Juan 1:19 - Bab dummad Jesucristoba igar mesisad garda

¹⁹ Juan-Bautista Jesúsgi sunmaksa-gusgu, weyob gusdo. Deunni Judiomar-dummagan Jerusalén-akar dule-irwa-Bab-Dummadse-gormalad, degi, a-bendakmalad-barmiar-gusmalad, Juanse egismalagar: —¿Be doa-dule-sunna?

Kuna San Blas

¹⁹ Diigi-dule-oged-Juan weyobi Jesúsʼgi sunmaksagusgu, weyob gusdo. Deunni, Judíoʼmar-dummagan Jerusalén-akar dule-irwa-Bab-Dummadse-gormalad, degi, a-bendakmalad-Levitaʼmar barmiargusad, Juanʼse-egismalaga: —¿Be doa-dulesunna?

Juan 1:19 Iomraidhean Croise

Juan 1:7

We-dule-nonikid gwallu-meegwad barsogega nonikid, adi bela dulemar a-gwallu-meegwad mer bengumalagar.

Juan 10:24

Judiomar bela Jesús-ebilis ambikusmargu, ega sogdemalad: —¿Bule-sui undar yoote be anmar-obinsa imakmaloe? Ar be Bab-Dummad-dule-wargwen-barmidagoye-sogsad-dulele, anmarga bakar be soge. ¿Ar be Cristo-sunnadi?

Juan 10:31

Degi Judiomar gannar akwa susmalad, Jesús-makegar.

Juan 11:19

Lázaro-burgwisad-ular, Judiomar-bukidar Martase, degi, Maríase nonigusmalad, adi wis e-gwage odimakegar.

Juan 2:18

Judiomar Jesús-abin imakdemalad, abin-sogdemalad: —¿Ibi-ibmar-wilubgan-dakledisulid be anmarga imakosunna, adi anmarse oyogegar Bab Dummad bega igar-uksad weyob be ibmar imakegar?

Juan 2:20

Judiomar geb abin-sogdemarbar: —We-Bab-Dummadse-goled-neg birga-dulabo-gakanergwa soblenai-gusadde, emide, ¿bede ibapaagi gannar sobode? Geg be gue.

Juan 5:10

Agi Judiomar dule-nugusadga sogdemalad: —Emi-ibagi obunnoged-iba naid, degisoggu, be-egi-gabed na be sededsulid.

Juan 5:15

Dule-nugusad nade-gusad, Judiomar-owisodapid, Jesús e-onudaksaye.

Juan 5:16

A-ulale, Judiomar Jesús-bareginnarmarsunnad, oburgwebi-guarmalad, ar ade obunnoged-ibagi we-ibmarmar imakdiid.

Juan 5:18

A-ulale Judiomar bur Jesús-oburgwebi-guarmalad, ar ade Jesús unnila obunnoged-ibabi biskedisulid, Bab Dummad na ebo emar imakdibalid, na sogsadba, Bab Dummad an-Bab-sunnadye.

Juan 6:41

Degi Judiomar Jesúsgi sunmakedbi-guarmalad, ar ade Jesús sogsad: “Ani an madu-nibneggi-aidenonikidye.”

Juan 6:52

Agi Judiomar na abin-abin imakarmalad, sogdemalad: —¿Ar wede anmar e-san-gunnega anmarga na e-san ukode? Adi surbali.

Juan 7:1

We degi-gusad-sorba, Jesús Galilea-yalaganba bipirmakdii-gusad, ar ade yapa Judeagi gudigued, ar Judiomar e-oburgwebimalad.

Juan 7:11

Ibagi Judiomar Jesús-amidii-guarmalad, sogdemalad: —¿Wede bia dule nade?

Juan 7:15

Judiomar-dummagan geger Jesús-dakdemalad, sogdemalad: —Ar we-dule dummaganse-ibmar-gwen-durdaksasulid, ar degite, ¿ibiga ibmar-nue-wisi dulemar-odurdake?

Juan 8:22

Degi Judio-dummagan sogdemar: —¿Ar ede na dukin oburgosi? Ar soged: ‘An-bia-naedse, geg bemar ase namarye.’

Juan 8:48

Degi Judiomar Jesús-abinsadmalad, ega sogdemalad: —Ar anmar nabir sogmalad, be Samaria-dulemar-iskanayobmogad, degine, nia begi naid.

Juan 8:52

Degi Judiomar Jesúsga sogdemalad: —Emigindi anmar nue wisdo, nia begi naid. Abraham, degi, Bab-Dummad-gaya-burba-berbemaladdi burgwismalad, emide bedi soged: ‘Ar dule-wargwen an-gaya-burba-sogedba daele, burgwed itogosurye.’

Juan 8:57

Degi Judiomar ega sogdemalad: —Amba be birga-dulabo-gakambe niksulidde, ¿degite, Abraham be daksade? Be daksasuli.

Gusmalad 13:25

Juan e-arbaed-wilubgan bergunaigua, sogde-gusad: ‘¿Doaye bemar an-bimala? ¿Bab-Dummad-dule-wargwen-barmidagoye-sogsad-duleye be an-bimala? An a-dulesulid. An-sorba-danikiddi anba bur-dule-dummadid, degisoggu, e-sapat-dubse-bakar geg an ei esiked.’

Gusmalad 19:4

Pablo amar-abin sogded: “Nabir be sogmalad, Juan Bab-Dummad-digi-ogleged-igar imaksagu, oyogegalad, e-iskudimaladga na bukib itomarye. Juan dulemarga sogsa-gusad: ‘An-sorba dule-wargwen-danikoeddi mer egi bemar bengumaloye.’ We-dule-obarisad Cristo-Jesús-nik sogsa-gusad.”

1 Juan 1:5

We-gaya-burba anmar Jesucristogi itos-gusad, agi anmar bemarga sunmaked: Bab Dummad gwallu-meegwadyob guye, Bab Dummadgi neg-sichid bipisaar naisurye.