Lucas 23:9 - Bab dummad Jesucristoba igar mesisad garda

⁹ Herodes ibmar-bukidar Jesússe egisnai-gualid, ar degite Jesús gwen Herodes-abin imaksasulid.

Kuna San Blas

⁹ Herodes, Jesúsʼse bukidar ibmar-egisnai gualid. Ar Jesúsʼdi gwen abin-imaksasulid.

Lucas 23:9 Iomraidhean Croise

Mateo 27:12

Dule-irwa-Bab-Dummadse-gormalad-e-dummagan, degi, Judiomar-girmar-dummagan ar Jesúsgi sognanai-guarmar, we, igar-iskana imakdiiye. Ar Jesúsdi gwen abin-imaksasulid.

Mateo 27:14

Ar Jesúsdi bipisaale gwen abin-imaksasulid. Degisoggu, Pilato nue-geger daksunnad, ar ibiga wede Jesús dulemar-abin imaksuli.

Mateo 7:6

“Ar ibmar-nuegan-swilidikmalad mer be achumarga ukmar, ar abakalegi degir begi aibinnalile, degine, be-san ichimakalile. Degine, morbeb-akwagiid-nuegan mer be sinmarga mimar, ar abakalegi degir egi annaarmalale.”

Marcos 15:5

Degite, Jesús bipisaale gwen abin-imaksasulid. Degisoggu, Pilato geger daksunnad, ar ibiga-wede Jesús dulemar-abin imaksuli.

Lucas 13:32

Jesús, abin-sogded: —Be namar, we-dule usyob-daedga be sognamar: ‘Be dake, an niamar-onodiid, degine, emi-ibagi an dulemar-nudakdiid, degine, bane an dulemar-nudakbaloed, geb achur an-arbaed an obelogoed.’

Lucas 23:10

Degine, dule-irwa-Bab-Dummadse-gormalad-e-dummagan, degi, escribamar Herodesga Jesúsgi binnasur sunmaknanai-guarmalad.

Juan 19:9

Geb degi Pilato e-neg-Pretorio-nugadse gannar dogdebarsunnad. Agi Jesúsga sogdesunnad: —¿Be bialidi? Ar Jesúsdi gwen abin-imaksasulid.

Gusmalad 8:32

Etiopía-dule, Bab-Dummad-Garda-narmakaled-absonadapid wegi-narmakar naido: Sibad-wawaad-oburgwilenadapile, boo nadap-daedyob, we-dulede oburgwilegedse nade-gusad. Ar igi sibad-wawaad-sapin ei e-absar ibmiarmalar wichur boe, deyobi we-dulede gwen gaya nikudsulid.

1 Pedro 2:23

Dulemar we-Cristogi istar sunmaknanai-gusgua, edi gwen dulemargi istar sunmaksasulid, dulemar e-wionanai-gusgua, edi gwen dulemar-abin-imaksasulid. Ar deyob gunai-gusgua, Bab-Dummad-igar-inikigwad-imaked, Cristo ase na bela e-igar na uksagusad, ega igar-nudakegar.