blas

³² Dule-innikii-nanadimaladse-golega an nonisulid. Dule-isgudimaladse-golega, an nonikid. Adi, na e-isguedga bukib binsamalagar, mer bar isgumalagar.

Lucas 5:32 Iomraidhean Croise

Mateo 18:10

Jesús sogdebar: “Nue be salakarmar, mer ibgwensur we-burwigana be dakmalo, ar napira an bemarga soged, ar nibneggi e-angermar an-Bab-nibneggi-maid-walik gudigumalad.

Mateo 9:13

Degisoggu, be namar, be durdaknamar, Bab Dummad igi soge na E-Gardagi: Nue wile emar-daked bur an abeged, anga ibmar-gummakar ukedba. Os. 6:6 Ar we-napnegse an nonigu, dulemar-nuegan, na iskudisur-itomaladse golega an nonisulid. An nonikidi, dulemar-iskudii-na-itomaladse golega, adi na e-iskuedga ulubgi bukib binsamalagar, mer bar iskumalagar.

Marcos 15:10

Ar ade Pilato wisid, dule-irwa-Bab-Dummadse-gormalad-e-dummagan binsa Jesúsgi-nobmaladbali ega uksamalad.

Marcos 15:7

Agine, dule-wargwen, Barrabás-nugadi, e-sordamarmala eskaryagi deun mellesii-gusad. Ar ade amar Roma-dulemargi gwisgusmargu, neg-oimakdii dulemar-oburgwis-gusmalad.

Marcos 2:17

Jesús, deyob Fariseomar soge itosgu, ega sogded: —Dulemar-gegusurmalad ina-duled-abesulid, unnila dulemar-gegumaladbi ina-duled-abe damalad. Deyobi, we-napnegse an nonigu, dulemar-nuegan na iskudisur-itomaladse golega an nonisulid, an nonikidi, dulemar iskudii-na-itomaladse golega.

Lucas 15:10

“Ar deyob an bemarga sogmardo, Bab-Dummad-angermar, ber weligwar ito-damalad dule-wargwen na e-iskudiidga bukib binsasar, nugunonikir.”

Lucas 15:7

“Degisoggu, an bega sogmar, ar nibneggi bur-bule we werguedba wergumaloed, dule-iskudiid-wargwen na e-iskuedga bukib binsasar, gwagnonikir, we dulabake-gakambe-gakabakebak-nuegan gudiid, na e-iskuedga gwen bukib binsabi abedisurmaladga.”

Lucas 19:10

Ar ade, ani Dule-Machi, dulemar-yoggusmalad amiega, degi, dulemar-iskuedgi-abonogega an nonikid.

Lucas 24:47

Degine, bela we-napneggi neggweburmar-nanaidgi Cristo-nuggi sunmakleger-gebed, dulemar na e-iskuedga bukib itoged, adi e-daed ogwamalagar, degi, Bab Dummad dulemarga iskued elinoni-daed igargi. We-igargan-sunmakleged Jerusalén-akar onodoed.

Lucas 5:31

Jesús, abin-imakdegu, sogded: —Dulemar-gegusurmalad ina-duled abesulid, unnila dulemar-gegumaladbi ina-duled abe-damalad.

Lucas 5:33

Geb degi dulemar Jesúsga sokarmalad: —Juan-sapingan imbagwenar mas-gunsuli gudidamalad Bab Dummadse golegar. Amba deyob Fariseo-sapingan gudidamarmogad. ¿Ibiga be-sapingandi geg deyob damala? Be-sapingandi mas gundii, degi, gobdii-damalad.

Gusmalad 17:30

Epennedi, Bab Dummad dulemar-ibmar-wichurgudigusad basur-dakeyob gusad. Emigindi, bela dulemarga soged: ‘Na be-iskudimaladga be bukib binsamarye, na be-daed ogwamarsunye.’

Gusmalad 2:38

Pedro, abin-imakded: —Be-iskudiidga na be wargwen-wargwen bukib binsamar, degi, egi be bangumar, geb degi Bab Dummadse be dagmar, degi, Bab-Dummad-digi-ogleged-igar be Jesucristo-nuggi imakmarsun, adi Bab Dummad be-iskudiid bemarga eliegar, geb adi E-Burba-Nued bemarga ukegar.

Gusmalad 20:21

Judiomarga, degi, Judiosurmaladga an sogdii nanasad, be-damaladi na bemar Bab-Dummad-asabin ogwae-wilubmarye, degi, Dummad-Jesucristogi bensuli be gue-wilubmarye.

Gusmalad 3:19

Degisoggu, be-iskudiidga, ulubgi na be bukib binsamar, be-daed be ogwamarsun, Bab Dummadse gannar be dagmarsun, be-iskudiid bega osulogegar, adi Bab Dummad bemar-weligwar-imakedgi bemarga gwage-bogidikid ukegar.

Gusmalad 3:26

Degisoggu, Bab Dummad na E-Machi-burgwar-maid odulosad-sorba, bemarse-inse barminonisunnad, adi ib-nuedga bemarga guegar, mer iskuedgi bemar bar nanaegar.”

Gusmalad 5:31

“Bab Dummad a-Jesús-nug odummosad, e-argan-nuedsik sisad, dulemar-idugegar, degi, dulemar-abonogegar, adi bela Israel-dulemar nabir e-iskudiidga bukib binsamalagar, e-daed ogwamalagar, degi, adi e-iskudiid Bab Dummad ega osulogegar.

2 Pedro 3:9

Bab Dummad na ibmar-saoye-sogsad imakbisurye soglesulid, ar gwenna-gwenna bemar binsamaladyob. Bab Dummad ibmar-imaked binnasdikii imaked, ar ade dule-wargwensaar mer-yogguena-gadinye binsamaid, bela e-iskuedga bukib-binsamalana-gadinye, adi gwagegar, adi amar bela abonolemalagar.