Lucas 10:40 - Bab dummad Jesucristoba igar mesisad garda

⁴⁰ Ar Martadi ibmar-saedginbi binsanaisoggu, obir-obir gunaisunnad. Marta Jesúsga sogded: —Dummad, ¿emi be baisur dake, an-urba wargwen arbaega an-imaknaigu? Degisoggu, ega be soge, wis an-bendakye.

Kuna San Blas

⁴⁰ Ar Martaʼdi ibmar-saedginbi binsanaisoggu, obir-obir gunaid. Marta, Jesúsʼga sogded: —Dummad, an-urba wargwen arbaega-an-imaknaid ¿be baisur dake? Ega be soge, wis an-bendakye.

Lucas 10:40 Iomraidhean Croise

Mateo 14:15

Bato neg-sedodgu, e-sapingana Jesússe warmaknonimalad, ega sogdemalad: —Emi anmar nega-dule-sulidgangi bukmalad, degine, bato neg-sedodbalid. Degisoggu, dulemar be barmid, adi neggweburmarse namalagar, adi agi mas-gunned na bakmaloed.

Mateo 16:22

Pedro, deyob-Jesús-sogsad itosgu, bachik Jesús-sesad, Jesúsga sabsur ibmar sogded: —Dummad, na be dukin wile na be dake, ar bela we-ibmar-be-sogsadi mer deyob bega guena-gadin.

Marcos 3:21

E-gwenadgan wisguarmargu, Jesús-sedega armalad, ar ade sogmalad, wis dargwen-ito an dakye.

Lucas 10:38

Jesús na e-sapinganmala igarba nadapgu, neggwebur-gwensakse dogdapid. A-neggweburgi ome-wargwen, Marta-nugad, na e-neggi Jesús-abingasad.

Lucas 10:41

Jesús, abin-imakdegu, sogded: —Marta, Marta, surbinsa be itonaid, degi, obir-obir be itonaid ibmar-yaisur-saedba.

Lucas 12:29

“Ar degisoggu, mer be bukib binsamar, ibu an gunno-dibeye, igi, ibu an gobo-dibeye. Eye, degine mer surbinsa be itomar.

Lucas 9:55

Geb degi Jesús amar-warbogwadsik atakdegu, amarga sabsur ibmar sogded: —Ar bemar na be wichurmardo igi-daed-burba be nikmala.

Juan 11:1

Dule-wargwen Lázaro-nugadi, Betaniagined, deun uelemaid. We-Betania-neggweburde María, degine, e-ior-Marta e-neggweburmogad.

Juan 11:5

Dakargua, Jesús, nue Marta, e-urba, degine, Lázaro-sabed.

Juan 12:2

Agine, Jesúsga sedo mas-gunned imaksamalad. Marta deun ega mas daknai-gusad, Lázarodi Jesús-mas-gunsiidgi sii-gusmogad.

Juan 6:27

Mas-baisursunna-bergumaladga mer be arbamar. Be arbamar, mas anmarga burba-geg-bergued-uked-degi-sadeguoedga. Ar a-masdi sunna bemarga, ani Dule-Machi, an ukoed, ar agala Bab Dummad bato angi e-wilub nasiksad, we angi burba-geg-bergued nikumalagar.