Lucas 5:24 - Bab dummad Jesucristoba igar mesisad garda

²⁴ Degisoggu, ani Dule-Machi, dule-bonigwaled an nudakoed, adi bemar wisguegar, igi dule-bonigwaled sunna an nudake, debayobi we-napneggi dule-gwage-iskunaid sunna an nudakbalid. Jesús dule-abgan-burgwar-nikadga sogdesun: —Ani an bega soged, be gwisgu, be-egi-maid na be sede, be-negse na be nasun.

Kuna San Blas

²⁴ Degisoggu, ani Dule-Machi, dule-bonigwaled an nudakoed, adi, bemar wisguegar, igi dule-bonigwaled an sunna nudake, debayobi, we-napneggi dule-gwage-isgunaid sunna an nudakbalid. Jesús dule-abagan-burgwar-nikadga sogdesun: —Ani an bega soged: Be gwisgu, be-egi-maid na be sede, be-negse be nae.

Lucas 5:24 Iomraidhean Croise

Mateo 16:13

Jesús Cesarea-de-Filipos-yarse nonigu, agi e-sapinganse egichialid, ega sogded: —¿Ani Dule-Machi, wede doaye an-nik dulemar sogmala?

Mateo 25:31

Jesús sogded: “Ani Dule-Machi, na an-ganguedgi-danikoed-ibagi, bela an-angermar-gwage-swilidikmalad-abargi, geb degi an ologangi an-yeer-daklegedgi signonikoed, dulemarga igar-itogegar.

Mateo 26:64

Jesús, abin-sogde: —Ar bede soged. A-uki an bega sogbalid, emigi ani Dule-Machi, Bab-Dummad-bela-gangued-nikad-e-argan-nuedsik dule-dummadga an sii be an-dakmaloed, degine, nibneggi mogir-imbaba daniki be an-dakmarbaloed.

Mateo 28:18

Jesús na e-sapingan-walik gunonigu, amarga sogded: —We-napneggi neg-dakega degine, nibneg dakega Bab Dummad bela igar anga uksad.

Mateo 4:24

Jesús dulemar-nudakdiidba, bela Siria-yalase e-nug dunguded. A-ular dulemar bela ibmar-naibi-itodimalad, galagwensuli-gegudimalad, abgan-nunmakdimalad, niasamalad, suu-itodimalad, abgan-burgwarmalad, Jesússe senonimalad. Bela Jesús amar-nudaksad.

Mateo 9:6

Degisoggu, ani Dule-Machi, dule-bonigwaled an nudakoed, adi bemar wisguegar, igi dule-bonigwaled sunna an nudake, debayobi we-napneggi dule-gwage-iskunaid sunna nudaked an nikbalid. Degi Jesús dule-abgan-burgwar-nikadga sogdesun: —Be gwisgu, be-egi-maid na be sede, be-negse na be nasun.

Lucas 5:13

Geb degi Jesús e-argan ese achadgu, dule-ebusad, geb degi ega sogded: —Nugubi an be-abe. ¡Be nugusun! Degi, dule-boni-nikadi yog nuguar naded.

Lucas 5:18

Degi daklealid, machergan e-ai-wargwen abgan-burgwar-nikad e-gabedgi-mai sedanimar. Amar Jesús-siidse neg-yaba e-ai-odobimalad, adi Jesús-asabin mesmalagar, ega nudakegar.

Lucas 5:23

An dule-bonigwaledga sog-dibe: ‘¡Be-iskunaid an bega osulos!’ Ar igi an sogbarsun-dibe: ‘¡Be nugu, be gwisgu, be nae!’ Degite, ¿igid bur-baisursunna imaklesunna? Suli, ebobela baisursunna imaklesuli.

Lucas 7:14

Jesús dule-burgwar-maid e-ulu-semamaidse warmakdapgu, gwisgusmalad. Geb degi Jesús a-ulu ebusgu, sogded: —Sapingwa, an bega soge, be gwisgu.

Lucas 8:54

Ar Jesúsdi, bunolo argangi gasgua, binnasur sogded: —Bunolo, be gwisgu.

Juan 11:43

Jesús degi-sogsad-sorbali, binnasur goted: —¡Lázaro, magaba be nodage!

Juan 17:2

Ar bela dulemar-dakega Be-Machiga gangued ega be uksasoggu, adi bela dulemar-ega-be-uksad amarga burba-geg-bergued ega ukegar.

Juan 3:13

“Dule nibnegse gwen nakwissulid, unnila Dule-Machibi nibneggi-mai aidenonikid.

Juan 5:27

Deginbali, ar ade Dule-Machisoggu, amba ega igar-uksabalid, dulemarga igar-itogegar.

Gusmalad 14:10

Degisoggu, aga Pablo binnasur sogdesunnad: “Be-naggi be gwisguden.” Dule gwisgus imasgu, yog ichomakar, degi, yog nanaar-naded.

Gusmalad 5:31

“Bab Dummad a-Jesús-nug odummosad, e-argan-nuedsik sisad, dulemar-idugegar, degi, dulemar-abonogegar, adi bela Israel-dulemar nabir e-iskudiidga bukib binsamalagar, e-daed ogwamalagar, degi, adi e-iskudiid Bab Dummad ega osulogegar.

Gusmalad 9:34

Pedro Eneasga sogdesun: “Eneas, Jesucristo be-nudakoed. Be gwisgu, be-maid na be nudake, be nae.” Agi Eneas nugusgu, yog gwisguar imaksad.

Gusmalad 9:40

A-sorba Pedro bela dulemar-onosgua, yokorgi sindigar sigisgu, Bab Dummadse goted. Pedro ome-burgwar-maid-sik dakdegu, ega sogded: “Tabita, gwisgu.” Degi a-ome ibya egad, agi Pedro-dakargu, sigiis imaksad.

Apocalipsis 1:13

We gwallu-gaed-sied-gwagugled-abargi, Dule-Machi-sunnaa gwichi, mola-suid naga-dukuse-yoi an daksad, degine, sadergi-nagued binasgargi olo-sunnabi-nai an daksabalid.