Lucas 13:15 - Bab dummad Jesucristoba igar mesisad garda

¹⁵ Geb degi Dummad-Jesús, abin-sogded: —¡Be wagar-darbo-daed! ¿Ar bemar belagwapa obunnoged-ibagi be-moli-bebe-nikad, degi, moli-uaya-suid e-gabedgi be esikdisurmarsi, sedega, digi ogobnaegar?

Kuna San Blas

¹⁵ Geb degi, Dummad-Jesús, abin-sogded: —¡Be yogasaar-darba-sunmakedid! Ar bemar belagwapa obunnoged-ibagi be-moli-bebe-nikad, degi, moli-uayasuid-sedega, diigi-ogobnaega, ¿e-gabedgi be esikdisurmarsi?

Lucas 13:15 Iomraidhean Croise

Mateo 15:14

Mer geger be Fariseomar-dakmala, ar ibya-suliyob gudidimalad, amar aku-atakmalad-iduedmalad. Ar dule-ibya-sulid, dule-ibya-sulid-idumaile, ebobela neg-gullu-dummadgi argwanmaloed.

Mateo 15:7

¡Bemar wagar-darbo-damalad! Ar nabir Isaías, Bab-Dummad-gaya-burba-berbeged, epenne bemar-nik sogsa-gusad, deun Bab Dummad sogye sogsa-gusgu:

Mateo 23:13

“¡Ar bemardi, escribamar, Fariseomar na be dule-wilesmar, wagar-darbo be damalad! Ar bemar Bab-Dummad-neg-dakmaidse dulemar-dogbimalad-idu yawagak be edidimalad, ar bemar ase dogsurmalad, degine, dulemar-ase-dogbimalad gwen dogega be imaksurmalad.

Mateo 23:28

Ar bemar amba deyobmarmodo, askindi ar nue be baiganse oyomardo bemar igar-maidba-inikii-ibmar-imakmalad-dulemarye, ar bemar ulubgindi wagar-darbo be damardo, ulubgi galagwensulid bukidar be sedimardo.

Mateo 7:5

“¡Ar bemar wagar-darbomalad! Suar be-ibya-yaba maid-insa be onoge, geb agi nabir be atakoed, be-gwenad-ibya-yaba durgan-maid onogegar.

Lucas 12:1

Aka-degidgine dulemar-bukidar mili-miliba Jesússe nonimalad, na bar mesnana guarmalad, degidgine, Jesús na e-sapingan-insega ega sokalid: “Nue salakarmar, Fariseomar-madubur-inagi, ar amar wagar-darbo-damalad.

Lucas 14:5

Geb degi Jesús Fariseomarga sogded: —¿Ar doa bemar be-moli-uaya-suid, igi, moli-bebe-nikad-dibe, bei dia-yagi argwachar, ar obunnoged-iba-inigwele, yog onoar be imaksasulir be insae? Be onosmalale.

Lucas 6:42

“¿Ar igi be-gwenadga be sogoe: ‘Be-ibya-yaba-durgan-maid an bega onogweloye.’ Ar be-ibya-yaba suar-maiddina? ¡Bemar wagar-darbomalad! Suar be-ibya-yaba-maid-insa be onoge, geb agi nabir be atakoed, be-gwenad-ibya-yaba-durgan-maid onogegar.”

Lucas 7:13

Agi Dummad-Jesús dakargu, a-mukwa nue wile dakded, ega sogded: —Mer be boe.

Lucas 7:19

Dummad-Jesússe barmisad, adi ese egisegar: —Ar epenne Bab-Dummad-sogsad dule-wargwen-an-bemarga-barmidagoye, ¿ar be a-dule, igi, anmar dule-baid amba edarbemaloe?