Juan 10:27 - Bab dummad Jesucristoba igar mesisad garda

²⁷ An-sibad-wawaad an-gaya-burba mag-itomalad, mag an daked, degine, anba nad-damalad.

Kuna San Blas

²⁷ An-sibad-wawaad an-gayaburba mag-itomalad, an mag daked, degine, anba naddamalad.

Juan 10:27 Iomraidhean Croise

Mateo 16:24

Geb degi Jesús na e-sapinganga sogde: “Ar dule-wargwen an-sapinga gubiele, na dukin san ieger-gebed, nakrus-semaiyob nanaer-gebed, bato burgwenadapidyob, geb a-dule anba dagodo, geb a an-sapinga guodo.

Mateo 17:5

Ar amba Pedro sunmakgwichi, mogir mee emar-birgi nagunonikid. Geb agi mogir-imbaba gaka-burba gollalid, sogded: “We An-Machi-sabedi gued, we-machigi yeer an itoged. A-Machi nue be itomar.”

Mateo 25:12

“Ar dummad abin-imakdegu, sogded: ‘Napira an bemarga soged, aku an be-dakmalad.’ ”

Mateo 7:23

Geb degi an abin-sogoed: ‘Gwen an be-wichur, aku an be-dake, be angi bangumar, unnila bemar-ibmar-iskana-saedginbi-arbadimalad.’”

Marcos 10:21

Degi Jesús dule-dakdegu, nue-sabedba ega sogde: —Ibmar-gwensak amba be napi: Be-negse be nae, bela ibmar-be-nikad manigi be uknae, geb agi mani wileganaga be mimmioed. Geb degiir be nibneggi ibmar-nued be nikuoed. Geb a-sorba anba be dagoed, an-sapinga guegar.

Marcos 8:34

Geb degi Jesús dulemar-baiganse gochabargu, na e-sapinganga, degine, dulemar-baiganga sogded: “Ar dule-gwensak an-sapinga gubiele, na dukin san-ieger-gebed, nakrus-semaiyob nanaer-gebed, bato burgwenadapidyob, geb a-dule anba dagodo, geb a an-sapinga guodo.

Lucas 13:27

“Ar a-dule be-abin-imakdamaloed: ‘An bega sogmar, an be-wichurmar, ar be bia danimala. Bela bemar angi bangumar, bemar ibmar-iskana-imakmalad-dulemar.’

Lucas 9:23

Degine, Jesús bela-dulemarga sogded: “Ar dule-wargwen an-sapinga gubiele, na dukin san ieger-gebed, nakrus bane-bane semaiyob nanaer-gebed, bato burgwenadapidyob, geb a-dule anba dagodo, geb a an-sapinga guodo.

Juan 10:14

“Ani an sibad-wawaad-edarbed-nuedid. An-sibad-wawaad mag an na daked, degi, mag an-dakmarmogad,

Juan 10:16

Sibad-wawaad-baigan an nikbalid, we-galu-yabalidsulid, ainebalidid. Amar anse an sedamogar-gebed, amar an-gaya-burba-itomaloed. Unnila sibad-wawaad dangwennaa guoed, degine, e-edarbed wargwennaa gubaloed.

Juan 10:8

Dulemar-odurdakega an-idu-nonimalad, amar atursamaladid, degi, gandikidgi-atursamalad. Sibad-wawaad amar-gaya-burba itossurmalad.

Juan 12:26

Ar dule anga arbabiele, anba dagodo, an-sogedba nanaegar. Ar bia an gudiguoedgine, dule-anga-arbaedi agi gudigumogoed. Ar dule anga arbaele, an-Bab a-dule-nug odummogoed.”

Juan 21:22

Jesús ega sogded: —Ar we-dule an gannar-dagedse amba dula gudii an abegele, ¿ar be akar sogode? Ar bedi anba dage.

Juan 5:25

Napira an bemarga soged: Ibagan danikoed, emigindi ibagan nonisunnad, dulemar-burbar-burgwarmalad Bab-Dummad-Machi-e-gaya-burba itononikoed, ar dulemar-a-gaya-burba-itosmalad durgunonikoed.

Juan 8:12

Gannar Jesús dulemarga sunmakdebargu, sogded: —Ani an we-napneg-naid gwallu-meegwadid. Ar dule anba dagele, neg-sichidgi nanaosulid, gwallu-meegwad nikuoed, a-gwallu-meegwad burba-geg-bergued dulemarga uked.

Juan 8:43

¿Ibiga nue-akusunna an-ibmar-soged be itomala? Ar ade an-ibmar-soged be itobisurmaladba, be aku itomalad.

Gusmalad 3:23

Ar doamar we-Bab-Dummad-gaya-burba-berbeged-sogedba ibmar imaksulile, Bab Dummad a-dulemar bemar-abargi oburgwemaloed. Dt. 18:15-19

1 Corintios 8:3

Ar dule Bab-Dummad-sabele, Bab Dummad na wisdo, we-dule e-sabed.

Gálatas 4:9

Ar emigindi bemar Bab-Dummad-mag-dake gunonikid. Suli, degisuli, Bab Dummad bur mag bemar-dake gunonikid, bemar-susadba, ar degite ¿ibiga bemar we-igar-baisursunnagwadse, degi, igar-nollomaladse gannar namarbarsunnoe, e-maiga gannar guegar?

2 Timoteo 2:19

Ar Bab Dummad na e-igar-mesisad geg na ogwaed, ar weyob anmarga oyomaid: Bab Dummad na wisid doamar na e-sordamala. Nm. 16:5 Degine, bela dulemar-Cristoba-naimaladi, iskuedgi banguer-gebed.

Hebreos 3:7

A-ulale, Bab Dummad Burba Nued sogedyob be imakmalo: Emi-ibagi Bab-Dummad-gaya-burba be itogele,

Apocalipsis 14:4

Wemala omegangi-iskussurmalad, na san-swilidik sedigusmalad. Wemar Sibad-Wawaad-Mimmi bia naoe, eba naigu-gusmalad. Wemar dulemar-abargi abonolesmalad, adi wemar-insega Bab Dummadgadga, degi, Sibad-Wawaad-Mimmigadga gumalagar.

Apocalipsis 3:20

Ar emigindi yawagakgi an bese gorgwichid. Ar dule-wargwen an-goled itosale, anga yawagak egasale, an ese dogoed, an-ebo mas gunnoed, degine, a-dule anba mas gunmogoed.