Lucas 24:44 - Bab dummad Jesucristoba igar mesisad garda

⁴⁴ Jesús amarga sogded: —Ar bela-angi-gusad we-ibmarmargi an bemarga bato sunmaksamalad, deun amba an bemar-abargi gudigu. Ar bela angi narmakar-naidba guer-gebed, igi Moisés-igargi, degi, Bab-Dummad-gaya-burba-berbemalad-narmaksamalad, degi, Salmosgi narmakar-naidba bela angi deyob guer-gebed.

Kuna San Blas

⁴⁴ Jesús amarga sogded: —Amba an bemar-abargi gudigu, bemarga bato weyob an sogsad: ‘Moisés-Igargi-Angi-Narmakar-Maidi, bela angi guergebye. Degi, Bab-gayaburba-barsogmalad-angi-narmaksamaladba, degine, Salmosʼgi angi-narmakar-maidba bela angi guergebye an bemarga sogsamalad.’

Lucas 24:44 Iomraidhean Croise

Mateo 1:22

Ar José, degi, Maríaga weyob bela ibmar-gusadi, deyob gusdo, adi Bab Dummad, na E-gaya-burba-berbegedba, na ibmar-sogsadba guegar, deun sogsa-gusgu:

Mateo 16:21

A-iba-onodedgi Jesús na e-sapinganga e-burgoedgine sunmakded, ede Jerusalénse naer-gebye, Judiomar-girmar-dummaganse nue odurdaklegoye, dule-irwa-Bab-Dummadse-gormalad-e-dummaganse nue wilegoye, degine, escribamarse wilebaloye, ede amarse oburgwilegoye, geb degi ede ibapaagi gannar durguoye.

Mateo 26:54

Ar deyob gusale, ¿degite, igi Bab-Dummad-Gardagi narmakar-naidba bar gusarsunna? Ar a-Gardagi sognaid, an burgwer-gebye.

Mateo 26:56

Emigindi ar igar-maidbali, adi Bab-Dummad-Gardagi narmakar Bab-Dummad-gaya-burba-berbemalad-narmaksadba guegala deyob gunonikid. Degi Jesús-sapingan Jesús wargwen mete, e-idu bela duurmakdemarsun.

Marcos 9:31

Ade e-sapingan-odurdakdiid, ega sogdiid: —Ani Dule-Machi, dulemarse uklegoed, degi, dulemar an-oburgwemaloed, geb an-burgwisad-sorbali ibapaagi gannar an durguoed.

Lucas 21:22

“Ar a-ibagangine dulemar-sabsur-odurdaklegoedba nunmaked-dummad guoed. Ar deyob guoed, adi bela Bab-Dummad-Gardagi-narmakar-naidba guegar.

Lucas 22:37

Ar an bemarga sogmalad, ar angi Bab-Dummad-Gardagi narmakar naid, amba a-sogedba guer-gebed, sognaid: Dulemar iskudimaladyob imaklesmoye. Is. 53:12 Jesús sogdebalid: —Ar weyob angi narmakar naid, ayob guer-gebed.

Lucas 24:46

Jesús amarga sogded: “Weyob-narmakar-naid, a-narmakar-naidba Cristo-wileger-gebed, degi, burgwar-mai ibapaagwad-sorba gannar durguer-gebed.

Lucas 9:22

Degi Jesús sogdebar: —Ani Dule-Machi, nue-wileger-gebed. Judiomar-girmar-dummagan, dule-irwa-Bab-Dummadse-gormalad-e-dummagan, degine, escribamar, amar gwen an-abingaosurmalad, an-oburgwemaloed. Geb degine, ibapaagi gannar an durgubaloed.

Lucas 9:44

—Ar nue be itomar we an-ibmar-sogoed, mer ieged be imakmalo, ar ade ani Dule-Machi, dulemarse uklegoed, an-oburgwemalagar.

Juan 3:14

“Igi Moisés nega-dule-sulidganba naibe-onakwis-gusa, debayobi, ani Dule-Machi, nakrusgi niba onailemogar-gebed.

Juan 5:39

Bab-Dummad-Garda-narmakar-naid nue be baramimar, ar agi burba-geg-bergued baramilesiye be sogmalad. Ar a-Gardagi angi sunmaknaid, an doa-dule gue.

Juan 5:46

Ar Moisés-ibmar-sogsad be bengusurmalana, be an-bensurmalando, ar Moisés-ibmar-narmaksad angi narmaksad.

Gusmalad 13:33

Ar anmar e-wagan gusoggu, anmarga Bab Dummad we-Jesús-burgwar-maid na odulononikid, ar igi bato narmakar Salmo-bogwadgi nai: Be An-Machi-sunnad, emi-ibagi an bega oyonaid, an be-Bab-sunnad guye. Sal. 2:7

Gusmalad 13:40

Degisoggu nue salakarmar, abakalegi Bab-Dummad-gaya-burba-berbemalad-narmaksad bemar-nik we sogele, deun sogsa-gusgu:

Gusmalad 2:27

Aga uangi an-san-burba gwen be oyogsaosulid, ar be-mai-gwage-swilidikid-e-san gwen uangi onunsaega be imakosulid.

Gusmalad 3:18

We degi-gusad, ar Bab Dummad bato idu anmarga E-gaya-burba-berbemaladba, sogsa-gusad, an-Machi-Cristo nue wilegoye. Agala deyob gusad.

Gusmalad 7:37

“Amba we-Moisés-sunnad Israel-dulemarga sogsa-gusad: Igi bemar-abargi Bab Dummad an-susa, deyob bemar-abargi Bab Dummad E-gaya-burba-berbeged na subaloed. Igi bemarga sogdagoe, a-dule nue be itomalo. Dt. 18:15

Hebreos 10:1

Ar Moisés-igar-mesisad unnila ibmar-nuegan-danikoed e-burbagan gued, ibmar-nuegan-danikoed-sunnadsulid. Degisoggu, a-ulale, dulemar ibmar-dula birga-irba uklegedgi Bab-Dummadse-warmakmalad geg nuedga nue imaked.

Hebreos 3:5

Moisés, Bab-Dummad-e-mai, gwen galakussuli Bab-Dummad-neg-yagi arbadii-gusad, adi yoedse Bab-Dummad-ibmar-sogoed e-wilubganga guegar.

Hebreos 7:1

Ar we-Melquisedec, neggwebur-Salem-nugad-e-rey, dule-irwa-Bab-Dummad-Bur-Dummadidse-goled-duled. Abraham reymar-baid-ebo urwediidgi nakwis danigua, we-Melquisedec Abraham-abin-node-gusad, geb agi ega sogsad: “Bab Dummad nued begi binsaena-gadinye.”

Hebreos 9:8

We anmarga Bab Dummad Burba Nued oyonaisundo, Bab-Dummadse-goled-neg-gebed amba ebule siile, Nega-Nued-Ise-Islidikid-naidse amba yo ase dulemar dogegala igar-mayileye.

1 Pedro 1:11

Bab-Dummad-gaya-burba-berbemalad, amididii-gusmalad, wede doa-dule, degine, sana wede deyob gubaloe, deun amar Cristo-Burba-Nued na egi naimaladba, a ega iduar sognai-gusad, wede igi Cristo naibi-itogoe, degine, a-sorbali igi Cristo-nug odummolebaloe.

Apocalipsis 19:10

Anger-nag-naba yokorgi sindigar an sigided, Bab Dummadyob e-nug-odummogegar. A-anger anga sogded: “Nue salakar. Mer yokorgi an-asabin sindigar be sige. Ar be-sunnaa, degine, gwenadgan-Bab-Jesúsba-nanaimalad gwen galakussurmaladyob, an Jesús-e-maimogad. Unnila Bab Dummadsebi be gole e-nug odummogegar.” Ar ade Bab-Dummad-gaya-burba-Bab-Dummad-abingasad-barsogmalad Jesúsgi iduakwaa sognoni-gusmalad, adi Jesúsgi ibmar napiragwad soglegegar.