Apocalipsis 19:6 - Bab dummad Jesucristoba igar mesisad garda

⁶ Dulemar-bukidar sunmakeyob, diwarmar-bukidar aryomaiyob, mar-dummagan gollomakmaiyob, gaya-burba sunmak an itosad, soge: ¡Bab-Dummad-nug odummomarsun! ¡Ar Bab Dummad, anmar-Dummad-Bur-Dummadid, bela-gandikidba-gar-nika-maid, emigi bela neg-dakmai-gunonisunnad!

Kuna San Blas

⁶ Dulemar-bukidar-sunmakeyob, diwarmar-bukidar aryomaiyob, mar-dummagan gollomakmaiyob, gayaburba sunmak an itosad. Weyob sogmalad: “¡Aleluya! Ar Bab-Dummad-anmar-Dummad bela-gangued-nika-maid, bela negdakmai gunonisunnad.

Apocalipsis 19:6 Iomraidhean Croise

Mateo 6:13

Iskuedgi-wilubdaklegedse mer warmaked be anmar-imak, bur iskuedgi obined be anmar-sae. Ar na be-neg-dakmaid begadid, be-gangued, degi, be-nug odummoleged, begadbalid, birga-miliba degi-sadegu gusun. Be itogua.”

Apocalipsis 1:15

Degine, e-nagmar eskordikid-dakarmakedyob-gaed, igi soo-yagi gaedyob, degine, e-sunmaked suke-dummad-aryomaidyob-goled.

Apocalipsis 1:8

Bab-Bur-Dummadid weyob soged: Ani an gebesailaginedid, degine, ani an napisoladbalid. Ani an gebe-iduedid, degine, anse bergunaibalid. Ani an bur-gangued-nika gudiid, ani an bur-gangued-nika gudigusad, ani an bur-gangued-nika gudigubaloed.

Apocalipsis 12:10

Geb degi nibneggi gaya-burba binnasur gole an itosad, soge: Emigindi Bab-Dummad-dulemar-abonoged-igar nue nonisunnad, degine, Bab Dummad gandikidba na neg-dakmai-gunonisunnad, degine, gandikidba na Cristo neg-seoed nonimosunnad, ar ade nia-saila anmar-gwenadgangi Bab-Dummad-asabin sunmaknoni-daed, Bab-Dummad-asabin mutikidba, degine, ibginedba istar sunmakdii-daed barmelledsunnad.

Apocalipsis 14:2

Geb degi nibneggi gaya-burba diwar-ichesur-aryomaidyob goled, degine, mar-binnasur-goledyobi gorbalid. Gaya-burba-gole-an-itosadi, dulemar-gar-arpa-ogormalad-ogorbukwadyob goled.

Apocalipsis 19:1

We degi-gusad-sorbali, dulemar-bukidarad-gaya-burba nibneggi binnasur-gole an itosad, sogbukwa: ¡Bab-Dummad-nug odummomarsun! Abonoleged, nug-odummoleged, yeer-dakleged, degine, gangued, bela anmar-Bab-Dummadgadid.

Apocalipsis 19:4

Degine, girmar-selegan-dulagwen-gakabakegwad, deginbali, ibdula-walabakegwad Bab-Dummad-na-e-olo-ganagi-siid-asabin bela yokorgi napase nono-ebuar sigidmalad, Bab-Dummad-nug ogannodmalad, sogdemalad: ¡Deyob ibmar gusun! ¡Bab-Dummad-nug odummomarsun!

Apocalipsis 21:22

We-neggweburgi Bab-Dummadse-goled-neg an daksasulid, ar ade Bab-Bur-Dummad, Bela-Gangued-Nika-Maid, degine, Sibad-Wawaad-Mimmi na emar Bab-Dummadse-goled-negga gubukwad.

Apocalipsis 4:5

Olo-gan-siidgi mala ibyemaid, mala gollomakmaid, degine, mala uurmakmaid. Olo-gan-asabin gwallu-gwagugle gasibalid. A sogleged, Bab-Dummad-burba-sogagugle-gued e-wilubganye.

Apocalipsis 6:1

An daksado, Sibad-Wawaad-Mimmi, gardagi-wilubgan-sogagugle-saidigar-naid-gwensak bichisad. Degine, an itosbalid, ibdula-walabakegwad-gwensak, mar-goledyob binnasur sogded: “Be dage, be dakdage.”

Apocalipsis 8:5

Geb degi anger sianar susgua, Bab-Dummadga-ibmar-gummakar-ukleged-galugi soo-siid egi enosgu, napnegse meted. Agi mala bukidar goted, uurmakded, mar ibyided, degine, negabandur nagunonikid.