Gusmalad 8:14 - Bab dummad Jesucristoba igar mesisad garda14 Jerusaléngi Jesús-nuggi-barmilesmalad wisguarmargu, Samaria-dulemar Bab-Dummad-gaya-burba gwagegi abingasmarmoye, Pedro, degi, Juan-ebogwa, ega barmid-gusmalad. Faic an caibideilKuna San Blas14 Jesús-e-sapingan-bur-dummagan-Jerusalénʼgi-bukmalad wisguarmargu, Samaria-dulemar Bab-Dummad-gayaburba abingasmarye. Geb esega, Pedro, degi, Juan-ebogwa, barmismalad. Faic an caibideil |
Pablo, Bernabé-ebo Jerusalénse mosmargu, Bab-Jesúsba-nanaimalad-danar-ambikunoni-damalad nue yeer abindaksamalad, degi, Jesús-nuggi-barmilesmalad, agi Bab-Jesúsba-nanaimalad-e-idumaladga gubukwad, amar nue yeer abindaksamarmogad. Pablo, degi, Bernabé, amarga sogdesunnad, igi Bab Dummad emargi igar imaksad.
Judiomar Esteban-iblosmargu, Saulo yeer itogwichi-gusmogad. Deunni Jerusalén-neggweburgi Bab-Jesúsba-nanaimalad-danar-ambikunoni-damalad nue-ise-wilegar baregillearmalad. Degisoggu, bela amar duurmakde-gusmalad, Judea-yalaganba, degi, Samariase. Unnila Jesús-nuggi-barmilesmaladbi Jerusaléngi besa-gusmalad.
Santiago, Cefas, Pedroye-nugbalid, degi, Juan, amar Bab-Jesúsba-nanaimalad-abargi buar-neg-ganikidyob gudidimarsoggu, amar an-daksamalad Bab Dummad nabir-angi-binsaedba E-gaya-burba-nuedgi sunmakega an-susad. Agala, anga, degi, Bernabéga e-argan gasmalad, a sogleged, anmar na-mesa arbamalad gumarye. Deyob imaksamalad, adi anmar Judiosurmalad-abargi arbaegar, ar emardi Judiomar-abargi arbamogagar.
A-ulale anmar Bab Dummadga dog-nuedye sogdimarsunnad. Ar anmar bemarga Bab-Dummad-gaya-burbagi sunmaksamargu, bemar nue Bab-Dummad-gaya-burba sunsoged-dake be abingasmalad, dule-gaya-burbaye gwen be binsassurmalad. Ar nue napiragwad, we Bab-Dummad-gaya-burba-sunsogedid, ar bemar-Bab-bensurmaladgi nue mag-dakle imaked.
A-ulale anmar-gwenad-Timoteo bemarse an barmismalad, be-daknamalagar. We-Timoteo Bab-Dummadga-arbadimogad-duled, degine, anmarba Bab-Dummad-gaya-burba-nued Cristogi-sunmaklegedgi sunmakdimogad-dulebalid. Timoteo an bemarse barmismalad, adi bemar-Cristogi-bensulidba gwagegi bemar-ogannomalagar, degine, nabir-ito-bemar-imakmalagarbar.