Juan 3:2 - Bab dummad Jesucristoba igar mesisad garda

² We-dulede mutik Jesússe nonikid, ega sognonikid: —Rabí, odurdaked-saila-dummad, anmar wisid, be Bab Dummadgi danikid, dulemar-odurdakegar. Ar dule gege ibmar-wilubgan-dakledisurmalad imaked, we Bab Dummad eba gudisulir.

Kuna San Blas

² We-dulede, mutik Jesúsʼse nonikid, ega sognonikid: —Rabí, odurdaked-saila-dummad, anmar wisid, be anmar-odurdakegala Bab-Dummad be-barmialid. Ar Bab-Dummad we-duleba gudisulile, we-dule gege ibmar-wilubgan-dakledisurmalad imaked.

Juan 3:2 Iomraidhean Croise

Mateo 22:16

Degisoggu, Jesússe Fariseomar na e-sapingan-barmisad, Herodianomar-abargi. Jesússe nonimargu, ega sogdemalad: —Odurdaked-saila, anmar be-wisdo, be dule-ibmar-napiragwad-soged-duled, igar-napiragwadba Bab-Dummad-igar be odurdaked, degine, baisur be itoged igi dulemar begi binsae, ar ade begardi emarbi dulemar be daked.

Mateo 23:7

We-Fariseomar yeer itodamalad ibmar-ukleged-neggi dulemar bela ese goledbimalar, degine, yeer itodamalad, dulemar ese goled, odurdaked-sailaye.

Mateo 23:8

“Ar bemardi bese gorbisur be abemalad, odurdaked-sailaye, ar bemargardi unnila wargwennagwad bemar-odurdaked, Cristo, degine, bela bemar na-gwenadgan gumalad.

Marcos 12:14

Degi Jesússe nonimargu, ega sogdemalad: —Odurdaked-saila, anmar be-wisdo, be dule-ibmar-napiragwad-soged-duled, baisur be itoged igi dulemar begi binsae, ar ade begardi emarbi dulemar be daked. Degisoggu, Bab-Dummad-igar-maid, napiragwadba be dulemar-odurdakdiid. Emide ¿we igar-nuedi, Roma-Dummad-César-nugad anmargi-mani-gaed-bennuked? ¿Anmar bennukoe, igi, anmar bennukosuli? ¿Igi be sogmosunna?

Juan 1:38

Jesús sorba atakdegu, dule-warbogwad-eba-dani dakargu, amarga sogded: —¿Ibu be amimala? Amar, abin-sogdemalad: —Rabí, ¿Bia be mai? (Rabí sogleged, odurdaked-sailaye.)

Juan 10:38

Ar an-Bab-ibmar an imakdiirdi, ar be an-benmar-inigwele, an-ibmar-imakdiidgi mer be bengumardo, adi bemar wisgumalagar, degine, mer bengumalagar Bab angi gudiid, degine, an Babgi gudimogad.

Juan 12:37

Ar Jesús emar-wagab ibmar-wilubgan-dakledisurmalad bukidar imaksa-inigwele, dulemar amba Jesúsgi bengusmalad.

Juan 14:10

¿Ar be bensi, Babgi an gudiid, degine, Bab angi gudimogad? Ar ibmar an sogedi, an-itolegedba wargwen an sogsulid, ar Bab-angi-maiddi, a angi ibmar imaked.

Juan 15:24

Ar ibmar-dakledisulid emar-abargi dule-gwen-imakdisulid an imaksasurmogana, adi iskued niksurmalando. Ar emigindi ibmar daksamalad, istar an-daksamalad, degine, istar an-Bab-daksamarbalid.

Juan 2:11

Jesús we-ibmar-wilubgan-dakledisurmalad gebe Galilea-yargi, Caná-neggweburgi imaksa-gusad. Agi Jesús na e-gangued oyosad. Degine, e-sapingan Jesús-nue-bensuli-gunonimarsunnad.

Juan 20:16

Jesús ega sogded: —¡María! María Jesússik aibiris imasgu, ega sogded: —¡Raboni! (A sogleged, Odurdaked-Saila.)

Juan 3:26

E-sapingan, Juanse nonimalad, ega sognonimalad: —Odurdaked-saila, dule Jordán-diwar-obakar beba gudigusad, egi nued be sunmaksad, a-dule Bab-Dummad-digi-ogleged-igar imaknaimogad, degine, dule-bukidar ese duurmaknadapmalad, degisoggu, be sordamar-sate guoed.

Juan 4:31

Degi-gunaigua, e-sapingan Jesúsgi wilenai-gusmalad, ega sognai-guarmalad: —Odurdaked-saila, wis mas be gungwele.

Juan 5:36

“Ar Juan angi sogdigusadba bur-bule an-ibmar-imakdiidba an bemarga oyonaid, an doa-dule gue. Ar arbaegala Bab arbaed anga uksad, ar arbaed an imakdiid, a bato oyonaid, Bab an-barmiarye.

Juan 6:2

Dulemar-bukidar Jesúsba nade-gusmalad, ar ade ibmar-wilubgan-dakledisulid dule-uelemaladgi-imakdiid daksamalad.

Juan 7:31

Dulemar-bukidar Jesúsgi bengussurmalad, sogdemalad: —Bab Dummad sogsad, yoedse dule-wargwen an bemarga barmidagoye. A-dule nonikile, be insagua, ¿bur-bule we-dulebali ibmar-wilubgan-dakledisulid imako be insae? Gwen deyob imako an insasurdo.

Juan 9:16

Degi abar Fariseomar sogdemalad: —We-dule Bab Dummadgi danisulid, ar ade we-dule obunnoged-ibagi dule-nudaksad. Fariseo-baigandi sogmalad: —¿Ar dule iskudiile, we sunna ibmar-wilubgan-dakledisurmalad imakosi? Suli, geg imake. Na Fariseomar abin-abin imakarmarsunnad.

Gusmalad 10:38

Deginbali, bemardi nue wismarbalid, igi Bab Dummad Jesús-Nazaretginedga E-Burba-Nued uksa, degine, e-gangued ega uksabali. Degine, igi Jesús ibmar-nueganbi imakdii-gusbali, degi, igi dulemar-niaburbase-wiledimalad nudakdii-gusbali. Ar Jesús weyob gudigusad, ar ade Bab Dummad eba gudiguad.

Gusmalad 2:22

Pedro sogdebar: “Israel-dorgan, we an-bemarga-ibmar-sogoedi nue baritomalo: Jesús Nazaret-dola, bemardi nue wismalad, bemar-abargi Bab-Dummad-nuggi ibmar-dakledisurmaladi, ibmar-geger-daklemalad-wilubgan oyosad, ar a bemar bela-wisi bukwamalad, adi bemar dakega, na doa-dule gue.

Filipenses 1:14

Gwenadgan eskaryagi-mellesii an-dakedbali, bukidar gannaledmalad, Bab-Jesús-nuggi, bur-dobsuli Bab-Dummad-gaya-burbagi sunmakdemalad.