Juan 12:21 - Bab dummad Jesucristoba igar mesisad garda

²¹ Amar, Felipese nonimalad. Felipe, Betsaida-Galileaginedid. Griego-dulemar Felipegi wilenai-gusmalad, ega sogdemalad: —Dummad, anmar Jesús-dakbimalad.

Kuna San Blas

²¹ Amar, Felipeʼse nonimalad. Felipeʼde, Galilea-yargi-Betsaida-neggweburginedid. Griego-dulemar Felipeʼgi wilenaigusmalad, ega sogdemalad: —Dummad, anmar Jesús-dakbimalad.

Juan 12:21 Iomraidhean Croise

Mateo 11:21

Jesús sogdesun: “¡Corazín-dorgan, be wilesmar! ¡Betsaida-dorgan, be wilesmar! Ar bemar Bab Dummadse sabsur-odurdaklenonikoed. Ar Tiro-neggweburgi, degi, Sidón-neggweburgi we-ibmar-dakledisurmalad imaklesana, a-neggweburmar bato dikasurgus sagumor yosmalanad, degine, burugi obsamarbalinad, adi oyogega, emarde na e-iskuedga bukib ulubgi nue itosmarye.

Mateo 2:2

sognonimalad: —¿Bia Judiomar-E-Rey-gwalulesad mai? Ar ade anmar dada-nakwedba e-niskwa daksamalad, anmar ese danimarsunnad e-nug odummogegar.

Juan 1:48

Natanael Jesúsga sogded: —¿Wede igi be an-wisi an deyobid? Jesús, abin-sogded: —Amba yo Felipe bese goleunni, deun sapi-higuera-urba amba be sigua, bato an be-daksad.

Juan 6:40

“Dule-an-barmialid we abemaid: Bela dulemar-E-Machi-dakedi, degine, egi bensuli-gunonikile, burba-geg-bergued nikuoed. Degine, ani, ibagan-napi-naguoedgi a-dule an odulogoed.”