Lucas 1:33 - Bab dummad Jesucristoba igar mesisad garda

³³ Degine, we-Jesús, Israel-neggwebur-neg-dakmai degi-sadeguoed, e-neg-dakmai-guoedi gwen bar berguosulid.

Kuna San Blas

³³ Degine, we-Jesús, Jacob-dulemar-negsemai degisadegu guoed. E-negsemai-guoedi gwen berguosulid.

Lucas 1:33 Iomraidhean Croise

Mateo 1:1

Jesucristo e-dadgan-siki ilekwaa-danikid e-garda. Jesucristo, David-e-wagwa, degi, Abraham-e-wagwabar.

Mateo 28:18

Jesús na e-sapingan-walik gunonigu, amarga sogded: —We-napneggi neg-dakega degine, nibneg dakega Bab Dummad bela igar anga uksad.

Lucas 1:34

Geb degi María angerga sogded: —¿Ar wede igi guosunna? Ar amba an yaagwad.

Romanos 9:6

We soglesurdo, Israel-dulemar Cristo-abingassursoggu, Bab-Dummad-sunmaksadba we ibmar-gussurdeeye. Ar ade Israel-dulemar, belagwapa Israel-wagan-sunnadsurmalad.

Gálatas 3:29

Ar bemar Cristogadile, bemar Abraham-e-waganmodo. Degisoggu, Bab-Dummad-Abrahamga-ibmar-ukoye-sogsad bemar a-abingamarmogodo.

Gálatas 6:16

Ar bela dulemar we igar gannar-burbar-gwalulesadba nanadimaladga, deginbali, dulemar Israel-Bab-Dummadgadidba-nanadimaladga, amarba ulubgi bogidik-itoleged, degi, dule-wile-daked gudigumalana-gadin.

Filipenses 3:3

Ar amardi na abgan-duku-sikedgi yeer itomalad, anmardi suli. Ar anmar bur abgan-duku-sikaled-sunnadid, ar ade anmar bur Bab Dummadba nanaimalad, ar anmar bur-nue Bab Dummad Burba Nuedba Bab-Dummad-nug-odummodimalad, degi, anmar Cristo-Jesúsginbi gannalemalad, anmar san-siksadgi na dukin gannalesurmalad.

Hebreos 1:8

Bab Dummad na E-Machi-nikdi soged: Bedi Baba, be-neg-dakmaid degi-na-sadegu guoed. Igar-napiragwadbarbi be neg-dakmaid.

Apocalipsis 11:15

Anger-gugled gala-trompeta ogotegu, nibneggi gaya-burbamar-bukidar gole an itosad, sogmar: We-napneggi-neg-semamaid bela anmar-Bab-Dummadgadga gunonikid, degi, Cristogadga gunonibalid. Degisoggu, a neg-dakmai degi-sadegu guoed.