Lucas 2:11 - Bab dummad Jesucristoba igar mesisad garda

¹¹ Rey-David-gwalulesad-neggweburgi, Beléngi, emi-ibagi bemarga Cristo gwalulesad, dule-Abonoged, Dule-Dummad, Bab-Dummad-dule-wargwen-barmidagoye-sogsad-dule.

Kuna San Blas

¹¹ Rey-David-gwalulesad-neggweburgi, Belénʼgi, emi-ibagi bemarga Cristo gwalulesad. A-dule, Dule-Abonogedid, Dule-Bur-Dummadid, Bab-Dummad-dule-wargwen-barmidagoye-sogsad-duled.

Lucas 2:11 Iomraidhean Croise

Mateo 1:16

Jacob-machidi José, José, María-e-sui, geb Jesús agi gwalulesad. We-Jesús, Cristoye nugad.

Mateo 1:21

María, machi-wargwen-nikuoed, Jesúsye be onugsao, ar ade iskuedgi e-neggwebur abonogoed.”

Mateo 16:16

Simón-Pedro Jesús-abin sogde: —Be Cristo, Bab-Dummad-dule-wargwen-barmidagoye-sogsad-dule, Bab-Dummad-Dula-Maid-E-Machi-sunnad.

Mateo 16:20

Geb degi Jesús na e-sapinganga sabsur sogdesun: “Melle dulemar-baiganga bipisaar sogoye, ede Jesúsye, Cristoye, Bab-Dummad-dule-wargwen-barmidagoye-sogsad-dule-sunnadye.”

Lucas 1:43

¿Ar wede ibiga weyob angi nued binsalesa, emide, an-Dummad-e-nan anse ataknonigu?

Lucas 1:69

Bab Dummad e-mai-David-wagwa anmarga barminonikid, anmar-Abonoged gandikidba anmarga ogwisnonikid.

Lucas 2:26

Bab Dummad na E-Burba-Nuedba Simeónga sogsad: “Be burgosurye, Bab-Dummad-dule-wargwen-barmidagoye-sogsad-dule-dakedseye.”

Lucas 2:4

José, Galilea-yargi, Nazaret-neggweburgi gudiid ali-gusmogad, Judea-yarse, Rey-David-neggweburse, Belén neg-nugadse, ade José, David-e-wagwad, aga Belénse nonisundo,

Juan 1:41

Andrésde e-ia-Simón-inse aminaded. Simón-amisgu, ega sogded: —Anmar Mesías-amismalad. (Mesías sogleged, Cristo.)

Juan 1:45

Felipe, Natanael-aminad. Amisgu, ega sogde: —Moisés e-igar-mesisadgi igi narmaksa, degi, Bab-Dummad-gaya-burba-berbemalad egi narmaksamarmoga, yoedse dule-wargwen danikoye, a-dule anmar amisad. A-dule, Jesús, José-machi, Nazaretginedid.

Juan 11:27

Marta, Jesús-abin sogded: —Dummad, eye, an bensuli, be Cristo, Bab-Dummad-Machi, we-napnegse be danikoye be sogles-gusadid.

Juan 20:31

Ar wemardi narmaklesad, adi bemar mer bengumalagar, we-Jesús, Bab-Dummad-dule-wargwen-barmidagoye-sogsad-dule-sunnadid, degine, we-Jesús, Bab-Dummad-Machi-sunnadbalid, adi bemar Jesúsgi-bensulidba burba-geg-bergued egi nikumalagar.

Juan 4:25

Ome, Jesúsga sogded: —An wisi, yoedse Mesías, dule-wargwen barmiledagoye soglesad, Cristo-nugad nonikoed. A-Cristo nonikile, a anmarga bela ibmar sognonikoed.

Juan 4:42

A-ulale omega sokarmalad: —Anmar-Jesúsgi-bensulidi unnila be anmarga ibmar sogedginsulid. Ar anmar-sunnad itosmarmogad. Anmar nue-wisid, we-dule napneggi dule-iskubukmalad-abonoged-sunnadid, we-dule Bab-Dummad-dule-wargwen-barmiledagoye-sogsad-duled.

Juan 6:69

Ar anmar begi bensulid, degine, anmar wisid, be Bab-Dummad-dule-wargwen-barmidagoye-sogsad-duled, Bab-Dummad-Dula-Maid-E-Machi-sunnadid.

Juan 7:41

Baigandi sogmalad: —We, Cristo, Bab-Dummad-dule-wargwen-barmidagoye-sogsad-dule-sunnadid. Degine, baiganmo sogmarmogad: —¿Ar ade Galileagi Cristode danikosi? Suli, agi daniko suli.

Gusmalad 10:36

Ar bemar wismalad Bab Dummad gaya-burba-nued Israel-dulemarga sogsad, ‘Gwage-bogidik-itoleged Jesucristoba an bemarga ukoye.’ We-Jesucristode bela dulemar Dummadga maisunnad.

Gusmalad 13:23

“Bab Dummad bato iduar igar-mesisadba guegala we-dad-Davidgi Israel-dulemar-abonoged ogwisnonikid. We-dulede Jesúsye-nugad.

Gusmalad 17:3

Amarga Bab-Jesús-igar nue osanalodii-gusad, igi Cristogi Bab Dummad epenne sogsa-gusa, yoedse dule-wargwen an bega barmidagoye. A-dulegi bato Bab-Dummad-Gardagi sognaid: “We Cristo nue-wileger-gebed, degi, burgwisad-sorba gannar durgubalir-gebed, ar bato deyob ega igar maid.” Degi, Pablo emarga sogdii-guarbalid: “We-Jesúsgi an bega sunmakedi, we Cristo-sunnaddo.”

Gusmalad 2:36

“Degisoggu, bela bemar-Israel-dorgan, nue itomarsun, napira an bemarga sogmalad, we Jesús bemar nakrusgine-oburgwismaladi, a-Jesús-sunnadi Bab Dummad Dule-Dummadga imaksad, degi, Cristoga imaksabalid.”

Gusmalad 5:31

“Bab Dummad a-Jesús-nug odummosad, e-argan-nuedsik sisad, dulemar-idugegar, degi, dulemar-abonogegar, adi bela Israel-dulemar nabir e-iskudiidga bukib binsamalagar, e-daed ogwamalagar, degi, adi e-iskudiid Bab Dummad ega osulogegar.

1 Corintios 15:47

Dule gebe-we-napneggined-aideged, unnila we-napnegginedid. Dule sorba-nonimogad, we Bab-Jesús, wedi nibnegginedid.

Filipenses 2:11

degine, belagwapa sogmalagar, Jesucristo bur-Dule-Dummad-sunnadye. Agine, Bab-Dummad-nug odummoledii-guoed.

Filipenses 3:8

Ar napiragwad, ibmar-belagwapa ibmar-iskanayob an daknonikid, ar an-Dummad, Cristo-Jesús bur-yeer an daked-ular. Ar an Cristo-Jesús-sabed-ular bela we-ibmar an indaksad, ar we binsa ibmar-iskana-milegedyob an daksad, adi an Cristo bur nue baramiegar.

Colosenses 2:6

Degisoggu, ar igi bemar Bab-Jesucristo be-Dummadga be abingasmala, amba deyob bemar egi-akani gudigue-wilubmarbardo.

1 Juan 4:14

Ar anmar-sunnad an daksamalad, degisoggu, anmar sogsundo, Bab na E-Machi, we-napneg-Abonoged, a na we-napnegse barmiarye.

1 Juan 5:1

Ar bela-dulemar-bensurmalad, we-Jesús, Bab-Dummad-dule-wargwen-barmidagoye-sogsad-duleye, we-a-dulemar Bab Dummadgi burbar gwalulesmalad. Ar dulemar bela Bab-Dummad-sabmalad, Bab-Dummad-mimmigan-sabgubaloed.