Juan 12:41 - Bab dummad Jesucristoba igar mesisad garda

⁴¹ Isaías weyob sogsa-gusad, deun Jesús-e-gangued daksagu, agi egi sunmaksa-gusad.

Kuna San Blas

⁴¹ Deunni, Isaías Jesús-e-gangued-daksagu, weyob sogsagusad. Degi, egi sunmaksa gusad.

Juan 12:41 Iomraidhean Croise

Lucas 24:27

Geb Jesús sogdebar, Moisés sogsad narmakar naidgi, degine, bela Bab-Dummad-gaya-burba-berbesmalad sogsamaladgi, degi, bela Bab-Dummad-Gardagi egi sognaidgi. Amar-warbogwadga Jesús bela sogsa-gusad.

Juan 1:14

We-a-Gaya-Burba-Nued, anmargii sanale san-nika-gunonimogad, degine, anmar-abargi sanale gudigusmogad. Anmar e-gandik-gaed daksamalad, unnila Bab-Dummad-Machi-Wargwenna-Gued e-gandik-gaed. A-dule ibibayobi dulemar-sabgue-wilubsulinad, degite, nue dulemar-sabe nanadii-gusad, degine, igar-napiragwadgi nanadii-gusbalid.

Juan 1:18

Dule gwen Bab-Dummad-dakdisulid. Unnila Bab-Dummad-Machi-Wargwennagwad, na e-Babba-mesa gudiid, a anmarga Bab-Dummad-osanalononikid.

Juan 14:9

Jesús, abin-sogded: —Felipe, ar dikasurgus an bemar-abargi gudiidde, degite, ¿amba be aku an-dakde? Ar dule an-daksale, a-dule bato an-Bab-daksamodo. Degite, ¿ibiga be anse egissunna: Bab be anga oyoye?

Juan 5:39

Bab-Dummad-Garda-narmakar-naid nue be baramimar, ar agi burba-geg-bergued baramilesiye be sogmalad. Ar a-Gardagi angi sunmaknaid, an doa-dule gue.

Gusmalad 10:43

Deginbali, bato Bab-Dummad-gaya-burba-berbemalad iduar sogsa-gusmogad, we-Jesúsgi, dulemar nue bensulile, a-dulemar abonolegoye, e-iskudiid, Jesús-nuggi Bab Dummad ega elioye.’ ”

2 Corintios 4:6

Ar Bab-Dummad-sunnad sogsad: Neg-sichidgi gwallu-mee gasunye. Gn. 1:3 A-Bab-Dummad-sunnad gwallu-mee anmar-gwagegi oganonikid, adi a-gwallubali Bab Dummad e-yeer-dakleged-Jesucristo-e-wagargi-gaed-ganaid mag anmar wisgumalagar.

Hebreos 1:3

Bab-Dummad-yeer-dakleged-gandik-gaedi, E-Machi deyob nikmogad, degine, bela Bab Dummadga guedi, E-Machi deyob gumogad. Degine, Bab-Dummad-Machi na e-gaya-burba-sunmaked gandik-nikadba, bela agi ibmar semaid. Bab-Dummad-Machi anmar-iskued anmarga uruknonigu, nibneggi Bab-Dummad-olo-gana argan-nuedsik sigdapsunnad.

1 Pedro 1:11

Bab-Dummad-gaya-burba-berbemalad, amididii-gusmalad, wede doa-dule, degine, sana wede deyob gubaloe, deun amar Cristo-Burba-Nued na egi naimaladba, a ega iduar sognai-gusad, wede igi Cristo naibi-itogoe, degine, a-sorbali igi Cristo-nug odummolebaloe.

Apocalipsis 19:10

Anger-nag-naba yokorgi sindigar an sigided, Bab Dummadyob e-nug-odummogegar. A-anger anga sogded: “Nue salakar. Mer yokorgi an-asabin sindigar be sige. Ar be-sunnaa, degine, gwenadgan-Bab-Jesúsba-nanaimalad gwen galakussurmaladyob, an Jesús-e-maimogad. Unnila Bab Dummadsebi be gole e-nug odummogegar.” Ar ade Bab-Dummad-gaya-burba-Bab-Dummad-abingasad-barsogmalad Jesúsgi iduakwaa sognoni-gusmalad, adi Jesúsgi ibmar napiragwad soglegegar.