Juan 1:41 - Bab dummad Jesucristoba igar mesisad garda

⁴¹ Andrésde e-ia-Simón-inse aminaded. Simón-amisgu, ega sogded: —Anmar Mesías-amismalad. (Mesías sogleged, Cristo.)

Kuna San Blas

⁴¹ Andrésʼde, e-ia-Simón-inse aminaded. Simón-amisgu, ega sogded: —Anmar Mesías-amisad. (Mesías sogleged, Cristoʼye).

Juan 1:41 Iomraidhean Croise

Mateo 1:23

Emi be dake, yagwa-wargwen gurgin-nika guo, machi-nikunoniko, Emanuelye nugsalegoed. Is. 7:14 Emanuel sogleged, “Bab Dummad anmarba gudiiye.”

Lucas 2:17

Degi-dakarmargu, sibad-wawaad-edarbemalad sogdemalad, igi angermar mimmigi ega sunmaksamala.

Lucas 2:38

Simeón deyob sunmakgwichidgi, Ana nonimogad. A-mukwa Bab Dummadga Jesúsgi dog-nuedye sogsa-gusad, degi, bela Jerusaléngi dulemar-Bab-Dummad-abonogoed-edarbedimaladga machi-bipigi ega sunmakde-daed.

Juan 1:45

Felipe, Natanael-aminad. Amisgu, ega sogde: —Moisés e-igar-mesisadgi igi narmaksa, degi, Bab-Dummad-gaya-burba-berbemalad egi narmaksamarmoga, yoedse dule-wargwen danikoye, a-dule anmar amisad. A-dule, Jesús, José-machi, Nazaretginedid.

Juan 4:25

Ome, Jesúsga sogded: —An wisi, yoedse Mesías, dule-wargwen barmiledagoye soglesad, Cristo-nugad nonikoed. A-Cristo nonikile, a anmarga bela ibmar sognonikoed.

Gusmalad 10:38

Deginbali, bemardi nue wismarbalid, igi Bab Dummad Jesús-Nazaretginedga E-Burba-Nued uksa, degine, e-gangued ega uksabali. Degine, igi Jesús ibmar-nueganbi imakdii-gusbali, degi, igi dulemar-niaburbase-wiledimalad nudakdii-gusbali. Ar Jesús weyob gudigusad, ar ade Bab Dummad eba gudiguad.

Gusmalad 4:27

“Ar ade nue-napiragwad, Herodes, degi, Poncio-Pilato, Judiosurmalad, degi, Israel-dulemarmala we-neggweburgi ambikusmalad, igar amibukwa-gusmalad, Be-Machi-gwage-swilidikid-Jesús oburgwegar. A-Jesús be susa-gusad, Cristoga guegar.

1 Juan 1:3

Anmar-sunnad daksad, anmar-sunnad itosad, agi anmar bemarga sunmakmalad, adi bemar anmarba akanai-gumarmogagar. Anmar-sunnad Babgi, degine, E-Machi-Jesucristogi akanaimarmogad.